Disha Salian suicide | സുശാന്ത് സിംഗ് രാജ്പുതിന്‍റെ മുൻ മാനേജറുടെ മരണത്തിൽ അനാവശ്യ കഥകൾ പ്രചരിപ്പിക്കുന്നവർക്കെതിരെ കുടുംബം

മുംബൈ: ബോളിവുഡ് താരം സുശാന്ത് സിംഗ് രാജ്പുതിന്‍റെ മുൻ മാനേജർ ദിഷ സാലിയാന്‍റെ മരണവുമായി ബന്ധപ്പെട്ടുയരുന്ന അഭ്യൂഹങ്ങൾക്കെതിരെ കുടുംബം. തങ്ങളുടെ നിക്ഷിപ്ത താത്പ്പര്യങ്ങൾക്കായി ദിഷയുടെ മരണം ചിലർ മുതലെടുക്കുകയാണെന്നാണ് കുടുംബം പുറത്തുവിട്ട പ്രസ്താവനയിൽ ആരോപിക്കുന്നത്.

'ദിഷയുടെ പ്രിയപ്പെട്ടവരുടെ വേദന മനസിലാക്കണം. നഷ്ടപ്പെടലിന്‍റെ വേദനയിൽ ഞങ്ങൾ മുക്തരായി വരുന്നതേയുള്ളു. വളരെ പ്രിയപ്പെട്ട ഒരാളാണ് ഞങ്ങളെ വിട്ടു പിരിഞ്ഞത്. ഒരിക്കലും നികത്താനാകാത്ത നഷ്ടമാണിത്.. ആ വേദനയിൽ നിന്ന് മുക്തരാകാൻ സമയമെടുക്കും..ഈ സമയത്ത് ഒപ്പം നിൽക്കണം.. ഈ വിഷമഘട്ടം കടക്കാൻ ഞങ്ങളെ സഹായിക്കണം.. മറിച്ച് അഭ്യൂഹങ്ങളും കിംവദന്തികളും ഗൂഢാലോചന സിദ്ധാന്തങ്ങളും പ്രചരിപ്പിക്കുന്നത് ദിഷയുടെ മാതാപിതാക്കളുടെയും അടുപ്പമുള്ളവരെടെയും വേദന കൂട്ടുകയേയുള്ളു.. 'ദിഷയുടെ പേരിൽ ഇപ്പോൾ പ്രചരിക്കുന്ന അഭ്യൂഹങ്ങളെല്ലാം വ്യാജമാണെന്ന് വ്യക്തമാക്കി കൊണ്ട് കുടുംബം പ്രസ്താവനയിൽ പറയുന്നു.

ഞങ്ങളുടെ വേദന നിങ്ങൾ മനസിലാക്കണമെന്നും ഇവർ ആവശ്യപ്പെട്ടിട്ടുണ്ട്. ഇക്കഴിഞ്ഞ ജൂൺ എട്ടിനാണ് മലഡിലെ അപാർട്മെന്‍റിന്‍റെ മുകളിൽ നിന്ന് ചാടി ദിഷ ജീവനൊടുക്കിയത്. മരണകാരണം വ്യക്തമായിരുന്നില്ല. എന്നാൽ ദിഷയുടെ മരണം നടന്ന് ആറ് ദിവസം പിന്നിട്ടപ്പോൾ സുഷാന്ത് സിംഗ് രാജ്പുതും ജീവനൊടുക്കി. ബാന്ദ്രയിലെ ഫ്ലാറ്റിൽ തൂങ്ങിമരിച്ച നിലയിലാണ് സുശാന്തിനെ കണ്ടെത്തിയത്. ഇതിന് പിന്നാലെയാണ് രണ്ട് മരണങ്ങളെയും ബന്ധപ്പെടുത്തി അഭ്യൂഹങ്ങൾ സജീവമായത്.

View this post on Instagram

#DishaSalian family issues a statement after several stories started circulating on social media 🙏 . Whoever is reading this, you may or may not be knowing us and Disha in person. But we all have one thing in common. We all are humans and have the ability to feel. Thus we hope you all understand our pain. We lost someone we loved. The loss is too deep and grave to be processed. It's a difficult situation for us as we are still trying to come to terms with her demise. But at the same time, what's more upsetting are the several unnecessary rumours, conspiracy theories and speculations that are not just fake but are also hampering the well being of her parents and close ones. While we continue to grieve our loss, we have onky one request to everyone. Kindly help us heal by not encouraging, entertaining or spreading the fake rumours and news circulating around on social media by people who clearly have turned insensitive and are trying to take advantage of someone's death for their own vested interests. Disha was someone’s daughter, someone’s sister and someone’s friend. You all have someone who is fulfilling these roles in your lives. Look at them and tell us, how would you be feeling if same would be happening to your dear ones Empathy is the basic quality that makes us human. So let’s be human first. Please let her Rest in Peace and let's spread kindness ❤️ - Salian Family & Friends

A post shared by Viral Bhayani (@viralbhayani) on Jul 6, 2020 at 2:35am PDT

സുശാന്തിന്‍റെ മരണത്തിൽ തുടക്കം മുതൽ തന്നെ ആരാധകർ സംശയം ഉന്നയിക്കുന്നുണ്ട്. ഇതിനൊപ്പമാണ് ദിഷയുടെ മരണവും ബന്ധിപ്പിച്ച് ചർച്ചകള്‍ ഉയർന്നത്. ദിഷയും ബോളിവുഡ് താരം സൂരജ് പഞ്ചോലിയും തമ്മിൽ ബന്ധമുണ്ടായിരുന്നുവെന്നും യുവതി ഗർഭിണിയായിരുന്നുവെന്നുമായിരുന്നു ഒരു അഭ്യൂഹം. ഇക്കാര്യം സുശാന്തിനും അറിയാമായിരുന്നു. സുശാന്ത് ഇക്കാര്യം സൂരജിനെ അറിയിക്കാൻ ശ്രമിച്ചിരുന്നതായും ആരോപണത്തിൽ പറയുന്നു.

സുശാന്തും സൂരജും തമ്മിൽ നേരത്തെ തന്നെ പ്രശ്നങ്ങൾ ഉണ്ടായിരുന്നുവെന്ന റിപ്പോർട്ടുകളും പ്രചരിക്കുന്നുണ്ട്. ബോളിവുഡിലെ പ്രമുഖൻ സൽമാൻ ഖാനുമായി അടുത്ത ബന്ധമുള്ള സൂരജാണ് ദിഷയുടെ മരണത്തിന് പിന്നിലെന്നും എല്ലാ കാര്യങ്ങളും അറിയാവുന്ന സുശാന്തിനെയും ഇവരെല്ലാം  ചേർന്ന് ഗൂഢാലോചന നടത്തി ഇല്ലാതാക്കിയെന്ന തരത്തിലുമാണ് അഭ്യൂഹങ്ങൾ പ്രചരിച്ചത്.
RELATED STORIES:Dil Bechara Trailer|'കഥ പൂർത്തിയാക്കാതെ സുശാന്ത് മടങ്ങി'; ആരാധകരുടെ കണ്ണുനിറച്ച് അവസാന ചിത്രത്തിന്‍റെ ട്രെയിലർ [NEWS]Disha Salian suicide|സുശാന്തിന്റെ മുൻ മാനേജർ ദിഷ തന്റെ കുഞ്ഞിനെ ഗർഭം ധരിച്ചിരുന്നുവെന്ന ആരോപണം തള്ളി സൂരജ് പഞ്ചോളി [NEWS]Sushant Singh Rajput | തിരക്കഥ വായിക്കാതെ സുശാന്ത് യെസ് പറഞ്ഞ ചിത്രം; അവസാന സിനിമയെ കുറിച്ച് സംവിധായകൻ [NEWS]

ബോളിവുഡ് താരം ജിയാ ഖാന്‍റെ ആത്മഹത്യയുമായി ബന്ധപ്പെട്ട കേസില്‍ ഉൾപ്പെട്ടയാളാണ് സൂരജ് പഞ്ചോളി. പ്രമുഖ താരങ്ങളായ സറീന വഹാബിന്‍റെയും ആദിത്യ പഞ്ചോളിയുടെയും മകനായ സൂരജ് പിന്നീട് കേസിൽ കുറ്റവിമുക്തനായിരുന്നു. അന്ന് സൂരജിനെ രക്ഷപ്പെടുത്തിയതിന് പിന്നിൽ സല്‍മാൻ ഖാനാണെന്ന് ആരോപിച്ച് ജിയയുടെ അമ്മ രംഗത്തെത്തിയിരുന്നു. സുശാന്തിന്‍റെയും ദിഷയുടെയും മരണത്തിന് പിന്നാലെയും സൽമാൻ ഖാനെതിരെ ആരോപണവുമായി ജിയയുടെ അമ്മ റാബിയ രംഗത്തെത്തിയിരുന്നു.

എന്നാൽ ഈ അഭ്യൂഹങ്ങളെല്ലാം തള്ളിയാണ് ദിഷയുടെ കുടുംബത്തിന്‍റെ പ്രതികരണം.