HOME » NEWS » Buzz » POLICE CHIEF KILLED BY ROOSTER WHILE TRYING TO STOP ILLEGAL COCKFIGHT

പ്രതി പൂവൻ കോഴി! കോഴിപ്പോര് തടയാൻ ശ്രമിച്ചപ്പോൾ പോലീസ് ഉദ്യോഗസ്ഥനെ കോഴി കൊലപ്പെടുത്തി

നിയമവിരുദ്ധമായ കോഴിപ്പോര് തടയാൻ ശ്രമിക്കുന്നതിനിടെ പോലീസ് മേധാവിയെ കോഴി കൊലപ്പെടുത്തി

News18 Malayalam
Updated: October 29, 2020, 11:52 AM IST
പ്രതി പൂവൻ കോഴി! കോഴിപ്പോര് തടയാൻ ശ്രമിച്ചപ്പോൾ പോലീസ് ഉദ്യോഗസ്ഥനെ കോഴി കൊലപ്പെടുത്തി
Police Chief Killed by Rooster
  • Share this:
നിയമവിരുദ്ധമായ കോഴിപ്പോര് തടയാൻ ശ്രമിക്കുന്നതിനിടെ പോലീസ് മേധാവിയെ കോഴി കൊലപ്പെടുത്തി. ഫിലിപ്പൈൻസിലായിരുന്നു സംഭവം. കോഴിയുടെ കാലിൽ കെട്ടിയ റേസർ ബ്ലേഡ് പോലെ മൂർച്ചയുള്ള കത്തി കൊണ്ട് ഉദ്യോസ്ഥന്‍റെ കാലിൽ ആക്രമിച്ചു. ഞരമ്പ് മുറിഞ്ഞതാണ് മരണ കാരണമെന്ന് പൊലീസ് ഉദ്യോഗസ്ഥർ പറഞ്ഞു.

വടക്കൻ സമർ പ്രവിശ്യയിലെ മഡുഗാംഗ് ഗ്രാമത്തിലായിരുന്നു സംഭവം. പോലീസ് മേധാവി ലഫ്റ്റനന്റ് സാൻ ജോസ് ക്രിസ്റ്റ്യൻ ബൊലോക്കാണ് മരിച്ചത്. കോവിഡ് വൈറസ് വ്യാപിക്കുന്ന സാഹചര്യം ഉള്ളതിനാൽ ആളുകൾ കൂടിനിൽക്കുന്ന കോഴിപ്പോര് നടക്കുന്ന സ്ഥലം ഒഴിപ്പിക്കാനായാണ് പൊലീസ് ഉദ്യാഗസ്ഥന് സംഭവ സ്ഥലത്ത് എത്തിയത്.

Also read പപ്പടവും ശർക്കരയും മാത്രമല്ല മുളകുപൊടിയും കഴിക്കാൻ പാടില്ലായിരുന്നു; ഓണക്കിറ്റിലെ മുളകുപൊടിയിൽ ബാക്ടീരിയ കണ്ടെത്തി

മുപ്പതുകാരനായ ബൊലോക്ക് കോഴിപ്പോര് നടക്കുന്ന സ്ഥലത്ത് നിന്നും ഒരു കോഴിയെ പിടിക്കാൻ ശ്രമിക്കുമ്പോൾ കോഴി കാലിൽ ഘടിപ്പിച്ചിട്ടുള്ള ചെറിയ സ്റ്റീൽ ബ്ലേഡുകൾ കൊണ്ടും മുറിവേൽപ്പിക്കുകയായിരുന്നു.ഇടതു കാലിൽ ഏറ്റ മുറിവ് ആർട്ടറിയിൽ തട്ടിയാണ് മരണം സംഭവിച്ചതെന്ന് ഗവർണർ എഡ്വിൻ ഒങ്‌ചുവാൻ പറഞ്ഞു.

കോഴിയുടെ കാലിൽ കെട്ടിയ ബ്ലേഡിൽ വിഷം തേച്ചിരിക്കാം എന്ന സംശയവും ഗവർണർ പങ്കുവെച്ചു. കാലിന് ചുറ്റും ഒരു തുണി കെട്ടിയിട്ട് രക്തനഷ്ടം കുറയ്ക്കാൻ ബൊലോക്കോയും മറ്റ് ഉദ്യോഗസ്ഥരും കൂടി ശ്രമിച്ചുവെങ്കിലും അത് വിജയം കണ്ടില്ലെന്നും അദ്ദേഹം കൂട്ടിച്ചേർത്തു.
Published by: user_49
First published: October 29, 2020, 11:48 AM IST
കൂടുതൽ കാണുക
അടുത്തത് വാര്‍ത്തകള്‍

Top Stories