HOME » NEWS » Buzz » BIG INCREASE IN THE NUMBER OF COVID RELATED TWEETS ON TWITTER JK

ട്വിറ്ററില്‍ കോവിഡ് അനുബന്ധ ട്വീറ്റുകളുടെ എണ്ണത്തില്‍ വന്‍ വര്‍ദ്ധനവ്; ഇവയാണ് പ്രധാന ഹാഷ്ടാഗുകള്‍

കോവിഡുമായി ബന്ധപ്പെട്ട ട്വീറ്റുകൾ ഈ വർഷം ഏപ്രിൽ 1 മുതൽ മെയ് 31 വരെ വളരെയധികം വർദ്ധിച്ചു

News18 Malayalam | news18-malayalam
Updated: July 2, 2021, 2:11 PM IST
ട്വിറ്ററില്‍ കോവിഡ് അനുബന്ധ ട്വീറ്റുകളുടെ എണ്ണത്തില്‍ വന്‍ വര്‍ദ്ധനവ്; ഇവയാണ് പ്രധാന ഹാഷ്ടാഗുകള്‍
Twitter
  • Share this:
കോവിഡ് കാലത്ത് കോവിഡ് അനുബന്ധ വിവരങ്ങൾ കൈമാറുന്നതിന് ജനങ്ങൾ ഏറ്റവും കൂടുതൽ ആശ്രയിക്കുന്ന സോഷ്യൽ മീഡിയ പ്ലാറ്റ്ഫോമാണ് ട്വിറ്റർ. പ്രത്യേകിച്ച് കോവിഡ് രണ്ടാം തരംഗത്തിലാണ് ആളുകൾ ആശയവിനിമയത്തിനായി ഏറ്റവും കൂടുതൽ ട്വിറ്റർ ഉപയോഗിച്ചത്. ഈ വർഷം ഏപ്രിൽ-മെയ് മാസങ്ങളിൽ, സോഷ്യൽ മീഡിയ ഭീമൻ വൈദ്യസഹായം തേടുന്ന കോവിഡ് രോഗികൾക്ക് ഇന്ത്യയുടെ തത്സമയ ഹെൽപ്പ്ലൈനായി തന്നെ മാറിയിരുന്നു.

മറ്റു ചിലർ ട്വിറ്ററിലൂടെ കോവിഡ് രോഗികളുടെ ജീവൻ രക്ഷിക്കുന്നതിനാവശ്യമായ വിവരങ്ങൾ പങ്കുവച്ച് സഹായിക്കാൻ സന്നദ്ധരായി. കോവിഡുമായി ബന്ധപ്പെട്ട ട്വീറ്റുകൾ ഈ വർഷം ഏപ്രിൽ 1 മുതൽ മെയ് 31 വരെ വളരെയധികം വർദ്ധിച്ചു. ഫെബ്രുവരി, മാർച്ച് മാസങ്ങളെ അപേക്ഷിച്ച് കോവിഡ് അനുബന്ധ സംഭാഷണങ്ങളിൽ 100 ​​ശതമാനം വളർച്ചാണ് ഏപ്രിൽ മുതൽ മെയ് വരെ രേഖപ്പെടുത്തിയിരിക്കുന്നത്.

ഇന്ത്യയിലെ കോവിഡ് ആശയവിനിമയത്തിന്റെ ഭാഗമായി പ്ലാറ്റ്ഫോം നിരവധി പുതിയ സവിശേഷതകളും അവതരിപ്പിച്ചു. ഏപ്രിൽ, മെയ് മാസങ്ങളിലെ വളർച്ചാ പാത വിശകലനം ചെയ്തുകൊണ്ട് ട്വിറ്റർ സംഭാഷണങ്ങളെ നാല് വിഭാഗങ്ങളായി തിരിച്ചിട്ടുണ്ട്.

Also Read-Viral Video|ആരേയും കൂസാതെ റോഡിൽ നടക്കാനിറങ്ങിയ മുതല; പരിഭ്രാന്തരായി നാട്ടുകാർ

ആദ്യ വിഭാഗം മെഡിക്കൽ സഹായമാണ്. ഇവിടെ സഹായം തേടുന്നവരും സന്നദ്ധപ്രവർത്തകരും തമ്മിലുള്ള ട്വീറ്റ് കൈമാറ്റം 1.5 മടങ്ങ് വർദ്ധിച്ചതായാണ് വിവരം. വൈദ്യസഹായം തേടുന്നതിനോ നൽകുന്നതിനോ ഉള്ള ട്വീറ്റുകൾ 1,958 ശതമാനം വർദ്ധിച്ചു. രണ്ടാം കോവിഡ് തരംഗത്തിൽ #Covid19 ടാഗ് ഉപയോഗിക്കുന്നവരുടെ എണ്ണത്തിൽ 77 ശതമാനം വർധനവുണ്ടായി. ഫെബ്രുവരി-മാർച്ച് കാലയളവിനെ അപേക്ഷിച്ച് #Blood എന്ന ടാഗ് 72 ശതമാനം കൂടുതലായി ട്വീറ്റ് ചെയ്തു. #Plasma എന്ന ടാഗ് ഉപയോഗത്തിൽ 834 ശതമാനം വർധനവുണ്ടായി.

#Vaccine, #Vaccination എന്നീ ടാഗുകൾ ഉപയോഗിച്ചുള്ള ട്വീറ്റുകൾ 246 ശതമാനം ഉയർന്നു. വാക്‌സിനുമായി ബന്ധപ്പെട്ട അപ്‌ഡേറ്റുകളും ആധികാരിക ഉറവിടങ്ങളിൽ നിന്നുള്ള വിവരങ്ങളും നൽകുന്ന ഒരു ഹോം ടൈംലൈൻ അവതരിപ്പിച്ചതാണ് ഈ വർദ്ധനവിന് കാരണം.

#CoronavirusUpdates, #CoronaIndiaUpdate, # Covid19IndiaResources പോലുള്ള ഹാഷ്‌ടാഗുകൾ ഉപയോഗിച്ചുള്ള സംഭാഷണങ്ങൾ 916 ശതമാനം വർദ്ധിപ്പിച്ചു. ഇതാണ് രണ്ടാമത്തെ വിഭാഗം. വിവിധ വിദഗ്ദ്ധ സംഘടനകൾ, ഔദ്യോഗിക സർക്കാർ സ്ഥാപനങ്ങൾ, ആരോഗ്യ വിദഗ്ധർ, എപ്പിഡെമിയോളജിസ്റ്റുകൾ എന്നിവർ ഈ സേവനം ഉപയോഗിക്കുന്നതിനാൽ കോവിഡുമായി ബന്ധപ്പെട്ട ഏറ്റവും പുതിയ സംഭവവികാസങ്ങൾ, വാക്സിനേഷൻ ഡ്രൈവുകൾ, മറ്റ് പ്രസക്തമായ വിവരങ്ങൾ എന്നിവയെക്കുറിച്ച് കൃത്യമായ വിവരങ്ങൾ ലഭിക്കാൻ ആളുകൾ ഈ ഹാഷ്ടാഗുകളെയാണ് ആശ്രയിക്കുന്നത്.

Also Read-സിംഹങ്ങളുടെ ഇടയിൽ നിന്നും സാഹസികമായി രക്ഷപെട്ട ഞണ്ട്; വൈറൽ വീഡിയോ കാണാം

മൂന്നാമത്തെ വിഭാഗം ധനസമാഹരണമാണ്. ഈ വിഭാഗത്തിലെ ട്വീറ്റുകൾ ദുരിതാശ്വാസ പ്രവർത്തനങ്ങൾക്കും ധനസമാഹരണത്തിനും സംഭാവന നൽകാൻ മുന്നോട്ട് വരുന്ന ആളുകളുമായി ബന്ധപ്പെട്ടതാണ്. അതുകൊണ്ട് ഈ സംഭാഷണങ്ങളിൽ 731 ശതമാനം വർദ്ധനവുണ്ടായി.

നാലാമത്തെ വിഭാഗം മാനസികാരോഗ്യമാണ്. #DoctorsMentalHealth, #CovidCounselling, #CovidDepression, #CovidInsomnia തുടങ്ങിയ ഹാഷ്ടാഗുകളാണ് ഈ വിഭാഗത്തിലുള്ളത്.

പ്രാദേശികവും സംസ്ഥാനവുമായി ബന്ധപ്പെട്ടതുമായ സംഭാഷണങ്ങളിൽ #IndiaFightsCorona എന്ന ടാഗിലുള്ള ട്വീറ്റുകളിൽ 530 ശതമാനം വർധനയുണ്ടായി. #DelhiFightsCorona, #MaharashtraFightsCorona എന്നിവയും ട്വീറ്റുകളിൽ ഗണ്യമായ വർദ്ധനവ് രേഖപ്പെടുത്തി.
Published by: Jayesh Krishnan
First published: July 2, 2021, 2:11 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories