HOME » NEWS » Career » ISRO IS HIRING GRADUATES KNOW HOW TO APPLY JK

ബിരുദധാരികൾക്ക് ഐഎസ്ആർഒയിൽ തൊഴിൽ പരിശീലനം; ഇങ്ങനെ അപേക്ഷിക്കാം

ഐ എസ് ആർ ഒയുടെ ബെംഗളൂരുവിലെ ആസ്ഥാനത്തിലേക്കാണ് അപേക്ഷ ക്ഷണിച്ചിരിക്കുന്നത്.

News18 Malayalam | news18-malayalam
Updated: July 5, 2021, 2:55 PM IST
ബിരുദധാരികൾക്ക് ഐഎസ്ആർഒയിൽ തൊഴിൽ പരിശീലനം; ഇങ്ങനെ അപേക്ഷിക്കാം
Representative image
  • Share this:
ഇന്ത്യൻ സ്‌പേസ് റിസർച്ച് ഓർഗനൈസേഷൻ (ഐ എസ് ആർ ഒ) വിവിധ ബി ടെക്, ബി ഇ ട്രെയ്ഡുകളിലേക്കായി തൊഴിൽ പരിശീലനത്തിന് അപേക്ഷകൾ ക്ഷണിച്ചു. ഐ എസ് ആർ ഒയുടെ ബെംഗളൂരുവിലെ ആസ്ഥാനത്തിലേക്കാണ് അപേക്ഷ ക്ഷണിച്ചിരിക്കുന്നത്. താത്പര്യമുള്ള, യോഗ്യരായ ഉദ്യോഗാർത്ഥികൾ ആദ്യം എൻ എ ടി എസ് പോർട്ടലിൽ രജിസ്റ്റർ ചെയ്യണം. ഈ റിക്രൂട്ട്മെന്റ് ഡ്രൈവിലേക്കുള്ള അപേക്ഷ ജൂലൈ 22-നകം ഈ-മെയിലിലൂടെ അയയ്ക്കാവുന്നതാണ്.

"ഉദ്യോഗാർത്ഥികൾ www.mhrdnats.gov.in എന്ന വെബ്‌സൈറ്റിൽ തങ്ങളുടെ പേര് നിർബന്ധമായും രജിസ്റ്റർ ചെയ്തിരിക്കണം. തുടർന്ന് അവരുടെ എൻ എ ടി എസ് എൻറോൾമെൻറ് നമ്പർ ഉൾപ്പെടെ hqapprentice@isro.gov.in എന്ന ഈ-മെയിൽ ഐ ഡിയിലേക്ക് അപേക്ഷ അയയ്ക്കണം", ഔദ്യോഗിക വാർത്താക്കുറിപ്പിൽ ഐ എസ് ആർ ഒ വ്യക്തമാക്കുന്നു.

ഒരു വർഷത്തെ തൊഴിൽ പരിശീലന പദ്ധതിയിൽ ആകെ 43 ഒഴിവുകളാണ് ഉള്ളത്. ബിരുദ തൊഴിൽ പരിശീലനത്തിന് തെരഞ്ഞെടുക്കപ്പെടുന്നവർക്ക് പ്രതിമാസം 9,000 രൂപ സ്റ്റൈപ്പന്റ് ലഭിക്കും. സാങ്കേതിക തൊഴിൽ പരിശീലനത്തിന് തെരഞ്ഞെടുക്കപ്പെടുന്നവർക്ക് പ്രതിമാസം 8,000 രൂപയാണ് സ്റ്റൈപ്പന്റായി ലഭിക്കുക.

ഐ എസ് ആർ ഒ സാങ്കേതിക തൊഴിൽ പരിശീലന റിക്രൂട്ട്മെന്റ്: ആർക്കൊക്കെ അപേക്ഷിക്കാം?
കുറഞ്ഞത് 60 ശതമാനം മാർക്ക് നേടിയ എഞ്ചിനീയറിങ് ബിരുദധാരികൾക്ക് ബിരുദ തൊഴിൽ പരിശീലനത്തിന് അപേക്ഷിക്കാം. എന്നാൽ, സാങ്കേതിക തൊഴിൽ പരിശീലനത്തിന് അപേക്ഷിക്കുന്നവർക്ക് പ്രസ്തുത ട്രെയ്ഡിൽ കുറഞ്ഞത് 60 മാർക്കോടു കൂടിയ ഡിപ്ലോമ ഡിഗ്രി ആവശ്യമാണ്.

ഐ എസ് ആർ ഒ തൊഴിൽ പരിശീലന റിക്രൂട്ട്മെന്റ് 2021: എങ്ങനെ അപേക്ഷിക്കാം?
ഘട്ടം 1: ഉദ്യോഗാർത്ഥികൾ ആദ്യം തങ്ങളുടെ ബിരുദ സർട്ടിഫിക്കറ്റ് അല്ലെങ്കിൽ ഡിപ്ലോമ സർട്ടിഫിക്കറ്റ് സമർപ്പിച്ചുകൊണ്ട് എം എച്ച് ആർ ഡി എൻ എ ടി എസ് പോർട്ടലിൽ എൻറോൾ ചെയ്യണം.
ഘട്ടം 2: രജിസ്‌ട്രേഷൻ പ്രക്രിയ പൂർത്തിയാക്കിയാൽ നിങ്ങൾക്ക് ഒരു എൻറോൾമെൻറ് നമ്പർ ലഭിക്കും. അപേക്ഷകർ ഈ എൻറോൾമെൻറ് നമ്പർ സൂക്ഷിച്ചു വെച്ച് ഐ എസ് ആർ ഒ തൊഴിൽ പരിശീലനത്തിനുള്ള അപേക്ഷാ ഫോം പൂരിപ്പിക്കുക.
ഘട്ടം 3: ആവശ്യമായ എല്ലാ വിശദാംശങ്ങളും നൽകിയ ശേഷം ഉദ്യോഗാർത്ഥികൾ അപേക്ഷാ ഫോമിന്റെ പ്രിന്റൗട്ട് എടുക്കണം.
ഘട്ടം 4: അപേക്ഷാ ഫോം പൂരിപ്പിച്ചതിന് ശേഷം അത് സ്കാൻ ചെയ്ത് hqapprentice@isro.gov.in എന്ന ഈ-മെയിൽ വിലാസത്തിൽ അയയ്ക്കുക. മെയിലിന്റെ സബ്ജക്റ്റ് ആയി “Application for the Apprenticeship Category” എന്ന് നൽകുക. ജൂലൈ 22-ന് മുമ്പ് അപേക്ഷ അയയ്ക്കണം.

ആവശ്യമായ രേഖകൾക്കൊപ്പം പി ഡി എഫ് ഫോർമാറ്റിലാണ് ഈ അപേക്ഷാ ഫോം അയക്കേണ്ടത്. മെറിറ്റ് പ്രകാരം പിന്നീട് ചുരുക്കപ്പട്ടിക പ്രസിദ്ധീകരിക്കും. ചുരുക്കപ്പട്ടികയിൽ ഉൾപ്പെട്ട ഉദ്യോഗാർത്ഥികൾക്ക് അടുത്ത നടപടിക്രമങ്ങൾ സംബന്ധിച്ച വിവരങ്ങൾ ഈ-മെയിലിലൂടെ ലഭിക്കും.
Published by: Jayesh Krishnan
First published: July 5, 2021, 2:55 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories