• News
  • Sports
  • Opinion
  • Life
  • Film
  • Buzz
  • Money
  • Photo
  • Videos
  • TV Shows
  • Live TV

കേരള ലിറ്ററേച്ചര്‍ ഫെസ്റ്റിവല്‍: രജിസ്‌ട്രേഷന്‍ ആരംഭിച്ചു

news18india
Updated: December 1, 2018, 1:04 PM IST
കേരള ലിറ്ററേച്ചര്‍ ഫെസ്റ്റിവല്‍: രജിസ്‌ട്രേഷന്‍ ആരംഭിച്ചു
news18india
Updated: December 1, 2018, 1:04 PM IST
കോഴിക്കോട്: 250ഓളം എഴുത്തുകാരെ പങ്കെടുപ്പിച്ചുകൊണ്ട്  ഡി സി കിഴക്കെമുറി ഫൗണ്ടേഷന്‍ സംഘടിപ്പിക്കുന്ന നാലാമത് കേരള ലിറ്ററേച്ചര്‍ ഫെസ്റ്റിവലിനുള്ള രജിസ്ട്രേഷന്‍ ആരംഭിച്ചു. 2019 ജനുവരി 10 മുതല്‍ 13 വരെ കോഴിക്കോട് ബീച്ചിലാണ് ലിറ്ററേച്ചര്‍ ഫെസ്റ്റിവല്‍. കലയുടെയും സാഹിത്യത്തിന്റെയും നാല് ദിവസം നീളുന്ന മാമാങ്കത്തില്‍ ലോകത്തിന്റെ വിവിധ ഭാഗങ്ങളില്‍ നിന്ന് അനേകമാളുകള്‍ പങ്കെടുക്കുന്നു. കെ.സച്ചിദാനന്ദനാണ് ഫെസ്റ്റിവല്‍ ഡയറക്ടര്‍.

ഓള്‍ കേരള ടെക്കീസ് ബാഡ്മിന്റണ്‍ ടൂര്‍ണ്ണമെന്റ്

രാമചന്ദ്രഗുഹ, അരുന്ധതി റോയ്, ശശി തരൂര്‍, ചേതന്‍ ഭഗത്, അമീഷ് ത്രിപാഠി, പി. സായ്‌നാഥ്, ദേവദത്ത് പട്‌നായിക്, അനിതാ നായര്‍, മനു പിള്ള, റസൂല്‍ പൂക്കുട്ടി, ഗൗര്‍ ഗോപാല്‍ദാസ്, റിച്ചാര്‍ഡ് സ്റ്റാള്‍മാന്‍ തുടങ്ങി വിവിധ മേഖലകളിലെ നിരവധി പ്രമുഖര്‍ കേരള ലിറ്ററേച്ചര്‍ ഫെസ്റ്റിവലിന്റെ ഭാഗമാകും. കലാസാംസ്‌കാരികസാഹിത്യ രംഗത്തെ പ്രവര്‍ത്തനങ്ങള്‍ക്ക് ഏറെ പ്രാമുഖ്യം നല്‍കുന്ന യൂറോപ്പിലെ വെയ്ല്‍സില്‍ നിന്നുള്ള എഴുത്തുകാരും ചിന്തകരുമാണ് കെ.എല്‍.എഫിന്റെ ഇത്തവണത്തെ പ്രധാന അതിഥികള്‍
Loading...

2.0 ആദ്യ ദിനം കൊണ്ട് നേടിയത് 115 കോടി

വെല്‍ഷ് സാഹിത്യത്തിലെ കൃതികളും എഴുത്തുകാരും കലാസാംസ്‌കാരിക പ്രവര്‍ത്തകരുടെയും സജീവസാന്നിദ്ധ്യം കെ.എല്‍.എഫില്‍ ഉടനീളമുണ്ടാകും. കൂടാതെ അമേരിക്ക, ഇംഗ്ലണ്ട്, ജര്‍മ്മനി, ബെല്‍ജിയം, കാനഡ, സ്പെയ്ന്‍, ശ്രീലങ്ക തുടങ്ങി നിരവധി രാജ്യങ്ങളില്‍ നിന്നുള്ള വിശിഷ്ടാതിഥികളും എത്തുന്നു. സമകാലിക വിഷയങ്ങളില്‍ എഴുത്തുകാരും വായനക്കാരും തമ്മിലുള്ള ചര്‍ച്ചകള്‍, സംവാദം, സെമിനാര്‍, ചലച്ചിത്രോത്സവം, പുസ്തകമേള, ഫോട്ടോ എക്‌സിബിഷന്‍ തുടങ്ങിയവയാണ് സാഹിത്യോത്സവത്തിന്റെ ഭാഗമായി സംഘടിപ്പിക്കുന്നത്.

ചലച്ചിത്രോല്‍സവം ക്യുറേറ്റ് ചെയ്യുന്നത് ചലച്ചിത്ര അക്കാദമി വൈസ് ചെയര്‍പേഴ്‌സണും ഫിലിം എഡിറ്ററുമായ ബീനാ പോള്‍ ആണ്. രജിസ്റ്റര്‍ ചെയ്യുന്നവര്‍ക്ക് ഡെലിഗേറ്റ് കിറ്റിനൊപ്പം ഒരു വട്ടം കൂടി എന്റെ പാഠപുസ്തകങ്ങള്‍ പ്രീ പബ്ലിക്കേഷന്‍ മൂന്ന് വോള്യങ്ങളുടെ 999 രൂപ വിലവരുന്ന ഇ- ബുക്കും ഓഡിയോ ബുക്കും ലഭിക്കുന്നതാണ്. ഡി സി ബുക്സ്, കറന്റ് ബുക്സ് ശാഖകളിലും www.keralaliteraturefestival.com എന്ന വെബ് സൈറ്റില്‍ ഓണ്‍ലൈനായും രജിസ്ട്രര്‍ ചെയ്യാം. കുടുതല്‍ വിവരങ്ങള്‍ക്ക്: +91 9072351755, +91 9846133335

First published: December 1, 2018
കൂടുതൽ കാണുക
Loading...
അടുത്തത് വാര്‍ത്തകള്‍