HOME » NEWS » Career » CANDIDATES CAN APPLY FOR CERTIFICATE COURSES CONDUCTED BY MG UNIVERSITY

MG University| എം ജി സര്‍വകലാശാല നടത്തുന്ന സര്‍ട്ടിഫിക്കറ്റ് കോഴ്സുകളിലേക്ക് അപേക്ഷിക്കാം

വിവിധ സര്‍ട്ടിഫിക്കറ്റ് കോഴ്സുകളിലെ പ്രവേശനത്തിന് അപേക്ഷിക്കാം

News18 Malayalam | news18-malayalam
Updated: June 23, 2021, 9:45 AM IST
MG University| എം ജി സര്‍വകലാശാല നടത്തുന്ന സര്‍ട്ടിഫിക്കറ്റ് കോഴ്സുകളിലേക്ക് അപേക്ഷിക്കാം
News18 Malayalam
  • Share this:
മഹാത്മാഗാന്ധി സര്‍വകലാശാല ഡിപ്പാര്‍ട്ട്മെന്റ് ഓഫ് ലൈഫ്ലോങ് ലേണിങ് ആന്‍ഡ് എക്സ്റ്റന്‍ഷന്‍ നടത്തുന്ന വിവിധ സര്‍ട്ടിഫിക്കറ്റ് കോഴ്സുകളിലെ പ്രവേശനത്തിന് അപേക്ഷിക്കാം. 120 മണിക്കൂറാണ് കോഴ്സ് ദൈര്‍ഘ്യം. ഫീസ് 5200 രൂപ. പ്രീഡിഗ്രി/പ്ലസ്ടു ജയിച്ചിരിക്കണം.

കോഴ്സുകള്‍: സര്‍ട്ടിഫിക്കറ്റ് കോഴ്സ് ഇന്‍ കൗണ്‍സലിങ്, സര്‍ട്ടിഫിക്കറ്റ് കോഴ്സ് ഇന്‍ മാനേജ്മെന്റ് ഓഫ് ലേണിങ് ഡിസെബിലിറ്റീസ്, സര്‍ട്ടിഫിക്കറ്റ് കോഴ്സ് ഇന്‍ യോഗിക് സയന്‍സ്, സര്‍ട്ടിഫിക്കറ്റ് പ്രോഗ്രാം ഇന്‍ ഗ്രാഫിക് ഡിസൈനിങ് ആന്‍ഡ് യു.ഐ. എക്സ്പര്‍ട്ടൈസ്, സര്‍ട്ടിഫിക്കറ്റ് പ്രോഗ്രാം ഇന്‍ ഫങ്ഷണല്‍ ഇംഗ്ലീഷ്, സര്‍ട്ടിഫിക്കറ്റ് പ്രോഗ്രാം ഇന്‍ ഡിജിറ്റല്‍ മാര്‍ക്കറ്റിങ്, സര്‍ട്ടിഫിക്കറ്റ് പ്രോഗ്രാം ഇന്‍ അപ്ലൈഡ് ക്രിമിനോളജി, സര്‍ട്ടിഫിക്കറ്റ് പ്രോഗ്രാം ഇന്‍ ട്രാന്‍സ്ലേഷന്‍ സ്റ്റഡീസ് ആന്‍ഡ് പ്രാക്ടിസ്, ഡിപ്ലോമ കോഴ്സ് ഇന്‍ കൗണ്‍സലിങ്.

ഡിപ്ലോമ കോഴ്സിന് 180 മണിക്കൂറാണ് കോഴ്സ് ദൈര്‍ഘ്യം. ഫീസ് 8,300 രൂപ. പ്രീഡിഗ്രി/പ്ലസ്ടു കൂടാതെ ഈ വകുപ്പില്‍ നടത്തുന്ന സര്‍ട്ടിഫിക്കറ്റ് കോഴ്സ് ഇന്‍ കൗണ്‍സലിങ് വിജയിക്കണം.

സര്‍ട്ടിഫിക്കറ്റ് കോഴ്സ് ഇന്‍ ഓര്‍ഗാനിക് ഫാമിങ്, സര്‍ട്ടിഫിക്കറ്റ് പ്രോഗ്രാം ഇന്‍ ആര്‍ട്ട് ഓഫ് ഹാപ്പിനെസ് എന്നിവയ്ക്ക് എഴുത്തും വായനയും അറിഞ്ഞാല്‍ മതി. പ്രായപരിധി ഇല്ല. വിവരങ്ങള്‍ക്ക്: 8301000560, 9544981839.


ഹൈദരാബാദ് യൂണിവേഴ്സിറ്റിയിലേക്ക് അടുത്ത അധ്യയന വർഷത്തിലേക്കുള്ള പ്രവേശനം ആരംഭിച്ചു


ഹൈദരാബാദ് സർവകലാശാല 2021 അധ്യയന വർഷത്തിൽ വിവിധ കോഴ്സുകളിലെ അഡ്മിഷനായി നടത്തുന്ന പ്രവേശന പരീക്ഷയ്ക്കുള്ള അപേക്ഷ ക്ഷണിച്ചു. യോഗ്യതയും താൽപ്പര്യവുമുള്ള വിദ്യാർത്ഥികൾക്ക് ഇന്നുമുതൽ സർവകലാശാലയുടെ ഔദ്യോഗിക വെബ്സൈറ്റ് വഴി അപേക്ഷ സമർപ്പിക്കാം. അപേക്ഷാ ഫോം സമർപ്പിക്കാനുള്ള അവസാന തീയതി ജൂലൈ 20 ആണ്.

അപേക്ഷാ ഫോം സമർപ്പിക്കുമ്പോൾ വിദ്യാർത്ഥികൾ പേര്, പരീക്ഷാ സെന്റർ, ആധാർ നമ്പർ തുടങ്ങിയ നിരവധി വിവരങ്ങൾ സമർപ്പിക്കണം. വിദ്യാർത്ഥികൾ അവരുടെ ഫോട്ടോയുടെ സ്കാൻ ചെയ്ത പകർപ്പ്, അവരുടെ ഒപ്പിന്റെ സ്കാൻ ചെയ്ത പകർപ്പ്, ജാതി സർട്ടിഫിക്കറ്റിന്റെ പകർപ്പ് എന്നിവയും അപേക്ഷാ ഫോമിനൊപ്പം സമർപ്പിക്കണം.

വിവിധ വിഷയങ്ങളിലെ 117 കോഴ്‌സുകളിലായി 2328 സീറ്റുകളിലാണ് സർവകലാശാല പ്രവേശനം നടത്തുന്നത്. പ്രവേശന പരീക്ഷ രാജ്യത്തെ 39 കേന്ദ്രങ്ങളിൽ ഓൺ‌ലൈനായും ഓഫ്‌ലൈനായും നടക്കും.

അപേക്ഷിക്കേണ്ട വിധം

സ്റ്റെപ്പ് 1 - ഹൈദരാബാദ് സർവകലാശാലയുടെ ഔദ്യോഗിക വെബ്സൈറ്റ് സന്ദർശിക്കുക.

സ്റ്റെപ്പ് 2 - ഹോം പേജിൽ 'അഡ്മിഷൻ നോട്ടിഫിക്കേഷൻ - 2021' എന്ന് ഹൈപ്പർ ലിങ്ക് കാണാൻ സാധിക്കും. അതിൽ ക്ലിക്ക് ചെയ്യുക.

സ്റ്റെപ്പ് 3 - പുതിയൊരു പേജ് തുറന്നു വരും. ഇതിൽ “Online Application Form (Click here)" എന്ന ഓപ്ഷൻ ക്ലിക്ക് ചെയ്യുക.

സ്റ്റെപ്പ് 4 - വീണ്ടും പുതിയൊരു വിൻഡോ തുറന്നു വരും. ഇതിൽ ‘Start new application’ എന്ന ലിങ്ക് ക്ലിക്ക് ചെയ്ത് പ്രവേശിക്കുക.

സ്റ്റെപ്പ് 5 - പുതിയൊരു പേജിൽ അപേക്ഷാ ഫോം തുറന്നു വരും. അതിൽ ആവശ്യപ്പെടുന്ന വിവരങ്ങൾ ശ്രദ്ധയോടെ പൂരിപ്പിക്കണം. ഒപ്പം ആവശ്യമായ രേഖകളും സമർപ്പിക്കണം.

സ്റ്റെപ്പ് 6 - അപേക്ഷാ ഫീസ് നൽകിയ ശേഷം ഫോം സബ്മിറ്റ് ചെയ്യുക.

സ്റ്റെപ്പ് 7 - സബ്മിറ്റ് ചെയ്ത ശേഷം അപേക്ഷയുടെ ഒരു സ്ക്രീൻഷോട്ട് എടുത്ത് സൂക്ഷിക്കുക. ഭാവിയിലെ ആവശ്യങ്ങൾക്ക് വേണ്ടിയാണിത്.

ജനറൽ കാറ്റഗറിയിൽപ്പെട്ടവർക്ക് 600 രൂപയാണ് അപേക്ഷാ ഫീസ്. സാമ്പത്തികമായി പിന്നാക്കം നിൽക്കുന്ന വിഭാഗങ്ങളിൽ (ഇ ഡബ്ല്യൂ എസ്) ഉള്ളവർക്ക് 550 രൂപയും മറ്റ് പിന്നാക്ക വിഭാഗങ്ങൾക്ക് (ഒബിസി) 400 രൂപയുമാണ് ഫീസ്. പട്ടിക ജാതി / പട്ടിക വർഗ്ഗം / അം​ഗപരിമിതി (പിഎച്ച്) എന്നിവർക്ക് 275 രൂപമാണ് അപേക്ഷാ ഫീസ്.

അപേക്ഷ സമർപ്പിക്കുന്നതിനിടെ അബദ്ധത്തിൽ ഒന്നിൽ കൂടുതൽ പ്രാവശ്യം അപേക്ഷാ ഫീസ് നൽകിയാൽ ഓൺലൈൻ പ്രവേശന നടപടികൾ പൂർത്തി ആയതിനു ശേഷം സർവകലാശാല ഈ തുക റീഫണ്ട് ചെയ്യും. വിദ്യാർത്ഥികൾ അപേക്ഷ സമർപ്പിക്കുമ്പോൾ തന്നെ ആപ്ലിക്കേഷൻ നമ്പർ, പെയ്മെൻറ് ട്രാൻസാക്ഷൻ നമ്പർ എന്നിവ കൃത്യമായി രേഖപ്പെടുത്തി വയ്ക്കണമെന്ന് യൂണിവേഴ്സിറ്റി ആവശ്യപ്പെടുന്നു.
Published by: Rajesh V
First published: June 23, 2021, 9:45 AM IST
കൂടുതൽ കാണുക
അടുത്തത് വാര്‍ത്തകള്‍

Top Stories