• HOME
  • »
  • NEWS
  • »
  • buzz
  • »
  • Rape | 'ഇവൻ എന്നെ നടുറോഡിൽ റേപ്പ് ചെയ്യാൻ ശ്രമിച്ചു'; അക്രമിയുടെ ചിത്രം പങ്കുവെച്ച് യുവതി

Rape | 'ഇവൻ എന്നെ നടുറോഡിൽ റേപ്പ് ചെയ്യാൻ ശ്രമിച്ചു'; അക്രമിയുടെ ചിത്രം പങ്കുവെച്ച് യുവതി

രാത്രിയിൽ ബസിറങ്ങി വീട്ടിലേക്ക് നടന്നുപോകുന്ന വഴിയാണ് കോഴിക്കോട് കുന്നമംഗലം സ്വദേശിനിയും ചിത്രകാരിയുമായ യുവതിക്ക് ദുരനുഭവം ഉണ്ടായത്

  • Share this:
    കോഴിക്കോട്: നടുറോഡിൽ റേപ്പ് ചെയ്യാൻ ശ്രമിച്ചയാളുടെ ചിത്രം സമൂഹമാധ്യമങ്ങളിൽ പങ്കുവെച്ച് യുവതിയുടെ കുറിപ്പ്. രാത്രിയിൽ ബസിറങ്ങി വീട്ടിലേക്ക് നടന്നുപോകുന്ന വഴിയാണ് കോഴിക്കോട് കുന്നമംഗലം സ്വദേശിനിയും ചിത്രകാരിയുമായ യുവതിക്ക് ദുരനുഭവം ഉണ്ടായത്. തെരുവു വിളക്കുകള്‍ ഇല്ലാത്ത ഇടത്തു വച്ചാണ് ആക്രമണം ഉണ്ടായത്. റോഡിൽനിന്ന് വലിച്ചിഴച്ച് റേപ്പ് ചെയ്യാനായിരുന്നു ശ്രമം. എന്നാൽ ഉച്ചത്തിൽ അലറിയതോടെ അക്രമി ഓടി രക്ഷപെടാൻ ശ്രമിച്ചു. താനും പിന്നാലെ ഓടി. ഒടുവിൽ അക്രമിയെ പിടികൂടി പൊലീസിൽ ഏൽപ്പിച്ചതായും യുവതി ഫേസ്ബുക്ക് പോസ്റ്റിൽ പറഞ്ഞു.

    ഫേസ്ബുക്ക് കുറിപ്പ് പൂർണരൂപം

    ഇവന്‍ റേപ്പിസ്റ്റ്

    ഇന്നലെ രാത്രി 8.30 ന് കോഴിക്കോട് കുന്നമംഗലം ബസ്സ് ഇറങ്ങി എന്റെ വീട്ടിലേയ്ക്ക് നടന്നു വരുന്ന വഴിയില്‍ ഞാന്‍ അറിയാതെ ഇവന്‍ എന്നെ ഫോളോ ചെയ്തിരുന്നു. ജംഗ്ഷന്‍ വിട്ട് ഇടവഴിയിലേയ്ക്ക് തിരിഞ്ഞപ്പോ സ്ട്രീറ്റ് ലൈറ്റുകള്‍ ഇല്ലാത്ത ഇടത്തേയ്ക്ക് എത്തിയതും ഇവന്‍ എന്നെ ആക്രമിച്ചു റേപ്പ് ചെയ്യാന്‍ ശ്രമിച്ചു. റോഡിലിട്ടു വലിച്ചിഴച്ചു. അവനെ ഞാന്‍ ചവിട്ടിത്തെറിപ്പിച്ചലറി. എന്റെ അലര്‍ച്ചയില്‍ ആളുകള്‍ ഓടി വരാന്‍ സാധ്യതയുള്ളതിനാല്‍ അവന്‍ ഓടി. ഞാന്‍ അവന്റെ പുറകെ അലറിക്കൊണ്ടോടി. മെയിന്‍ റോഡില്‍ അവന്റെ പുറകെ ഓടി. അലര്‍ച്ച കേട്ടു ആളുകള്‍ ഓടിക്കൂടി. രണ്ടു കൊച്ചു പയ്യന്മാര്‍ ബൈക്ക് എടുത്ത് അവന്റെ പുറകെ പാഞ്ഞു. അവനെ പിടിച്ചുകൊണ്ടു വന്നു. അവനെ നല്ലവണ്ണം കൈകാര്യം ചെയ്തു കുന്നമംഗലം പൊലീസിന് കൈമാറി.

    ഇനിയുള്ളതാണ് നമ്മുടെ നിയമപരമായ ലൂപ്പ് ഹോള്‍. ഇതുവരെയും നടന്ന റേപ്പുകളുടെ വിധി ഇനി ബാക്കി നിങ്ങള്‍ക്ക് ഊഹിക്കാവുന്നതേയുള്ളൂ. പക്ഷേ ഏതറ്റം വരെയും ഞാന്‍ പോകും. ഇവന്‍ ഈ സമൂഹത്തില്‍ ഇനിയും പതിയിരിക്കാന്‍ പാടില്ല. ഇന്നലെ ഒരുപക്ഷേ എന്റെ അപകട സാഹചര്യങ്ങളില്‍ വരുന്ന അസാമാന്യ പ്രതിരോധ ശക്തിയും നേരം അതിനെക്കാളും ഇരുട്ടിയിട്ടില്ല എന്നുള്ളതും ഭാഗ്യവും അനൂകൂല ഘടകമായി വന്നതിനാലാണ് ഞാന്‍ റേപ്പ് ചെയ്യപ്പെടാതിരുന്നതും കൊല്ലപ്പെടാതിരുന്നതും. ഇതേ സാഹചര്യത്തില്‍ വിറച്ചു പോകുന്ന ഒരു സ്ത്രീയോ ഒരു കുട്ടിയോ ആയിരുന്നെങ്കില്‍ സ്ഥിതി ഇതാകുമായിരുന്നില്ല. ആയതിനാല്‍ എന്റെ ഉടലിനെ, എന്റെ ആത്മാഭിമാനത്തെ ആക്രമിച്ച അവനെ എന്റെ വ്യക്തിപരമായ പേരിലും ലോകത്തിലെ മൊത്തം സ്ത്രീകള്‍ക്ക് വേണ്ടിയും ഇതുവരെയും റേപ്പ് ചെയ്യപ്പെട്ട മൊത്തം സ്ത്രീകള്‍ക്ക് വേണ്ടിയും വെറുതെ വിടാന്‍ ഞാന്‍ ഉദ്ദേശിക്കുന്നില്ല.

    Also Read- ഹോംസ്റ്റേയില്‍ അതിക്രമിച്ച് കയറി യുവതിയെ കൂട്ടബലാത്സംഗം ചെയ്തു; 2 പ്രതികള്‍ പിടിയില്‍

    അവനു വേണ്ടി കരഞ്ഞു കാലുപിടിച്ച അവന്റെ അമ്മയോട് ഞാന്‍ പറഞ്ഞത്: നിങ്ങള്‍ അവനെ കൊന്നിട്ട് വരൂ. അപ്പോള്‍ മാത്രം ഞാന്‍ നിങ്ങളുടെ വാക്കുകള്‍ക്ക് ചെവി തരാം. അല്ലെങ്കില്‍ ഞാന്‍ അവനെ കൊന്നുകൊള്ളാം.

    അവന്റെ പേരും അഡ്രസ്സും ഞാന്‍ ഇന്ന് എടുക്കും. ലോകത്തിന്റെ മുന്നില്‍ ഇവന്‍ റേപ്പിസ്റ്റ് എന്ന് ഞാന്‍ മുദ്രയടിക്കും. ഇനി ഒരിക്കലും എവിടെയും പതുങ്ങിയിരിക്കാന്‍ ഞാന്‍ അനുവദിക്കില്ല.
    Published by:Anuraj GR
    First published: