• HOME
  • »
  • NEWS
  • »
  • buzz
  • »
  • GULAB JAMUN WITH AN OLD MONK VIDEO GOES VIDEO

Viral video| ഓൾഡ് മങ്കിൽ മുക്കിയ ഗുലാബ് ജാമുൻ കഴിച്ചിട്ടുണ്ടോ; ഇന്റർനെറ്റിൽ വൈറലായ റെസിപ്പീ

പഞ്ചസാര ലായനിക്ക് പകരം റമ്മാണ് ഈ ഗുലാബ് ജാമുനിൽ ഒഴിക്കുന്നത്.

screengrab

screengrab

  • Share this:
    ഗുലാബ് ജാമുൻ ഇഷ്ടമില്ലാത്തവർ കുറവായിരിക്കും. ഓൾഡ് മങ്ക് റം ഇഷ്ടമുള്ളവരും കുറവല്ല. ഇവ രണ്ടും ഒന്നിച്ച് കഴിച്ചു നോക്കിയിട്ടുണ്ടോ? മദ്യപിക്കുന്നവരാണെങ്കിൽ ഈ 'ഐറ്റം' ഒന്ന് പരീക്ഷിച്ചു നോക്കണമെന്നാണ് അനുഭവസ്ഥർ പറയുന്നത്.

    സോഷ്യൽമീഡിയയിൽ വൈറലായിക്കൊണ്ടിരിക്കുന്ന വീഡിയോയെ കുറിച്ചാണ് പറയുന്നത്. ഗുലാബ് ജാമുൻ ആണ് ഭക്ഷ്യവിഭവം. വടക്കേ ഇന്ത്യയിൽ പ്രസിദ്ധമായ ഈ മധുരപലഹാരത്തിന് കേരളത്തിൽ അടക്കം ആരാധകരുണ്ട്.

    പാൽ ക്രീമും, ഏലക്കായയും ധാന്യപ്പൊടിയുമാണ്. ഇത് ഉരുളപോലെ ഉണ്ടാക്കി പഞ്ചസാരലായനിയിൽ ചേർത്താണ് കഴിക്കുന്നത്. കുട്ടികൾക്ക് ഏറെ ഇഷ്ടമുള്ള മധുരപലഹാരമാണിത്. എന്നാൽ ഇപ്പോൾ ഇന്റർനെറ്റിൽ പ്രചരിച്ചുകൊണ്ടിരിക്കുന്ന ഗുലാബ് ജാമുൻ കുട്ടികൾക്ക് നൽകാൻ കഴിയില്ല. പഞ്ചസാര ലായനിക്ക് പകരം റമ്മാണ് ഈ ഗുലാബ് ജാമുനിൽ ഒഴിക്കുന്നത്.

    ഉരുട്ടിവെച്ച പലഹാരത്തിലേക്ക് ഓൾഡ് മങ്ക് റം കുത്തിവെക്കുന്നതും പഞ്ചസാര ലായനിക്ക് പകരം റം ഒഴിക്കുന്നതും വീഡിയോയിൽ കാണാം. കാണാൻ ബഹുരസം എന്നാണ് പലരുടേയും കമന്റ്. കഴിക്കാൻ അതിലേറെ രസമായിരിക്കുമെന്ന് മറ്റുചിലരും അഭിപ്രായപ്പെടുന്നു.

    ഓഗസ്റ്റ് ഒന്നിന് പങ്കുവെച്ച വീഡിയോ ഇതിനകം പത്ത് ലക്ഷത്തിലധികം പേരാണ് കണ്ടുകഴിഞ്ഞത്. കണ്ടവരിൽ ഭൂരിഭാഗം പേരും ഈ പുതിയ ഗുലാബ് ജാമുൻ പരീക്ഷിച്ച് നോക്കും എന്നാണ് പറയുന്നത്.

    ഗുലാബ് ജാമുൻ എന്ന പദംലഭിച്ചത് പേർഷ്യൻ പദമായ റോസ് എന്നർഥം വരുന്ന ഗുലാബ് എന്ന പദത്തിൽ നിന്നും ഞാവൽ പഴത്തിന്റെ വടക്കേ ഇന്ത്യൻ നാമമായ ജാമുൻ എന്നീ പദങ്ങൾ ചേർന്നാണ്. ജാമുൻ ഫലത്തിന്റെ ആകൃതിയിലും വലിപ്പത്തിലുമാണ് ഗുലാബ് ജാമുൻ തയ്യാറാക്കുന്നത്.

    മൂർഖൻ പാമ്പ് വീട്ടിനകത്തേക്ക് കയറി; മാന്യമായി ഇറങ്ങിപ്പോകാൻ ആവശ്യപ്പെട്ട് വീട്ടമ്മ

    വീട്ടിനുള്ളിൽ പാമ്പ് കയറിയാൽ നിങ്ങൾ എന്തു ചെയ്യും? തല്ലിക്കൊല്ലും, ഇറങ്ങി ഓടും എന്നൊക്കെയായിരിക്കും പലരുടേയും മറുപടി. എന്നാൽ വ്യത്യസ്തമായ രീതിയിൽ പാമ്പിനെ വീട്ടിൽ നിന്നും പുറത്തിറക്കിയ സ്ത്രീയുടെ വീഡിയോ സോഷ്യൽമീഡിയയിൽ വൈറലായിക്കൊണ്ടിരിക്കുകയാണ്.

    Also Read-മുടി വേഗത്തിൽ നരയ്ക്കുന്നതിന്‍റെ കാരണം അറിയണോ? പുതിയ പഠനറിപ്പോർട്ട് ചർച്ചയാകുന്നു

    വീട്ടിനകത്തേക്ക് ചോദിക്കാതെ കയറി വന്നത് ഇഷ്ടപ്പെട്ടില്ലെങ്കിൽ ആരായാലും അവരോട് മാന്യമായി ഇറങ്ങി പോകാൻ പറയുന്നത് തെറ്റില്ല. ഇതു തന്നെയാണ് കോയമ്പത്തൂരിലുള്ള ഒരു വീട്ടമ്മയും ചെയ്തത്. വീട്ടിനുള്ളിൽ കയറിയ പാമ്പിനെ വീട്ടമ്മ പുറത്താക്കുന്ന രീതിയാണ് എല്ലാവരേയും ആകർഷിച്ചത്.

    വീട്ടിൽ കയറിയ പാമ്പിനെ തല്ലിക്കൊല്ലാനോ പേടിച്ച് ഓടാനോ നിൽക്കാതെ ചെറിയൊരു വടിയുമായി കുട്ടികളോടെന്ന പോലെയാണ് വീട്ടമ്മ പെരുമാറുന്നത്. വീട്ടമ്മയുടെ മാന്യമായ ഇടപെടലിൽ പാമ്പ് ഉപദ്രവിക്കാതെ പിന്നോട്ടുപോകുന്നതും വീഡിയോയിൽ വ്യക്തമാണ്.

    പാമ്പിനെ പിന്നീട് വന്ന് കാണുമെന്നും പാലും മുട്ടയും നൽകുമെന്നുമെല്ലാം വീട്ടമ്മ പറയുന്നത് വീഡിയോയിൽ കേൾക്കാം. വീടിന് പുറത്തേക്കിറങ്ങിയ പാമ്പിനോട് തിരിച്ചു വരരുതെന്നും വീട്ടമ്മ അഭ്യർത്ഥിക്കുന്നുണ്ട്. പാമ്പിന്റെ സുരക്ഷയ്ക്ക് മനുഷ്യരിൽ നിന്നും വിട്ടുനിൽക്കുന്നതാണ് നല്ലതെന്നും അവർ ഉപദേശിക്കുന്നു.
    Published by:Naseeba TC
    First published:
    )}