Kerala Plus Two Result 2021| പ്ലസ് ടുവിനും റെക്കോർഡ് വിജയം- 87.94%; എ പ്ലസുകാരുടെ എണ്ണത്തിലും വർധന

സർക്കാർ സ്​കൂളിൽ പരീക്ഷയെഴുതിയ 1,58,380 പേരിൽ 1,34,655 പേർ ഉന്നതപഠനത്തിന്​ യോഗ്യത നേടി. അതായത്​ 85.02 ശതമാനം വിജയം.

Plus Two Result

Plus Two Result

  • Share this:
    തിരുവനന്തപുരം: എസ്എസ്എൽസിക്ക് പിന്നാലെ പ്ലസ് ടുവിനും റെക്കോർ‍ഡ് വിജയം. പരീക്ഷ എഴുതിയ 87.94 ശതമാനം കുട്ടികളും ഇത്തവണ വിജയിച്ചു. വിദ്യാഭ്യാസ മന്ത്രി വി ശിവൻകുട്ടിയാണ്​ ര​​ണ്ടാം വ​​ർ​​ഷ ഹ​​യ​​ർ​​സെ​​ക്ക​​ൻ​​ഡ​​റി, വി എ​​ച്ച് ​​എ​​സ് ​ഇ പ​രീ​​ക്ഷാ​​ഫ​​ലം പ്രഖ്യാപിച്ചത്​. മു​​ഴു​​വ​​ൻ മാ​​ർ​​ക്ക്​ നേ​​ടി​​യ​​വ​​രു​​ടെ​​യും മു​​ഴു​​വ​​ൻ വി​​ഷ​​യ​​ത്തി​​ലും എ ​​പ്ല​​സ്​ നേ​​ടി​​യ​​വ​​രു​​ടെ​​യും എ​​ണ്ണ​​ത്തി​​ലും വർധനവുണ്ട്​. കഴിഞ്ഞ വർഷത്തെ വിജയ ശതമാനം 85.13 ആയിരുന്നു.

    റെഗുലർ വിഭാഗത്തിൽ നിന്ന്​ 3,28,702 പേർ ഉന്നത പഠനത്തിന്​ യോഗ്യത നേടിയപ്പോൾ ഓപ്പൺ സ്​കൂളിൽ നിന്ന്​ 25,292 പേരാണ്​ ഉന്നത പഠനത്തിന്​ യോഗ്യത നേടിയത്​. വിജയശതമാനം 53 ശതമാനം. സയൻസ്​ വിഭാഗത്തിൽ 1,59,988 പേരാണ്​ ഉന്നത പഠനത്തിന്​ യോഗ്യത നേടിയത്​. 90.52 ശതമാനം വിജയം. ഹ്യൂമാനിറ്റീസിൽ 63,814 പേർ ഉന്നതപഠനത്തിന്​ അർഹരായി. വിജയ ശതമാനം 80.04 ശതമാനം. കൊമേഴ്​സിൽ 1,40,930 പേരാണ്​ ഉന്നത പഠനത്തിനർഹരായത്​. 89.13 ശതമാനം. ടെക്​നിക്കൽ വിഭാഗത്തിൽ 1011 പേരാണ്​ ഉപരിപഠനത്തിന് അർഹരായത്​. 84.39 ശതമാനം. ആർട്ട്​ വിഭാഗത്തിൽ 67 പേർ യോഗ്യത നേടി.89.33 ശതമാനം.

    സർക്കാർ സ്​കൂളിൽ പരീക്ഷയെഴുതിയ 1,58,380 പേരിൽ 1,34,655 പേർ ഉന്നതപഠനത്തിന്​ യോഗ്യത നേടി. അതായത്​ 85.02 ശതമാനം വിജയം. എയ്​ഡഡ്​ സ്​കൂളിൽ പരീക്ഷയെഴുതിയ 1,91,843 പേർ പരീക്ഷയെഴുതിയതിൽ യോഗ്യത നേടിയത്​ 1,73,361 പേർ യോഗ്യത നേടി. അതായത്​ 90.37 ശതമാനം വിജയം.

    അൺഎയ്​ഡഡ്​ മേഖലയിൽ പരീക്ഷയെഴുതിയ 23,358 പേർ പരീക്ഷയെഴുതിയതിൽ 20,479 പേർ യോഗ്യത നേടി. 87.67 ശതമാനം വിജയം. സ്​പെഷൽ സ്​കൂളിൽ പരീക്ഷയെഴുതിയ 207 പേരും ജയിച്ചതോടെ 100 ശതമാനം വിജയമാണ്​ കൈവരിച്ചത്​.
    കോവിഡിനെ തുടർന്നുണ്ടായ പ്രതിസന്ധികൾക്കിടയിലും 4,46,471 വിദ്യാർഥികളാണ്​ ഈ വർഷം​ പ​​രീ​​ക്ഷ​​യെ​​ഴു​​തി​​യ​​ത്.

    11 സർക്കാർ സ്കൂളുകൾ ഉൾപ്പെടെ 136 സ്കൂളുകൾ 100 ശതമാനം വിജയം നേടി. 48,383 വിദ്യാർഥികൾക്ക് എല്ലാ വിഷയങ്ങൾക്കും എ പ്ലസ് ലഭിച്ചു. വിജയശതമാനം കൂടുതൽ എറണാകുളം ജില്ലയിൽ - 91.11%. കുറവ് വിജയശതമാനം കുറവ് പത്തനംതിട്ട ജില്ലയിൽ- 82.53%.

    ഫ​​ല​​മ​​റി​​യാ​​വു​​ന്ന വെ​​ബ്​​​സൈ​​റ്റു​​ക​​ൾ: (നാലു മണിമുതൽ ഫലം അറിയാം)

    www.keralaresults.nic.in,

    www.dhsekerala.gov.in

    www.prd.kerala.gov.in

    www.results.kite.kerala.gov.in

    www.kerala.gov.in

    മൊ​​ബൈ​​ൽ ആ​​പ്ലി​​ക്കേ​​ഷ​​നു​​ക​​ൾ: Saphalam2021, iExaMs-Kerala

    ജൂലൈ 15ന് പ്രാക്ടിക്കൽ തീർന്ന് 15 ദിവസത്തിനുള്ളിലാണ് ഫലപ്രഖ്യാപനം വരുന്നത്. തിയറി പരീക്ഷയും പ്രാക്ടിക്കലും വൈകിയെങ്കിലും ഉത്തരക്കടലാസ് മൂല്യനിർണയത്തോടൊപ്പം ടാബുലേഷനും അതതു സ്കൂളുകളിൽനിന്നും ചെയ്തതാണു ഫലം പ്രസിദ്ധീകരിക്കുന്ന നടപടികൾ വേഗത്തിലാക്കിയത്.

    20 % സീറ്റ് വർധിപ്പിക്കും

    വടക്കൻ ജില്ലകളിൽ പ്ലസ് ടുവിന് 20 ശതമാനം സീറ്റുകൾ വർധിപ്പിക്കുമെന്ന് വിദ്യാഭ്യാസ മന്ത്രി വി ശിവൻകുട്ടി പറഞ്ഞു. ത-ശൂർ മുതൽ തിരുവനന്തപുരം വരെയുള്ള ജില്ലകളിൽ 10 ശതമാനം സീറ്റ് വർധിപ്പിക്കുമെന്നും മന്ത്രി അറിയിച്ചു.  പ്ലസ് വൺ പ്രവേശനം ഓഗസ്റ്റ് ആദ്യവാരം ആരംഭിക്കുമെന്നും മന്ത്രി അറിയിച്ചു.
    Published by:Rajesh V
    First published:
    )}