Career ടിടിസിക്കാരെ പിഎസ് സി വിളിക്കുന്നു

എൽപി, യുപി മലയാളം മീഡിയം സ്കൂളുകളിൽ അധ്യാപകരാകാൻ അവസരം. ഇതിനായി പിഎസ് സി വിജ്ഞാപനം ക്ഷണിച്ചു. 25,200-54,000 രൂപയാണ് ശമ്പളം.

www.keralapsc.gov.in എന്ന വെബ്സൈറ്റിൽ ഒറ്റത്തവണ രജിസ്ട്രേഷൻ രീതിയിൽ ഓൺലൈനായി അപേക്ഷിക്കണം. ഫെബ്രുവരി അഞ്ചാണ് അവസാന തീയതി.

also read:Career ഏഴാംക്ലാസ് പാസായവർക്ക് ലാസ്റ്റ് ഗ്രേഡ് സർവന്റ് ആകാം

• യോഗ്യത
  കേരള ഗവൺമെന്റ് പരീക്ഷ കമ്മീഷ്ണർ നടത്തുന്ന എസ്എസ്എൽസിയോ തത്തുല്യമായ പരീക്ഷയോ പാസായിരിക്കണം. അല്ലെങ്കിൽ കേരളത്തിലെ ഏതെങ്കിലും യൂണിവേഴ്സിറ്റി നൽകിയതോ അംഗീകരിച്ചതോ ആയ്രീഡിഗ്രി പരീക്ഷയോ തത്തുല്യമായ പരീക്ഷയോ പാസായിരിക്കണം. അല്ലെങ്കിൽ കേരളത്തിലെ ഹയർസെക്കൻഡറി പരീക്ഷ ബോര്‍ഡ് നൽകിയതോ അംഗീകരിച്ചതോ ആയ ഹയർസെക്കൻഡറി പരീക്ഷയോ തത്തുല്യമായ പരീക്ഷയോ പാസായിരിക്കണം.


• കേരളാ ഗവൺമെന്റ് പരീക്ഷ കമ്മീഷ്ണർ നടത്തുന്ന ടിടിസി പരീക്ഷ പാസായിരിക്കണം.


• കേരള സർക്കാർ ഈ തസ്തികയിൽ നടത്തുന്ന കേരള ടീച്ചർ എലിജിബിലിററി ടെസ്റ്റ്(കെ.ടെറ്റ്)പാസായിരിക്കണം. ബന്ധപ്പെട്ട വിഷയത്തിൽ സിടെറ്റ്/നെറ്റ്/സൈറ്റ്/എംഫിൽ/പിഎച്ച്ഡി/എംഎഡ് നേടിയിട്ടുള്ളവരെ ഈ വ്യവസ്ഥയിൽ നിന്ന് ഒഴിവാക്കിയിട്ടുണ്ട്.


• യുപി അധ്യാപകരാകാൻ ടിടിസിയോ അല്ലെങ്കിൽ കേരള സർവകലാശാല അംഗീകരിച്ചിട്ടുള്ള ഏതെങ്കിലും വിഷയത്തിൽ ബിരുദവും കൂടാതെ ബിഎഡ്/ബിടി/എൽടി യോഗ്യതയും നേടിയിരിക്കണം.