Actor Innocent | ഹെന്റമ്മേ, ഹാവൂ; ഇന്നസെന്റിനെ അനുകരിക്കുന്ന ദിലീപ്; വീഡിയോ ശ്രദ്ധനേടുന്നു

‘പാപ്പി അപ്പച്ചാ’ സിനിമ കണ്ടവർക്ക് ദിലീപ് (Dileep), ഇന്നസെന്റ് (actor Innocent) കൂട്ടുകെട്ടിനെക്കുറിച്ച് ഇനി പ്രത്യേകിച്ചൊരു ആമുഖത്തിന്റെ ആവശ്യമില്ല. മകന്റെ എല്ലാ തല്ലുകൊള്ളിത്തരത്തിനും കൂട്ടുനിൽക്കുന്ന അപ്പനായി ഇന്നസെന്റും അതൊരു അനുമോദനമായി കണ്ട് നന്നാവാൻ തീരെ താൽപ്പര്യമില്ലാത്ത മകൻ പാപ്പിയായി ദിലീപും ഈ സിനിമയിൽ വേഷമിട്ടു. ജീവിതത്തിലും ഇവരുടെ കോംബോ ഗംഭീരമാണ്. ചില നേരങ്ങളിൽ ആ പേരിൽ ഇരുവരും വിമർശനങ്ങൾക്കും പാത്രമായിട്ടുണ്ട്.

മിമിക്രി വേദികളിൽ നിന്നും നേടിയ കൈയടിയുമായി സിനിമയിലെത്തിയ ദിലീപ് നല്ല അസ്സലായി ഇന്നസെന്റിനെ അനുകരിക്കും. അതിന്റെ ഏറ്റവും പുതിയ ഉദാഹരണം വീഡിയോ രൂപത്തിൽ സോഷ്യൽ മീഡിയയിൽ പ്രചരിക്കുകയാണ്‌. ഈ വർഷം കൊട്ടാരക്കര പടിഞ്ഞാറ്റിൻകര മഹാദേവ ക്ഷേത്രത്തിൽ എത്തിയ ദിലീപ് വേദിയിൽ വളരെ മനോഹരമായി നടൻ ഇന്നസെന്റിനെ അനുകരിച്ചു കാട്ടി. ഇന്നസെന്റിന്റെ ഹെന്റമ്മേ, ഹാവൂ… എന്ന സ്ഥിരം വർത്തമാനാണ് ദിലീപ് അനുകരണത്തിനായി തിരഞ്ഞെടുത്തത്. കൊട്ടാരക്കരക്കാരുടെ ഒരു ഫേസ്ബുക്ക് പേജിലാണ് ഈ വീഡിയോ എത്തിയത്.

Also read: Dileep and Kavya | കാവ്യയുടെ കയ്യിൽ ചുന്ദരിയായി മാമാട്ടി, കൂടെ മീനൂട്ടിയും; സകുടുംബം ദിലീപ്

മിസ്റ്റർ ബട്ട്ലർ, കല്യാണരാമൻ, ഇഷ്‌ടം തുടങ്ങിയ സിനിമകളിലെ ഇവരുടെ കെമിസ്ട്രി തന്നെയായിരുന്നു ആ ചിത്രങ്ങളുടെയെല്ലാം വിജയരഹസ്യവും. ദിലീപ് ഇന്നസെന്റിനെ അനുകരിക്കുന്ന വീഡിയോ ചുവടെ കണ്ടുനോക്കാം.

നിറഞ്ഞ കയ്യടികളോടെയാണ് നാട്ടുകാർ ഈ അനുകരണകല ഏറ്റെടുത്തത്.

Summary: Video of Dileep mimicking actor Innocent getting attention on Facebook. The video comes from a event hosted by a temple in Kottarakkara, Kerala