• HOME
  • »
  • NEWS
  • »
  • buzz
  • »
  • Taliban | അക്രമത്തിന്റെ പാതയിൽ നിന്നും പിന്മാറണമെന്ന് താലിബാൻ; ഇരുകക്ഷികളും സംയമനം പാലിക്കണം

Taliban | അക്രമത്തിന്റെ പാതയിൽ നിന്നും പിന്മാറണമെന്ന് താലിബാൻ; ഇരുകക്ഷികളും സംയമനം പാലിക്കണം

മാസങ്ങൾക്ക് മുമ്പ് അഫ്ഗാൻ സർക്കാരിനെ അട്ടിമറിച്ച് ഭരണം പിടിച്ചെടുത്ത താലിബാൻ ഇപ്പോൾ സമാധാനത്തിന്‍റെ വക്താക്കളായി മാറുന്നതിനെ സോഷ്യൽ മീഡിയ ട്രോളുകളോടെയാണ് നേരിടുന്നത്

Taliban_Statement

Taliban_Statement

  • Share this:
    യുക്രെയ്നിലെ റഷ്യൻ ആക്രമണത്തിൽ ആശങ്ക രേഖപ്പെടുത്തിക്കൊണ്ടുള്ള താലിബാൻ പ്രസ്താവന സോഷ്യൽ മീഡിയയിൽ ചർച്ചയാകുന്നു. അക്രമത്തിന്‍റെ പാതയിൽ നിന്ന് യുക്രെയ്നും റഷ്യയും പിൻമാറണമെന്നും ഇരുകക്ഷികളും സംയമനം പാലിക്കണമെന്നുമാണ് ഇസ്ലാമിക് എമിറേറ്റ് ഓഫ് അഫ്ഗാനിസ്ഥാൻ വിദേശകാര്യമന്ത്രാലയത്തിന്‍റെ വെബ്സൈറ്റിലൂടെ ആവശ്യപ്പെടുന്നത്. യുക്രെയ്നിലെ സ്ഥിതിഗതികൾ സസൂക്ഷ്മം നിരീക്ഷിക്കുകയാണെന്നും റഷ്യയുടെ ആക്രമണത്തിൽ സാധാരണക്കാർക്കുണ്ടാകുന്ന നാശനഷ്ടങ്ങളിൽ ഉത്കണ്ഠയുണ്ടെന്നും താലിബാൻ വ്യക്തമാക്കുന്നു. മാസങ്ങൾക്ക് മുമ്പ് അഫ്ഗാൻ സർക്കാരിനെ അട്ടിമറിച്ച് ഭരണം പിടിച്ചെടുത്ത താലിബാൻ ഇപ്പോൾ സമാധാനത്തിന്‍റെ വക്താക്കളായി മാറുന്നതിനെ സോഷ്യൽ മീഡിയ ട്രോളുകളോടെയാണ് നേരിടുന്നത്.

    താലിബാൻ പുറത്തിറക്കിയ കുറിപ്പ് പൂർണരൂപം

    യുക്രെയ്നിലെ സ്ഥിതിഗതികൾ ദ ഇസ്ലാമിക് എമിറേറ്റ് ഓഫ് അഫ്ഗാനിസ്ഥാൻ സസൂക്ഷ്മം നിരീക്ഷിക്കുകയാണെന്നും റഷ്യയുടെ ആക്രമണത്തിൽ സാധാരണക്കാർക്കുണ്ടാകുന്ന നാശനഷ്ടങ്ങളിൽ ഉത്കണ്ഠ രേഖപ്പെടുത്തുന്നു.

    രണ്ട് കക്ഷികളും സംയമനം പാലിക്കാൻ തയ്യാറാകണം. കലാപകലുഷിതമാക്കുന്ന ഏതൊരു നീക്കത്തിൽ നിന്നും എല്ലാവരും പിൻമാറണം.

    സമാധാനപരമായ ചർച്ചകളിലൂടെ പ്രശ്നം പരിഹരിക്കാൻ ഇരു കക്ഷികളും തയ്യാറാകണമെന്നും, ഇസ്ലാമിക് എമിറേറ്റ് ഓഫ് അഫ്ഗാനിസ്ഥാൻ, വിദേശകാര്യ നയത്തിലെ നിക്ഷ്പക്ഷ സമീപനത്തിൽ ഊന്നി നിന്നുകൊണ്ട് ആവശ്യപ്പെടുന്നു.

    യുക്രെയ്നിലുള്ള അഫ്ഗാനിസ്ഥാൻ സ്വദേശികളുടെയും വിദ്യാർഥികളുടെയും സുരക്ഷ ഉറപ്പാക്കണമെന്ന് ഇരു കക്ഷികളോടും ആവശ്യപ്പെടുന്നു.


    റഷ്യൻ സൈന്യം കീവിൽ; യുക്രെയ്ൻ പുടിനുമായി ഒത്തുതീർപ്പിന് തയ്യാറാകും

    കീവ്: റഷ്യൻ സൈന്യം യുക്രെയ്ൻ തലസ്ഥാന പ്രവിശ്യയായ കീവിൽ കടന്നു. കീവിലെ വടക്കൻ ജില്ലകളിലാണ് റഷ്യൻ സൈന്യം എത്തിയത്. ഹെലികോപ്റ്റർ ഉപയോഗിച്ചു സൈനികർ നഗരത്തിന് പുറത്ത് എത്തുകയും ഒബോലോൺസ്‌കിക്ക് സമീപമുള്ള ഒരു എയർഫീൽഡ് ആക്രമിക്കുകയും ചെയ്തു. അതേസമയം. ഗോസ്റ്റോമൽ വ്യോമതാവളത്തിന് നേരെയുള്ള ആക്രമണത്തെ പ്രതിരോധിക്കാൻ സാധിച്ചെന്ന് യുക്രേനിയൻ സൈന്യം അവകാശപ്പെടുന്നു,

    അതേസമയം റഷ്യയുമായി ഒത്തുതീർപ്പിന് തയ്യാറാണെന്ന് യുക്രെയ്ൻ വ്യക്തമാക്കി. എന്നാൽ അതിന് സുരക്ഷാ ഉറപ്പ് ലഭിക്കണം. “ഈ യുദ്ധം അവസാനിപ്പിക്കണം. ഈ ശത്രുത അവസാനിപ്പിക്കണം, യുക്രെയ്ൻ പുടിനുമായി ഒത്തുതീർപ്പിന് തയ്യാറാണ് ”- യുക്രെയ്ൻ പ്രസിഡന്റിന്റെ ഉപദേശകൻ മിഖായേൽ പോഡോലിയാക് പ്രസ്താവനയിൽ പറഞ്ഞു.

    Also Read- War in Ukraine| ആദ്യദിനം യുക്രെയ്നിൽ 137 മരണം; 316 പേർക്ക് പരിക്ക്; ഇതുവരെ 203 ആക്രമണങ്ങൾ

    വെള്ളിയാഴ്ച യുക്രേനിയൻ തലസ്ഥാനമായ കീവിന്റെ വടക്കൻ ജില്ലയിൽ സ്‌ഫോടനങ്ങളും വെടിയൊച്ചകളും കേട്ടതായി വാർത്താ ഏജൻസിയായ എ എഫ് പി റിപ്പോർട്ട് ചെയ്തു. റഷ്യൻ സൈന്യം ആക്രമണം തുടങ്ങിയതോടെ കാൽനടയാത്രക്കാർ ഓടിരക്ഷപെടുകയായിരുന്നു. ഒബോലോൺസ്‌കി പ്രദേശത്ത് ചെറിയതോതിൽ വെടിയൊച്ചകളും സ്‌ഫോടനങ്ങളും കേട്ടു. വ്യാഴാഴ്ചയാണ് റഷ്യൻ സൈന്യം ആദ്യമായി കീവിന്റെ പ്രാന്തപ്രദേശത്ത് എത്തിയത്, എന്നാൽ റഷ്യൻ കരസേനയും ബെലാറസിൽ നിന്ന് ഡൈനിപ്പർ നദിയുടെ പടിഞ്ഞാറൻ കരയിലേക്ക് മാറി. അവർ നഗരത്തിനുള്ളിലെ ഒബോലോൺസ്‌കിയിൽ എത്തിയപ്പോൾ പ്രതിരോധ മന്ത്രാലയത്തിന്റെ ഫേസ്ബുക്ക് പേജ് വഴി സർക്കാർ സാധാരണക്കാരോട് ചെറുത്തുനിൽക്കാൻ അഭ്യർത്ഥിച്ചു.

    യുക്രേനിയൻ പ്രതിരോധ മന്ത്രാലയത്തിന്റെ ട്വീറ്റ് പ്രകാരം റഷ്യൻ സൈന്യം തലസ്ഥാനമായ കീവിലെ ഒബോലോൺ ജില്ലയിൽ പ്രവേശിച്ചു, അതേസമയം സൈനിക പ്രവർത്തനങ്ങൾ നിരീക്ഷിക്കാനും ജനങ്ങളോട് ജാഗ്രത പാലിക്കണമെന്നും പ്രതിരോധമന്ത്രാലയത്തിന്‍റെ ട്വീറ്റിൽ അഭ്യർത്ഥിച്ചു. യുക്രെയ്‌നിലെ സായുധ സേനയിൽ ചേരാൻ അവിടുത്തെ പ്രതിരോധ മന്ത്രാലയം തങ്ങളുടെ പൗരന്മാരോട് ആവശ്യപ്പെട്ടു. “വിജയം നമ്മെ ഓരോരുത്തരെയും ആശ്രയിച്ചിരിക്കുന്നു! ഉക്രെയ്നിലെ പ്രതിരോധ സേനയിൽ ചേരൂ! നമ്മൾ നമ്മുടെ ഭൂമി, നമ്മുടെ സ്വാതന്ത്ര്യം, നമ്മുടെ ജീവിതം എന്നിവയെ ഒരുമിച്ച് സംരക്ഷിക്കും! ”-യുക്രേനിയൻ പ്രതിരോധ മന്ത്രാലയത്തിന്റെ ഔദ്യോഗിക അക്കൗണ്ട് ട്വീറ്റിൽ പറഞ്ഞു.

    യുക്രെയ്നിലെ ഇന്ത്യക്കാർക്കായി രക്ഷാദൌത്യത്തിനുള്ള രണ്ട് എയർ ഇന്ത്യ വിമാനങ്ങൾ പുലർച്ചെ അയയ്ക്കുമെന്ന് കേന്ദ്രസർക്കാർ വൃത്തങ്ങൾ CNN-News18-നോട് പറഞ്ഞു. ഈ ഒഴിപ്പിക്കലിനുള്ള ചെലവ് പൂർണമായും സർക്കാർ വഹിക്കുമെന്നും അവർ കൂട്ടിച്ചേർത്തു.

    അതിനിടെ ചെർണോബിൽ ആണവനിലയത്തിൽ മണ്ണിന്റെ തകരാറുകൾ മൂലമുണ്ടാകുന്ന വികിരണം വർധിച്ചതായും ആണവ സൗകര്യങ്ങൾക്ക് കേടുപാടുകൾ സംഭവിച്ചിട്ടില്ലെന്നും യുക്രെയ്നിന്റെ ആണവ ഏജൻസി പറഞ്ഞതായി BNO ന്യൂസ് റിപ്പോർട്ട് ചെയ്യുന്നു. ബ്രിട്ടണുമായി ബന്ധമുള്ള വിമാനങ്ങളെ വ്യോമാതിർത്തിയിൽ കടക്കുന്നതിന് റഷ്യ നിരോധനം ഏർപ്പെടുത്തിയിട്ടുണ്ട്.
    Published by:Anuraj GR
    First published: