നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • buzz
    • »
    • Fact Check: കുഞ്ഞിനെ കൈയിലേന്തി വാവിട്ടു കരയുന്ന കുരങ്ങിന്‍റെ ചിത്രം; ആമസോൺ മഴക്കാടുകളിൽനിന്നോ?

    Fact Check: കുഞ്ഞിനെ കൈയിലേന്തി വാവിട്ടു കരയുന്ന കുരങ്ങിന്‍റെ ചിത്രം; ആമസോൺ മഴക്കാടുകളിൽനിന്നോ?

    'ഈ ചിത്രം ഒരിക്കലും മറക്കാനാകാത്തതാണ്. ഒരിക്കൽപ്പോലും ഒരു മൃഗത്തിന്‍റെ ഇത്രയും വികാരഭരിതമായ ചിത്രം പകർത്തിയിട്ടില്ല'- അവിനാഷ് പറയുന്നു

    • Share this:
      ആമസോൺ മഴക്കാടുകളിലെ തീപിടുത്തത്തിന്‍റെ വാർത്ത വളരെപെട്ടെന്നാണ് വൈറലായത്. പരിസ്ഥിതിക്ക് വൻ പ്രത്യാഘാതമുണ്ടാക്കുന്ന തീപിടുത്തമാണ് ആമസോൺ മഴക്കാടുകളിലേത്. അതുകൊണ്ടുതന്നെ സോഷ്യൽ മീഡിയയിൽ ഈ വാർത്ത ഇപ്പോൾ ഏറ്റവും സജീവ ചർച്ചാ വിഷയമാണ്. കുഞ്ഞിനെ കൈയിലേന്തി വാവിട്ടുനിലവിളിക്കുന്ന ഒരു കുരങ്ങിന്‍റെ ചിത്രം ഇതുമായി ബന്ധപ്പെട്ട് വ്യാപകമായി പ്രചരിക്കുന്നുണ്ട്. ആമസോൺ മഴക്കാടുകളിൽനിന്നുള്ള ദയനീയ കാഴ്ച എന്ന നിലയിലാണ് ബോളിവുഡ് താരങ്ങൾ ഉൾപ്പടെയുള്ളവർ ഈ ചിത്രം സോഷ്യൽ മീഡിയയിൽ ഷെയർ ചെയ്തത്.

      എന്നാൽ ഈ ചിത്രം തെറ്റായാണ് പലരും ഷെയർ ചെയ്യുന്നതെന്നതാണ് വസ്തുത. പ്രശസ്ത ഇന്ത്യൻ ഫോട്ടോഗ്രാഫർ അവിനാഷ് ലോധി 2017ൽ ജബൽപുരിൽനിന്ന് എടുത്ത ചിത്രമാണിത്. കുരങ്ങുകൾ കൂട്ടമായി വസിക്കുന്ന ജബൽപുർ കാടുകളിൽനിന്നാണ് ഈ ചിത്രമെടുത്തതെന്ന് അവിനാഷ് പറയുന്നു. 'ഈ ചിത്രം ഒരിക്കലും മറക്കാനാകാത്തതാണ്. ഒരിക്കൽപ്പോലും ഒരു മൃഗത്തിന്‍റെ ഇത്രയും വികാരഭരിതമായ ചിത്രം പകർത്തിയിട്ടില്ല'- അവിനാഷ് പറയുന്നു. കുഞ്ഞ് ചത്തുപോയെന്ന് കരുതിയാണ് അമ്മ കുരുങ്ങ് നിലവിളിക്കുന്നതെന്നും അദ്ദേഹം കൂട്ടിച്ചേർക്കുന്നു.

      ആമസോൺ കാട്ടുതീ: ഡൽഹിയിലെ ബ്രസീൽ എംബസിക്ക് മുന്നിൽ DYFI പ്രതിഷേധം

      2015 ഓഗസ്റ്റ് മുതലാണ് ആമസോൺ മഴക്കാടുകളിലെ തീപിടുത്തം വ്യാപകമായത്. 9500 തീപിടുത്തമാണ് ഇക്കാലയളവിൽ ഉണ്ടായത്. എന്നാൽ ആമസോണിലെ തീപിടുത്തം കഴിഞ്ഞ ഒരു വർഷത്തിനിടെ 83 ശതമാനം വർദ്ധിച്ചതായാണ് റിപ്പോർട്ട്.
      First published:
      )}