'മരിക്കുന്നതിന് മുമ്പ് ബാബു പോളിനെ മരിപ്പിച്ച് എം.എം.മണി': അബദ്ധമറിഞ്ഞ് പോസ്റ്റ് പിൻവലിച്ചു

മരിക്കുന്നതിന് മണിക്കൂറുകള്‍ക്ക് മുന്‍പ് ബാബു പോളിനെ കൊന്ന് വൈദ്യുതി മന്ത്രി എം.എം.മണി. ഇന്ന് പുലർച്ചയോടെയാണ് മുൻ അഡീഷണൽ ചീഫ് സെക്രട്ടറി ആയിരുന്ന ഡി.ബാബു പോൾ മരിച്ചത്. എന്നാൽ കഴിഞ്ഞ ദിവസം രാത്രി ഏഴ് മണിയോടെ തന്നെ മരിച്ചയാൾക്ക് ആദരാഞ്ജലി അർപ്പിച്ചു കൊണ്ടുള്ള പോസ്റ്റ് മണിയുടെ ഫേസ്ബുക്കിൽ പ്രത്യക്ഷപ്പെട്ടു.

Also Read-ഡോ. D. ബാബുപോൾ അന്തരിച്ചു

'ഇടുക്കി ജില്ലയിലെ പ്രഥമ കളക്ടറും കിഫ്ബി ബോർഡ് അംഗവുമായിരുന്ന ഡോ.ബാബു പോളിന് ആദരാഞ്ജലികൾ' എന്നായിരുന്നു ബാബു പോളിന്റെ ചിത്രം സഹിതം അദ്ദേഹം ഫേസ്ബുക്കിൽ കുറിച്ചത്. എന്നാൽ അബദ്ധം മനസിലായതോടെ മന്ത്രി ഈ പോസ്റ്റ് പിൻവലിക്കുകയായിരുന്നു.

• സിവില്‍ സര്‍വീസില്‍ എത്തിയിരുന്നില്ലെങ്കില്‍ എഴുത്തുകാരനാകുമായിരുന്ന ബാബുപോള്‍

ഹൃദ്രോഗത്തെ തുടർന്ന് തിരുവനന്തപുരത്തെ സ്വകാര്യ ആശുപത്രിയിൽ ചികിത്സയിലിരുന്ന ബാബു പോൾ പുലർച്ചയോടെയാണ് അന്തരിച്ചത്.