നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • buzz
    • »
    • Viral video | വിവാഹ വേദിയിൽ ആകാശത്തേക്ക് വെടിവച്ച് വധൂവരന്മാർ; വീഡിയോ വൈറൽ

    Viral video | വിവാഹ വേദിയിൽ ആകാശത്തേക്ക് വെടിവച്ച് വധൂവരന്മാർ; വീഡിയോ വൈറൽ

    Viral video | പുഞ്ചിരിക്കുന്ന വധു ഫോട്ടോയ്ക്ക് പോസ് ചെയ്യുമ്പോൾ വരൻ വെടിയുതിർക്കുന്നതാണ് വീഡിയോ ദൃശ്യം

    (വീഡിയോ ദൃശ്യം)

    (വീഡിയോ ദൃശ്യം)

    • Share this:
      ഡൽഹിക്ക് സമീപം ഗാസിയാബാദിൽ നടന്ന വിവാഹ ചടങ്ങിൽ (wedding ceremony) തോക്ക് പിടിച്ച് ആകാശത്തേക്ക് വെടിയുതിർക്കുന്ന ദമ്പതികളുടെ വീഡിയോ (video) സോഷ്യൽ മീഡിയയിൽ വൈറലായതോടെ (viral on social media) പോലീസ് അന്വേഷണം ആരംഭിച്ചു. പുഞ്ചിരിക്കുന്ന വധു ഫോട്ടോയ്ക്ക് പോസ് ചെയ്യുമ്പോൾ വരൻ രണ്ട് വെടിയുതിർക്കുന്നതാണ് വീഡിയോ. അതേസമയം, അതിഥികൾ പശ്ചാത്തലത്തിൽ വിസിലടിക്കുന്നതും കയ്യടിക്കുന്നതും കേൾക്കാം.

      പലപ്പോഴും ആളപായങ്ങളും പോലീസ് നടപടികളും ഉണ്ടായിട്ടുണ്ടെങ്കിലും, ആഘോഷ വെടിവയ്പ്പുകൾ ഉത്തരേന്ത്യയുടെ ചില ഭാഗങ്ങളിൽ സർവ സാധാരണമാണ്.

      ദമ്പതികളെ തിരിച്ചറിയാൻ പോലീസിന് ഇതുവരെ കഴിഞ്ഞിട്ടില്ല. സംഭവം ഇപ്പോൾ അന്വേഷണത്തിലാണ്. പൊതുയോഗങ്ങൾ, ആരാധനാലയങ്ങൾ, വിവാഹങ്ങൾ എന്നിവിടങ്ങളിൽ ആഘോഷപൂർവം വെടിവയ്ക്കുന്നത് ലൈസൻസുള്ള തോക്കുകൾ ഉപയോഗിച്ചും ആർക്കും പരിക്കില്ലെങ്കിലും ക്രിമിനൽ കുറ്റമാണ്. വീഡിയോ ചുവടെ കാണാം.



      “വധുവും വരനും ഉൾപ്പെടെയുള്ള നിരപരാധികൾ അടുത്ത കാലത്ത് ആഘോഷ വെടിവയ്പിൽ പരിക്കേൽക്കുകയോ കൊല്ലപ്പെടുകയോ ചെയ്തിട്ടുണ്ട്. ബോധവത്കരണം നടത്തിയിട്ടും ഉത്തർപ്രദേശിൽ ഇത്തരം സംഭവങ്ങൾ നടന്നുകൊണ്ടിരിക്കുന്നു. നിയമങ്ങൾ ലംഘിക്കുന്ന ആളുകൾക്കെതിരെ ഞങ്ങൾ കർശന നടപടിയെടുക്കും, ”ഒരു മുതിർന്ന പോലീസ് ഉദ്യോഗസ്ഥൻ ടൈംസ് ഓഫ് ഇന്ത്യയോട് പറഞ്ഞു.

      ഓഗസ്റ്റിൽ ഡൽഹിയിൽ പിറന്നാൾ ആഘോഷത്തിനിടെ വെടിയുതിർത്തതിന് രണ്ട് പേർ അറസ്റ്റിലായിരുന്നു. ഔട്ടർ ഡൽഹിയുടെ കിഴക്കൻ പശ്ചിം വിഹാറിലെ ഒരു വീടിന്റെ മേൽക്കൂരയിൽ സംഘടിപ്പിച്ച ആഘോഷത്തിൽ വായുവിലേക്ക് വെടിയുതിർക്കുന്നതിന്റെ വീഡിയോ സോഷ്യൽ മീഡിയയിൽ വ്യാപകമായി ഷെയർ ചെയ്തതിനെ തുടർന്നാണ് ആളെ തിരിച്ചറിഞ്ഞത്.

      ജൂലൈയിൽ, ഗാസിയാബാദിൽ ഒരു ബാച്ചിലേഴ്സ് പാർട്ടിയിൽ ആഘോഷത്തിനിടെ വെടിയേറ്റ് 26 കാരനായ ഒരാൾ മരിച്ചിരുന്നു.

      Summary: A video that had gone viral on social media has newly weds firing in the air during wedding festivities. However, police launched investigation into the matter sooner. The video is on Twitter
      Published by:user_57
      First published: