Sonu Sood| കൂട്ടുകാരെല്ലാം ഗെയിം കളിക്കുന്നു; തനിക്ക് ഒരു PS4 നൽകണമെന്ന് വിദ്യാർത്ഥി; സോനു സൂദിന്റെ മറുപടി ഇങ്ങനെ

വിദ്യാർത്ഥിക്ക് സോനു സൂദ് നൽകിയ മറുപടിയാണ് ട്വിറ്ററിൽ വൈറലായിക്കൊണ്ടിരിക്കുന്നത്.

News18 Malayalam | news18-malayalam
Updated: August 6, 2020, 4:20 PM IST
Sonu Sood| കൂട്ടുകാരെല്ലാം ഗെയിം കളിക്കുന്നു; തനിക്ക് ഒരു PS4 നൽകണമെന്ന് വിദ്യാർത്ഥി; സോനു സൂദിന്റെ മറുപടി ഇങ്ങനെ
Sonu sood
  • Share this:
"കൂട്ടുകാരെല്ലാം ലോക്ക്ഡൗണിൽ ഗെയിം കളിക്കുകയാണ്. എനിക്കൊരു PS4 വാങ്ങാൻ സഹായിക്കുമോ?" നടൻ സോനു സൂദിന് ട്വിറ്ററിൽ വന്ന സന്ദേശമാണിത്.

ലോക്ക്ഡൗണിൽ രാജ്യത്തിന്റെ പല ഭാഗങ്ങളിൽ കുടുങ്ങിപ്പോയവരെ സഹായിക്കാൻ മുന്നിട്ടിറങ്ങിയ നടനാണ് സോനു സൂദ്. ഓരോ ദിവസവും നിരവധി സഹായ അഭ്യർത്ഥനകളാണ് താരത്തിന് ലഭിച്ചുകൊണ്ടിരിക്കുന്നത്. ഇതിനകം നിരവധി പേരെ നാട്ടിലെത്താനും ജോലി നൽകാനും നടന് സാധിച്ചിട്ടുണ്ട്.

TRENDING:AMonsoon Bumper Lottery | ആ അഞ്ചുകോടി കോടനാട്ടെ റെജിൻ കെ രവിയുടെ കൊച്ചുവീട്ടിലേക്ക്
[NEWS]
'മുസ്ലിമായതിനാൽ ബലാത്സംഗം ചെയ്യപ്പെടണം' ; ഭീഷണി മുഴക്കിയ ആളുടെ പേര് വെളിപ്പെടുത്തി ഖുശ്ബു
[PHOTO]
Sushant Singh Rajput Case| നടി റിയ ചക്രബർത്തി ഓഗസ്റ്റ് ഏഴിന് ഹാജരാകണം; എൻഫോഴ്സ്മെന്റ് ഡയറക്ടറേറ്റ് സമൻസ്
[PHOTO]

അതിനിടയിലാണ് വ്യത്യസ്തമായ ഒരു സഹായ അഭ്യർത്ഥന സോനു സൂദിന് ലഭിച്ചത്. നിലേഷ് നിമ്പൂർ എന്ന ഐഡിയിൽ നിന്നാണ് സന്ദേശം വന്നത്. പത്താം ക്ലാസ് വിദ്യാർത്ഥിയാണ് സന്ദേശം അയച്ചതെന്നാണ് സൂചന.


വിദ്യാർത്ഥിക്ക് സോനു സൂദ് നൽകിയ മറുപടിയാണ് ട്വിറ്ററിൽ വൈറലായിക്കൊണ്ടിരിക്കുന്നത്. PS4 ഇല്ലെങ്കിൽ നിങ്ങൾ ഭാഗ്യവാനാണ്. പുസ്തകങ്ങൾ വായിക്കൂ, അതിന് വേണ്ടിയുള്ള കാര്യങ്ങൾ താൻ ചെയ്തുതരാം എന്നാണ് സോനു വിദ്യാർത്ഥിക്ക് നൽകിയ മറുപടി.


സോനുവിന്റെ മറുപടി നെറ്റിസൺസ് ഏറ്റെടുത്തു കഴിഞ്ഞു. ഒരു വിദ്യാർത്ഥിക്ക് നൽകാൻ കഴിയുന്ന ഏറ്റവും മികച്ച മറുപടിയാണ് താരം നൽകിയിരിക്കുന്നതെന്നാണ് നെറ്റിസൺസ് പറയുന്നത്.


ഇതിനകം 15,000 ലൈക്കുകളും 1,600 ൽ അധികം റീട്വീറ്റുകളുമാണ് സോനുവിന്റെ മറുപടിക്ക് ലഭിച്ചത്.

ഇന്റർനെറ്റിന് അടിമകളായ പുതിയ തലമുറയ്ക്ക് നൽകാവുന്ന ഏറ്റവും നല്ല ഉപദേശമാണ് താരം നൽകിയിരിക്കുന്നതെന്നാണ് ട്വിറ്ററിൽ വന്ന ഒരു മറുപടി.
Published by: Naseeba TC
First published: August 6, 2020, 4:20 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading