ബാലയെ കാണാൻ ആശുപത്രിയിലേക്ക് ഓടിയെത്തി അമൃതയും മകള്‍ പാപ്പുവും

കഴിഞ്ഞ ദിവസമാണ് നടൻ ബാലയെ കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചത്. കടുത്ത ചുമയും വയറുവേദനയും അനുഭവപ്പെട്ടതിനെ തുടര്‍ന്നാണ് ചികിത്സ തേടിയത്.  ആശുപത്രിയിൽ പ്രവേശിപ്പിച്ചതിനെ തുടര്‍ന്ന് മകൾ പാപ്പുവിനെ കാണാൻ നടൻ ആഗ്രഹം പ്രകടിപ്പിച്ചിരുന്നു. 

ഇത് ആരാധകര്‍ ഏറ്റെടുത്തതോടെ സമൂഹ മാധ്യമങ്ങളിൽ അമൃത മകളെ ബാലയെ കാണിക്കുമോ എന്നുള്ള ചോദ്യമാണ്  ഉയർന്നത്. എന്നാൽ ഇപ്പോഴിതാ ബാലയെ കാണാൻ ആശുപത്രിയിലേക്ക് ഓടിയെത്തിയിരിക്കുകയാണ് അമൃതയും മകള്‍ പാപ്പുവും. ഗോപി സുന്ദറിന്റെ   ഇനിഷ്യേറ്റീവിലാണ് മകള്‍ പാപ്പുവിനെ  ബാലയെ കാണിക്കാൻ കൊണ്ടുവന്നത് എന്നാണ് ലഭിക്കുന്ന വിവരം.