career | വെറ്റിനറി കോഴ്സിലും മെറിറ്റ് സീറ്റ് ഉപയോഗിച്ച് മുന്നാക്ക സംവരണം നടപ്പാക്കുന്നു

തി​രു​വ​ന​ന്ത​പു​രം: സ​ര്‍​ക്കാ​ര്‍ ഡെന്‍റ​ല്‍ കോ​ള​ജു​ക​ള്‍​ക്ക്​ പി​ന്നാ​ലെ വെ​റ്റ​റി​ന​റി കോ​ഴ്സുകളിലും​​ (ബി.​വി.​എ​സ്​​സി) മെ​റി​റ്റ്​ സീ​റ്റ്​ ത​രം​മാ​റ്റി മു​ന്നാ​ക്ക സം​വ​ര​ണം ന​ട​പ്പാ​ക്കും. വെ​റ്റ​റി​ന​റി യൂണിവേഴ്സിറ്റിയുടെ​ നിയന്ത്രണത്തിലുള്ള 2 കോ​ളേജുകളിലെ 14 ബി​രു​ദ സീ​റ്റാ​ണ്​ മു​ന്നാ​ക്ക സം​വ​ര​ണ​ത്തി​നാ​യി മാ​റ്റി​യ​ത്.

തൃ​ശൂ​ര്‍ -മ​ണ്ണു​ത്തി, വ​യ​നാ​ട്​ കോ​ള​ജു​ക​ളി​ല്‍ ആ​കെ​യു​ള്ള 180 ല്‍ ​അ​ഖി​ലേ​ന്ത്യ ക്വോ​ട്ട, പ്ര​ത്യേ​ക സം​വ​ര​ണ സീ​റ്റ്​ ക​ഴി​ഞ്ഞു​ള്ള 142 സീ​റ്റി​ലേ​ക്കാ​ണ്​ പ്ര​വേ​ശ​ന പ​രീ​ക്ഷ ക​മ്മീഷണര്‍ അ​ലോ​ട്ട്​​മെന്‍റ്​ ന​ട​ത്തു​ന്ന​ത്. ഇ​തി​ല്‍​നി​ന്നാ​ണ്​ 14 സീ​റ്റ്​ മു​ന്നാ​ക്ക സം​വ​ര​ണ​ത്തി​ന്​ നീ​ക്കി​വെ​ച്ച​ത്. ക​ഴി​ഞ്ഞ വ​ര്‍​ഷം വ​രെ സ്​​റ്റേ​റ്റ്​ മെ​റി​റ്റ് ലിസ്റ്റ് പ്രകാരം അ​ലോ​ട്ട്​​മെന്‍റ്​ ന​ട​ത്തി​യി​രു​ന്ന സീ​റ്റു​ക​ളാ​ണ്​ ഇ​വ. ഇ​തോ​ടെ ഈ ​വ​ര്‍​ഷം ഇ​ത്ര​യും സീ​റ്റ്​ സ്​​റ്റേ​റ്റ്​ മെ​റി​റ്റി​ല്‍ കു​റ​യും.

സ​ര്‍​ക്കാ​ര്‍ ഡെന്‍റ​ല്‍ കോ​ള​ജു​ക​ളി​ലെ 23 ബി.​ഡി.​എ​സ്​ സീ​റ്റും ഇ​തേ മാ​തൃ​ക​യി​ല്‍ ത​രം​മാ​റ്റി മു​ന്നാ​ക്ക സം​വ​ര​ണ​ത്തി​ന്​ നീ​ക്കി​വെ​ച്ചി​രു​ന്നു. അ​ധി​ക സീ​റ്റ്​ അ​നു​വ​ദി​ച്ചാ​ണ്​ മു​ന്നാ​ക്ക സം​വ​ര​ണം ന​ട​പ്പാ​ക്കേ​ണ്ട​തെ​ന്നി​രി​ക്കെ​യാ​ണ്​ നി​ല​വി​ലെ സീ​റ്റ്​ ഉ​പ​യോ​ഗി​ച്ച്‌​ ന​ട​പ്പാ​ക്കു​ന്ന​ത്. ​എം.​ബി.​ബി.​എ​സ്, ബി.​ടെ​ക്​ ഉ​ള്‍​പ്പെ​ടെ കോ​ഴ്​​സു​ക​ളി​ല്‍ അ​ധി​ക സീ​റ്റ്​ അ​നു​വ​ദി​ച്ച​ശേ​ഷ​മാ​ണ്​ മു​ന്നാ​ക്ക സം​വ​ര​ണ​ത്തി​ന്​​ സീ​റ്റ്​ നീ​ക്കി​വെ​ച്ച​ത്. ഡെന്‍റ​ല്‍ കൗ​ണ്‍​സി​ല്‍ ഓ​ഫ്​ ഇ​ന്ത്യ​യി​ല്‍​നി​ന്നാ​ണ്​ ബി.​ഡി.​എ​സ്​ സീ​റ്റ്​ വ​ര്‍​ധ​ന​ക്ക്​​ അ​നു​മ​തി വാ​ങ്ങേ​ണ്ട​ത്.

ബി.​വി.​എ​സ്​​സി സീ​റ്റ്​ വ​ര്‍​ധ​ന​ക്ക്​ വെ​റ്റ​റി​ന​റി കൗ​ണ്‍​സി​ല്‍ ഓ​ഫ്​ ഇ​ന്ത്യ​യി​ല്‍​നി​ന്നും. ര​ണ്ടു കോ​ഴ്​​സി​ലും മു​ന്നാ​ക്ക സം​വ​ര​ണം ന​ട​പ്പാ​ക്കാ​ന്‍ ബ​ന്ധ​പ്പെ​ട്ട കൗ​ണ്‍​സി​ലു​ക​ളി​ല്‍​നി​ന്ന്​ സീ​റ്റ്​ വ​ര്‍​ധ​ന​ക്ക്​ അ​നു​മ​തി തേ​ടാ​ന്‍ തീ​രു​മാ​നി​ച്ചി​രു​ന്നെ​ങ്കി​ലും തു​ട​ര്‍​ന​ട​പ​ടി​യി​ല്ലാ​തെ പോ​യി. ഹൈ​ക്കോ​ട​തി​യി​ല്‍ കേ​സ്​ വ​ന്ന​പ്പോ​ള്‍ നി​ല​വി​ലെ മെ​റി​റ്റ്​ സീ​റ്റെ​ടു​ത്ത്​ മു​ന്നാ​ക്ക സം​വ​ര​ണം ന​ട​പ്പാ​ക്കു​ന്ന നി​ല​പാ​ടാ​ണ്​ സ​ര്‍​ക്കാ​ര്‍ സ്വീ​ക​രി​ച്ച​ത്. വെ​റ്റ​റി​ന​റി കോ​ഴ്​​സി​ല്‍​കൂ​ടി ന​ട​പ്പാ​ക്കി​യ​തോ​ടെ സം​സ്ഥാ​ന​ത്തെ മു​ഴു​വ​ന്‍ മെ​ഡി​ക്ക​ല്‍, അ​നു​ബ​ന്ധ കോ​ഴ്​​സു​ക​ളി​ലും എ​ന്‍​ജി​നീ​യ​റി​ങ്​ കോ​ഴ്​​സു​ക​ളി​ലും മു​ന്നാ​ക്ക സം​വ​ര​ണം പൂ​ര്‍​ണ​മാ​യി.

എം.ബി.ബി.എസ് കൗണ്‍സിലിങ്ങിനുള്ള സമയപ്പട്ടിക പുതുക്കി

എം.ബി.ബി.എസ് ,ബി.ഡി.എസ് കോഴ്സുകളില്‍ 2021-2022 വര്‍ഷത്തെ പ്രവേശനത്തിന് കേന്ദ്ര മെഡിക്കല്‍ കൗണ്‍സിലിങ്ങ് കമ്മിറ്റിയും  എന്‍ട്രന്‍സ് പരീക്ഷാ കമ്മീഷണറും  നടത്തുന്ന കൗണ്‍സിലിങ്ങിനുള്ള സമയവിവരപ്പട്ടിക ഉള്‍പ്പെടുത്തി കേരള സര്‍ക്കാര്‍ ഉത്തരവിറക്കി.

ആദ്യഘട്ട എം.സി.സി  കേന്ദ്ര കൗണ്‍സിലിങ് ജനുവരി 19 മുതല്‍ 29 വരെയും സംസ്ഥാന കൗണ്‍സിലിങ് ജനുവരി 27 മുതല്‍ 31 വരെയും നടക്കും. കോളേജില്‍ ചേരേണ്ട അവസാന തീയതി ഫെബ്രുവരി 9 ആണ്.

രണ്ടാം ഘട്ട കേന്ദ്ര കൗണ്‍സിലിങ് ഫെബ്രുവരി 16 മുതല്‍ 26 വരെയും സംസ്ഥാന കൗണ്‍സിലിങ് മാര്‍ച്ച് 8 മുതല്‍ 15 വരെയുമാണ് നിശ്ചയിച്ചിട്ടുള്ളത്. ചേരേണ്ട അവസാന തീയതി മാര്‍ച്ച് 5 (കേന്ദ്രം) , മാര്‍ച്ച് 19 (സംസ്ഥാനം).

മോപ് അപ് റൗണ്ട്‌ മാര്‍ച്ച് 10-19 (കേന്ദ്രം) , മാര്‍ച്ച് 22-26 (സംസ്ഥാനം). ചേരേണ്ട അവസാന തീയതി യഥാക്രമം മാര്‍ച്ച് 27, മാര്‍ച്ച് 29 എന്നിങ്ങനെയാണ്.

ഓണ്‍ലൈന്‍ സ്ട്രേ വേക്കന്‍സി  റൗണ്ട്‌ മാര്‍ച്ച് 28,29 (കേന്ദ്രം), മാര്‍ച്ച് 31- ഏപ്രില്‍ 2 (സംസ്ഥാനം). ചേരേണ്ട അവസാന തീയതി ഏപ്രില്‍ 4.

 സ്കൂളുകള്‍ തുറന്നു; മാർച്ച് മാസത്തെ പി.എസ്.സി പരീക്ഷാതീയതികളിൽ മാറ്റം

2022 മാർച്ച് മാസം മുതൽ സംസ്ഥാനത്തെ വിദ്യാലയങ്ങൾ പൂർണ്ണതോതിൽ പ്രവർത്തനം പുനരാരംഭിക്കുന്ന സാഹചര്യത്തിൽ 2022 മാർച്ച് മാസം കേരള പബ്ലിക് സർവീസ് കമ്മിഷൻ നടത്തുവാൻ നിശ്ചയിച്ചിരുന്ന പരീക്ഷകളിൽ മാറ്റം.

2022 മാർച്ച് 2 ലെ മൈക്രോബയോളജിസ്റ്റ് പരീക്ഷ മാർച്ച് 27 ലേക്കും മാർച്ച് 3 ലെ വർക്ക് അസിസ്റ്റന്റ് പരീക്ഷ മാർച്ച് 6 ലേക്കും മാർച്ച് 4 ലെ ലാബ് അസിസ്റ്റന്റ് പരീക്ഷ മാർച്ച് 12 ലേക്കും മാർച്ച് 8 ലെ
അഗ്രികൾച്ചറൽ ഓഫീസർ പരീക്ഷ മാർച്ച് 6 ലേക്കും മാറ്റിവെച്ചു.

മാർച്ച് 9 ലെ സോഷ്യൽ വർക്കർ പരീക്ഷ മാർച്ച് 23 ലേക്കും മാർച്ച് 10 ലെ ഓപ്പറേറ്റർ പരീക്ഷ മാർച്ച് 25 ലേക്കും മാർച്ച് 11 ലെ ടെക്നീഷ്യൻ ഗ്രേഡ് 2 പരീക്ഷ മാർച്ച് 24 ലേക്കും മാർച്ച് 14 ലെ എച്ച്.എസ്.ടി. മാത്തമാറ്റിക്സ് പരീക്ഷ മാർച്ച് 25 ലേക്കും മാർച്ച് 18 ലെ ഫയർമാൻ ട്രെയിനി മുഖ്യ പരീക്ഷ മാർച്ച് 13 ലേക്കും മാറ്റിവെച്ചു.

മാർച്ച് 19 ലെ എച്ച്.എസ്.ടി. സോഷ്യൽ സയൻസ് പരീക്ഷ മാർച്ച് 27 ലേക്കും മാർച്ച് 22 ലെ കമ്പ്യൂട്ടർ അസിസ്റ്റന്റ് മുഖ്യ പരീക്ഷ മാർച്ച് 26 ലേക്കും മാറ്റിവെച്ചിട്ടുണ്ട്. വിശദവിവരങ്ങളടങ്ങിയ പരിഷ്കരിച്ച പരീക്ഷാ കലണ്ടർ കേരള പബ്ലിക് സർവീസ് കമ്മിഷൻ വെബ്സൈറ്റിൽ പ്രസിദ്ധീകരിച്ചു.