• HOME
  • »
  • NEWS
  • »
  • career
  • »
  • Wiproയിൽ ബിരുദധാരികൾക്ക് തൊഴിലവസരം; അപേക്ഷിക്കേണ്ടത് എങ്ങനെ?

Wiproയിൽ ബിരുദധാരികൾക്ക് തൊഴിലവസരം; അപേക്ഷിക്കേണ്ടത് എങ്ങനെ?

വിപ്രോയുടെ ഔദ്യോഗിക വെബ്‌സൈറ്റായ wipro.com വഴിയാണ് ഉദ്യോഗാർത്ഥികൾ അപേക്ഷിക്കേണ്ടത്

  • Share this:
    ഇന്ത്യൻ സോഫ്റ്റ്‌വെയർ മേഖലയിലെ ഭീമനായ വിപ്രോ (Wipro) വിവിധ തസ്തികകളിലേക്കായി ബിരുദധാരികളിൽ നിന്ന് അപേക്ഷ ക്ഷണിച്ചു. വിപ്രോയുടെ ഔദ്യോഗിക വെബ്‌സൈറ്റായ wipro.com വഴിയാണ് ഉദ്യോഗാർത്ഥികൾ അപേക്ഷിക്കേണ്ടത്. ഗ്രാജുവേറ്റ് എഞ്ചിനീയർ ട്രെയ്നി, സർവീസ് ഡെസ്ക് അനലിസ്റ്റ്, ഡെവലപ്പർ തസ്തികകളിലാണ് ഒഴിവുകളുള്ളത്. ഇത് സംബന്ധിച്ച് പ്രസിദ്ധീകരിച്ച വിജ്ഞാപനത്തിൽ അപേക്ഷിക്കേണ്ട അവസാന തീയതിയെക്കുറിച്ച് പരാമർശിച്ചിട്ടില്ല. എത്രയും വേഗം ഉദ്യോഗാർത്ഥികൾ അപേക്ഷിക്കുകയാണ് അഭികാമ്യം.

    വിപ്രോ റിക്രൂട്ട്മെന്റ് 2022: യോഗ്യതാ മാനദണ്ഡം

    ഗ്രാജുവേറ്റ് എഞ്ചിനീയർ ട്രെയ്നി തസ്തികയിലേക്ക്, ബന്ധപ്പെട്ട വിഷയത്തിൽ ബിരുദമുള്ള ഉദ്യോഗാർത്ഥികൾക്ക് അപേക്ഷിക്കാം. പ്രവൃത്തി പരിചയമുള്ളവർക്കും തുടക്കക്കാർക്കും അപേക്ഷിക്കാവുന്നതാണ്. ഏത് വിഷയത്തിലും ബിരുദമുള്ളവർക്ക് സർവീസ് ഡെസ്ക് അനലിസ്റ്റ് തസ്തികയിലേക്ക് അപേക്ഷിക്കാം. ഡെവലപ്പർ തസ്തികയിലേക്ക് അപേക്ഷിക്കുന്നവർക്ക് കമ്പ്യൂട്ടർ സയൻസിലോ ബന്ധപ്പെട്ട മറ്റേതെങ്കിലും വിഷയത്തിലോ ബിരുദം ഉണ്ടായിരിക്കണം. ഈ തസ്തികയിലും തുടക്കക്കാർക്കും പ്രവൃത്തി പരിചയം ഉള്ളവർക്കും അപേക്ഷിക്കാവുന്നതാണെന്ന് ടെക്ക്ഗിഗ് റിപ്പോർട്ട് ചെയ്യുന്നു.

    വിപ്രോ റിക്രൂട്ട്മെന്റ് 2022: അപേക്ഷിക്കേണ്ടത് എങ്ങനെ?

    ഘട്ടം 1: വിപ്രോയുടെ ഔദ്യോഗിക വെബ്‌സൈറ്റ് സന്ദർശിച്ച് കരിയർ പേജിലേക്ക് പോവുക.
    ഘട്ടം 2: തുടർന്ന് സെർച്ച് ബാറിൽ തസ്തികയുടെ പേരും ജോബ് ലൊക്കേഷനുംനൽകി തിരയുക.
    ഘട്ടം 3: തുറന്നു വരുന്ന ലിസ്റ്റിൽ നിന്ന് നിങ്ങൾക്ക് വേണ്ട ജോലി തിരഞ്ഞെടുക്കുക. തുടർന്ന് 'അപ്ലൈ' ബട്ടൺ ക്ലിക്ക് ചെയ്യുക.
    ഘട്ടം 4: നിങ്ങളുടെ വിശദാംശങ്ങൾ നൽകി അപേക്ഷാ ഫോം പൂരിപ്പിക്കുക.
    ഘട്ടം 5: ഭാവിയിലെ ഉപയോഗത്തിനായി അപേക്ഷാ ഫോം ഡൗൺലോഡ് ചെയ്ത് സൂക്ഷിക്കുക.

    ഗ്രാജുവേറ്റ് എഞ്ചിനീയർ ട്രെയ്നി തസ്തികയ്ക്ക് ജോബ് ലൊക്കേഷൻ നോയ്ഡ ആണ്. സർവീസ് ഡെസ്ക് അനലിസ്റ്റ്, ഡെവലപ്പർ തസ്തികകളുടെ ജോബ് ലൊക്കേഷൻ യഥാക്രമം പൂനെയും ഗുരുഗ്രാമുമാണ്.

    അതേസമയം, റിസര്‍വ് ബാങ്ക് ഓഫ് ഇന്ത്യ (RBI) വിവിധ വകുപ്പുകളില്‍ ഗ്രേഡ്-ബി ഓഫീസര്‍മാരുടെ (Grade-B Officers) റിക്രൂട്ട്മെന്റിന് അപേക്ഷ ക്ഷണിച്ചുകൊണ്ട് വിജ്ഞാപനം പുറത്തിറക്കിയിട്ടുണ്ട്. താല്‍പ്പര്യമുള്ള ഉദ്യോഗാര്‍ത്ഥികള്‍ക്ക് ആര്‍ബിഐയുടെ ഔദ്യോഗിക വെബ്സൈറ്റായ www.rbi.org.in സന്ദര്‍ശിച്ച് മാര്‍ച്ച് 28 മുതല്‍ ഏപ്രില്‍ 18 (വൈകുന്നേരം 6 മണി) വരെ അപേക്ഷിക്കാമെന്ന് വിജ്ഞാപനത്തില്‍ അറിയിക്കുന്നു. അപേക്ഷ പൂരിപ്പിക്കുന്നതും ഫീസടക്കുന്നതും ഓണ്‍ലൈൻ വഴി ആയിരിക്കും. ജനറല്‍, ഡിപ്പാര്‍ട്ട്മെന്റ് ഓഫ് ഇക്കണോമിക് ആന്‍ഡ് പോളിസി റിസര്‍ച്ച് (ഡിഇപിആര്‍), ഡിപ്പാര്‍ട്ട്മെന്റ് ഓഫ് സ്റ്റാറ്റിസ്റ്റിക്സ് ആന്‍ഡ് ഇന്‍ഫര്‍മേഷന്‍ മാനേജ്മെന്റ് (ഡിഎസ്‌ഐഎം) എന്നിങ്ങനെ മൂന്ന് വിഭാഗങ്ങളിലായി ആകെ 294 ഒഴിവുകളാണ് ഉള്ളത്. ഓഫീസര്‍ ഗ്രേഡ് ബി (ജനറല്‍) വിഭാഗത്തില്‍ ഒഴിവുകളുടെ എണ്ണം 238 ആണ്. ഓഫീസര്‍ ഗ്രേഡ് ബി (ഡിഇപിആര്‍) വിഭാഗത്തില്‍ ഒഴിവുകളുടെ എണ്ണം 31 ആണ്. ഓഫീസര്‍ ഗ്രേഡ് ബി (ഡിഎസ്‌ഐഎം) വിഭാഗത്തില്‍ ഒഴിവുകളുടെ എണ്ണം 25 ആണെന്നും വിജ്ഞാപനത്തില്‍ പറയുന്നു.
    Published by:Arun krishna
    First published: