• HOME
  • »
  • NEWS
  • »
  • buzz
  • »
  • എല്ലാം കിട്ടിബോധിച്ചു; ഓര്‍ഡര്‍ ചെയ്തത് ഐ ഫോൺ: കിട്ടിയത് നിര്‍മ്മാ സോപ്പ്‌

എല്ലാം കിട്ടിബോധിച്ചു; ഓര്‍ഡര്‍ ചെയ്തത് ഐ ഫോൺ: കിട്ടിയത് നിര്‍മ്മാ സോപ്പ്‌

ഫ്‌ളിപ്പ് കാര്‍ട്ടിന്റെ ബിഗ് ബില്യണ്‍ സെയില്‍ പ്രമാണിച്ചാണ് 53,000 രൂപയുടെ ആപ്പിള്‍ ഐഫോണ്‍ 12 ഓര്‍ഡര്‍ ചെയ്തത്

  • Last Updated :
  • Share this:
    കഴിഞ്ഞ കുറച്ച് ദിവസങ്ങളിലായി ഓണ്‍ലൈന്‍ ഷോപ്പിങ്ങ് സൈറ്റുകളില്‍ കച്ചവടം പൊടിപൊടിയ്ക്കുകയാണ്. വളരെ പ്രതീക്ഷയോടെ ആയിരിക്കും നമ്മള്‍ ഓണ്‍ലൈന്‍ വഴി സാധനങ്ങള്‍ ഓര്‍ഡര്‍ ചെയ്യുന്നതും. എന്നാല്‍ അത് വഴി ഉണ്ടാകുന്ന അബദ്ധങ്ങള്‍ സമൂഹമാധ്യമങ്ങളില്‍ ചര്‍ച്ച ആകാറും ഉണ്ട്. ഇപ്പോഴിതാ ഐഫോണ്‍ ഓര്‍ഡര്‍ ചെയ്ത വ്യക്തിയ്ക്ക് കിട്ടിയ നിര്‍മ്മാ സോപ്പാണ് സോഷ്യല്‍മീഡിയയില്‍ വൈറലാവുന്നത്.

    ഫ്‌ളിപ്പ് കാര്‍ട്ടിന്റെ ബിഗ് ബില്യണ്‍ സെയില്‍ പ്രമാണിച്ചാണ് സിമ്രാന്‍പാല്‍ എന്ന വ്യക്തി 53,000 രൂപയുടെ ആപ്പിളിന്റെ ആപ്പിള്‍ ഐഫോണ്‍ 12 ഓര്‍ഡര്‍ ചെയ്തത്. എന്നാല്‍ പാര്‍സല്‍ എത്തി തുറന്നു നോക്കിയപ്പോള്‍ സിമ്രാന്‍ ഞെട്ടി. പാക്കറ്റില്‍ രണ്ട് നിര്‍മ്മാ സോപ്പുകള്‍.

    ഫ്‌ളിപ്പ്കാര്‍ട്ട് വിശ്വസനീയമായ പ്ലാറ്റ്‌ഫോം ആയതു കൊണ്ട് തന്നെ സിമ്രാന്‍ മാത്രമായിരുന്നില്ല ഞെട്ടിയത്. ഡെലിവറി ബോയ് പാര്‍സല്‍ തുറന്ന് നോക്കുന്ന ദൃശ്യങ്ങള്‍ സിമ്രാന്‍പാല്‍ സോഷ്യല്‍മീഡിയയില്‍ പങ്കുവെച്ചിട്ടുമുണ്ട്.



    ഈ സംഭവത്തില്‍ സിമ്രാന്‍ ഫ്‌ളിപ്പ്കാര്‍ട്ടില്‍ പരാതി സമര്‍പ്പിച്ചിട്ടുണ്ട്. പരാതി ലഭിച്ചതിനെ തുടര്‍ന്ന് തങ്ങളുടെ തെറ്റവര്‍ അംഗീകരിക്കുകയും സിമ്രാന്‍പാലിന്റെ ഓര്‍ഡര്‍ ഫ്‌ളിപ്പ്കാര്‍ട്ട് തന്നെ ക്യാന്‍സല്‍ ചെയ്ത് പണം റീഫണ്ട് ചെയ്യുകയും ചെയ്തു. ഏതായാലും കൊടുത്ത പണം തിരിച്ചുകിട്ടിയെന്നാണ് സിമ്രാന്‍പാല്‍ പറയുന്നത്.

    വിവാഹത്തിന് മുൻപേ ഭാവി മരുമകളുടെ പേര് 'റേഷൻ കാർഡിൽ'; ചർച്ചയായി ഒരു വിവാഹ ക്ഷണക്കത്ത്

    മലപ്പുറം: വിവാഹത്തിനു മുൻപ് ഭാവി മരുമകളുടെ പേര് 'റേഷൻ കാർഡിൽ' ഉൾപ്പെടുത്തിയിരിക്കുകയാണ് മലപ്പുറം വള്ളിക്കുന്ന് കച്ചേരിക്കുന്ന് സ്വദേശിയായ കെ മോഹൻദാസ് കെ മോഹൻദാസ്. ചേളാരി തയ്യിലക്കടവിൽ റേഷൻകട നടത്തുന്ന ഇദ്ദേഹം നടത്തിയ ആ കൂട്ടിചേർക്കൽ ഇപ്പോൾ വൈറലായിരിക്കുകയാണ്. മകന്റെ വിവാഹ ക്ഷണക്കത്താണ് മോഹൻദാസ് റേഷൻ കാർഡ് രൂപത്തിൽ തയാറാക്കിയത്.

    വർഷങ്ങളായി റേഷൻ കട നടത്തുന്ന ഇദ്ദേഹത്തന്റെ റേഷൻകടയോടുള്ള പ്രേമം തന്നെയാണ് വിവാഹ ക്ഷണക്കത്തിന് പിന്നിലും. മകൻ അരുൺദാസും തിരൂർ മാങ്ങാട്ടിരി സ്വദേശിയായ അനുത്തമയും തമ്മിലുള്ള വിവാഹത്തിന്റെ ക്ഷണക്കത്ത് റേഷൻ കാർഡിന്റെ രൂപത്തിലാണ് മോഹൻദാസ് അച്ചടിച്ചത്. 33 വർഷമായി റേഷൻകട നടത്തുന്നതിനാൽ ഇതല്ലാതെ മറ്റൊരു മാതൃകയും മനസ്സിൽ വന്നില്ലെന്ന് മോഹൻദാസ് പറയുന്നു.

    ആഡംബരമെല്ലാം ഒഴിവാക്കിയാണ് ക്ഷണക്കത്ത് തയാറാക്കിയിരിക്കുന്നത്. വരന്റെയും വധുവിന്റെയും പേര്, വിവാഹവേദി എന്നിങ്ങനെ അവശ്യവിവരങ്ങൾ മാത്രം ഉൾപ്പെടുത്തിയിട്ടുള്ളതാണ് ക്ഷണപ്പത്രികയുടെ മുൻപേജ്. റേഷൻ കാർഡ് നമ്പറിനു പകരം സ്വന്തം ഫോൺ നമ്പറും ഉൾക്കൊള്ളിച്ചിരിക്കുന്നു.

    ദുബായിൽ ബിസിനസ് നടത്തുകയാണ് മകൻ അരുൺദാസ്. ഈ മാസം 28ന് വധൂഗൃഹത്തിൽവച്ചാണ് വിവാഹം. ശേഷം സ്വവസതിയിൽവച്ച് സൗഹൃദ സൽക്കാരവും. ലളിതവും എന്നാൽ ഏറെ വ്യത്യസ്തവുമായ വിവാഹക്കുറി ഇപ്പോൾ സോഷ്യൽ മീഡിയയിൽ അടക്കം ശ്രദ്ധ നേടുകയാണ്.
    Published by:Karthika M
    First published: