നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • career
    • »
    • Bank of Baroda Recruitment 2021 | 370 തസ്തികകളിലേക്ക് അപേക്ഷ ക്ഷണിച്ച് ബാങ്ക് ഓഫ് ബറോഡ, ബിരുദധാരികള്‍ക്ക് അപേക്ഷിക്കാം

    Bank of Baroda Recruitment 2021 | 370 തസ്തികകളിലേക്ക് അപേക്ഷ ക്ഷണിച്ച് ബാങ്ക് ഓഫ് ബറോഡ, ബിരുദധാരികള്‍ക്ക് അപേക്ഷിക്കാം

    ഈ ഒഴിവുകളിലേയ്ക്ക് അപേക്ഷിക്കുന്നതിനുള്ള അവസാന തീയതി ഡിസംബര്‍ 9 ആണ്

    • Share this:
      ബാങ്ക് ഓഫ് ബറോഡയുടെ വെല്‍ത്ത് മാനേജ്മെന്റ് സര്‍വീസ് ഡിപ്പാര്‍ട്ട്മെന്റില്‍ 370 റിലേഷന്‍ഷിപ്പ് മാനേജര്‍ തസ്തികകളിലേക്ക് കരാര്‍ അടിസ്ഥാനത്തില്‍ നിയമനം നടത്തുന്നതിനുള്ള അപേക്ഷാ നടപടിക്രമങ്ങള്‍ പ്രഖ്യാപിച്ചു. അഞ്ച് വര്‍ഷ കരാര്‍ പ്രകാരം സീനിയര്‍ റിലേഷന്‍ഷിപ്പ് മാനേജരുടെ 326 തസ്തികകളിലും, ഇ-വെല്‍ത്ത് റിലേഷന്‍ഷിപ്പ് മാനേജരുടെ 50 തസ്തികകളിലുമാണ് അപേക്ഷ ക്ഷണിച്ചിരിക്കുന്നത്.

      ഈ ഒഴിവുകളിലേയ്ക്ക് അപേക്ഷിക്കുന്നതിനുള്ള അവസാന തീയതി ഡിസംബര്‍ 9 ആണ്. ഈ തീയതിയ്ക്ക് മുമ്പായി www.bankofbaroda.in എന്ന ഔദ്യോഗിക വെബ്സൈറ്റ് വഴി താല്‍പ്പര്യമുള്ള ഉദ്യോഗാര്‍ത്ഥികള്‍ക്ക് അപേക്ഷിക്കാം. തിരഞ്ഞെടുക്കുന്നവരുടെ പ്രകടനം വിലയിരുത്തി ബാങ്ക് കരാര്‍ കാലാവധി നീട്ടും.

      ബാങ്ക് ഓഫ് ബറോഡ റിക്രൂട്ട്‌മെന്റ് 2021: യോഗ്യതാ മാനദണ്ഡം

      വിദ്യാഭ്യാസ യോഗ്യത: സീനിയര്‍ റിലേഷന്‍ഷിപ്പ് മാനേജര്‍, ഇ-വെല്‍ത്ത് റിലേഷന്‍ഷിപ്പ് മാനേജര്‍ എന്നീ തസ്തികകളിലേക്ക് അപേക്ഷിക്കുന്ന ഉദ്യോഗാര്‍ത്ഥികള്‍ക്ക് ഏതെങ്കിലും വിഷയത്തില്‍ ബിരുദം ഉണ്ടായിരിക്കണം. ഔദ്യോഗിക അറിയിപ്പ് പ്രകാരം മാനേജ്മെന്റില്‍ രണ്ട് വര്‍ഷത്തെ മുഴുവന്‍ സമയ ബിരുദാനന്തര ബിരുദം/ഡിപ്ലോമ ആവശ്യമാണ്.

      സീനിയര്‍ റിലേഷന്‍ഷിപ്പ് മാനേജര്‍ തസ്തികകളില്‍ കുറഞ്ഞത് 2 വര്‍ഷവും ഇ-വെല്‍ത്ത് റിലേഷന്‍ഷിപ്പ് മാനേജര്‍ക്ക് 1.5 വര്‍ഷവും പ്രസക്തമായ പ്രവൃത്തി പരിചയവും ഉണ്ടായിരിക്കണം. 6 മാസത്തില്‍ താഴെയുള്ള പ്രവർത്തി പരിചയം പരിഗണിക്കില്ല. റിക്രൂട്ട്മെന്റ് പരസ്യത്തില്‍ അതത് തസ്തികളുടെ നിയമന സ്ഥലവും സൂചിപ്പിച്ചിട്ടുണ്ട്.

      പ്രായപരിധി: അപേക്ഷിക്കുന്ന ഉദ്യോഗാര്‍ത്ഥികള്‍ 2021 നവംബര്‍ 1ന് 24-നും 35-നും ഇടയില്‍ പ്രായമുള്ളവരായിരിക്കണം.

      ബാങ്ക് ഓഫ് ബറോഡ റിക്രൂട്ട്മെന്റ് 2021: എങ്ങനെ അപേക്ഷിക്കാം

      സ്റ്റെപ് 1: ബാങ്ക് ഓഫ് ബറോഡയുടെ ഔദ്യോഗിക പോര്‍ട്ടലില്‍ (www.bankofbaroda.in) ലോഗിന്‍ ചെയ്യുക

      സ്റ്റെപ് 2: കരിയര്‍ പേജിലേക്ക് പോകുക. നിലവിലെ അവസരങ്ങളില്‍ (current opportunities) ക്ലിക്ക് ചെയ്യുക

      സ്റ്റെപ് 3: ഇവിടെ, നിങ്ങള്‍ താത്പര്യപ്പെടുന്ന പോസ്റ്റിനായി അപേക്ഷിക്കുക

      സ്റ്റെപ് 4: ആവശ്യമായ വിവരങ്ങള്‍ സഹിതം അപേക്ഷാ ഫോം പൂരിപ്പിക്കുക, നിങ്ങളുടെ ഡോക്യുമെന്റുകളുടെ സ്‌കാന്‍ ചെയ്ത ഒരു പകര്‍പ്പ് അപ്ലോഡ് ചെയ്ത് അപേക്ഷാ ഫീസ് അടയ്ക്കുക.

      സ്റ്റെപ് 5: നല്‍കിയ വിവരങ്ങള്‍ പരിശോധിച്ചതിന് ശേഷം സബ്മിറ്റ് എന്നതില്‍ ക്ലിക്ക് ചെയ്യുക

      സ്റ്റെപ് 6: ഭാവി റഫറന്‍സിനായി നിങ്ങളുടെ അപേക്ഷാ ഫോമിന്റെ ഒരു പകര്‍പ്പ് ഡൗണ്‍ലോഡ് ചെയ്യുക അല്ലെങ്കില്‍ പ്രിന്റ് എടുക്കുക.

      ബാങ്ക് ഓഫ് ബറോഡ റിക്രൂട്ട്‌മെന്റ് 2021: അപേക്ഷാ ഫീസ്

      അണ്‍ റിസര്‍വ്ഡ് അല്ലെങ്കില്‍ ഒബിസി വിഭാഗങ്ങളില്‍ പെട്ടവര്‍ 600 രൂപ അപേക്ഷാ ഫീസ് അടയ്ക്കേണ്ടതാണ്. എസ്സി, എസ്ടി, പിഡബ്ല്യുഡി, വനിതാ ഉദ്യോഗാര്‍ത്ഥികളുടെ കാര്യത്തില്‍ അപേക്ഷാ ഫീസ് 100 രൂപയാണ്.

      ബാങ്ക് ഓഫ് ബറോഡ റിക്രൂട്ട്‌മെന്റ് 2021: തിരഞ്ഞെടുക്കല്‍ പ്രക്രിയ

      ഒരു റൗണ്ട് വ്യക്തിഗത അഭിമുഖങ്ങള്‍ കൂടാതെ/ ഗ്രൂപ്പ് ചര്‍ച്ചകള്‍ അല്ലെങ്കില്‍ മറ്റ് തിരഞ്ഞെടുപ്പ് രീതികൾ എന്നിവ ഉണ്ടായിരിക്കും. ഉദ്യോഗാര്‍ത്ഥികളുടെ പ്രകടനത്തിന്റെ അടിസ്ഥാനത്തിലാണ് തിരഞ്ഞെടുപ്പ്.

      ബാങ്ക് ഓഫ് ബറോഡ റിക്രൂട്ട്‌മെന്റ് 2021: ശമ്പളം

      ഉദ്യോഗാര്‍ത്ഥിയുടെ യോഗ്യത, അനുഭവപരിചയം, അവസാനം ലഭിച്ച ശമ്പളം, അതത് തസ്തികകളിലെ മാര്‍ക്കറ്റ് മാനദണ്ഡങ്ങള്‍ എന്നിവയെ ആശ്രയിച്ചായിരിക്കും ശമ്പളം നിശ്ചയിക്കുക. തിരഞ്ഞെടുക്കപ്പെട്ട ഉദ്യോഗാര്‍ത്ഥികള്‍ക്ക് പെര്‍ഫോമന്‍സ്-ലിങ്ക്ഡ് വേരിയബിള്‍ പേയ്ക്കും അര്‍ഹതയുണ്ട്. അത് നിശ്ചിത ശമ്പളത്തേക്കാള്‍ കൂടുതലായിരിക്കും, എന്നാല്‍ നിര്‍ദ്ദിഷ്ട ടാര്‍ഗെറ്റുകളുടെ നേട്ടവുമായി ഇത് ബന്ധപ്പെട്ടിരിക്കുന്നു.
      Published by:Karthika M
      First published:
      )}