എസ് എഫ് ഐ ദേശീയ പ്രസിഡന്‍റ് വിപി സാനു വിവാഹിതനാകുന്നു; വധു ഗവേഷക വിദ്യാർത്ഥി ഗാഥ

മലപ്പുറം: എസ് എഫ് ഐ ദേശീയ പ്രസിഡന്‍റ് വി പി സാനു വിവാഹിതനാകുന്നു. ഫേസ്ബുക്കിലൂടെ വി പി സാനു തന്നെയാണ് ഇക്കാര്യം അറിയിച്ചത്. വധു ഗാഥ എം ദാസ് രാജീവ് ഗാന്ധി നാഷണൽ ഇൻസ്റ്റിറ്റ്യൂട്ടിലെ ഗവേഷക വിദ്യാർത്ഥിയാണ്. ഡിസംബർ 30നാണ് വിവാഹം.

എസ് എഫ് ഐ ദേശീയ ജനറൽ സെക്രട്ടറി മയൂഖ് ബിശ്വാസ് ക്ഷണിക്കുന്ന രീതിയിലാണ് വിവാഹ ക്ഷണക്കത്ത് തയ്യാറാക്കിയിരിക്കുന്നത്. ഡിസംബർ 30ന് മലപ്പുറം വളാഞ്ചേരിയിലെ സാഗർ ഓഡിറ്റോറിയത്തിൽ വൈകുന്നേരം നാലു മണിക്കും എട്ടു മണിക്കുമിടയിലാണ് വിവാഹ ചടങ്ങുകൾ.

'എന്റെ നെഞ്ചാകെ നീയല്ലേ' ഗാനരചയിതാവ് വിനായക് അഞ്ജലിക്ക് താലി ചാർത്തി

ലോക്സഭാ തെരഞ്ഞെടുപ്പിൽ മലപ്പുറം മണ്ഡലത്തിൽ സി പി എം സ്ഥാനാർത്ഥി ആയിരുന്നു വി പി സാനു.



മലപ്പുറം വളാഞ്ചേരി മൂക്കിൽപീടിക സ്വദേശിയായ സാനു എസ് എഫ് ഐ മലപ്പുറം ജില്ലാ സെക്രട്ടറി, സംസ്ഥാന പ്രസിഡന്‍റ് എന്നീ നിലകളിൽ പ്രവർത്തിച്ചിട്ടുണ്ട്.