Covid 19 | ബോളിവുഡ് താരം ആമിർ ഖാന്‍റെ ജീവനക്കാര്‍ക്ക് രോഗം സ്ഥിരീകരിച്ചു; താനും കുടുംബവും നെഗറ്റീവെന്ന് താരം

താനും കുടുംബവും കോവിഡ് പരിശോധന നടത്തിയെന്നും നെഗറ്റീവ് ആയിരുന്നു ഫലമെന്ന വിവരവും താരം ആരാധകരുമായി പങ്കുവച്ചിട്ടുണ്ട്.

News18 Malayalam | news18-malayalam
Updated: June 30, 2020, 2:57 PM IST
Covid 19 | ബോളിവുഡ് താരം ആമിർ ഖാന്‍റെ ജീവനക്കാര്‍ക്ക് രോഗം സ്ഥിരീകരിച്ചു; താനും കുടുംബവും നെഗറ്റീവെന്ന് താരം
Aamir Khan
  • Share this:
മുംബൈ: തന്‍റെ ജീവനക്കാർക്ക് കോവിഡ് 19 സ്ഥിരീകരിച്ചുവെന്ന വിവരം പുറത്തുവിട്ട് ബോളിവുഡ് താരം ആമിർ ഖാൻ. സോഷ്യൽ മീ‍ഡിയ അക്കൗണ്ട് വഴി പുറത്തുവിട്ട പ്രസ്താവനയിലാണ് തന്‍റെ സ്റ്റാഫ് അംഗങ്ങൾക്ക് കോവിഡ് സ്ഥീരീകരിച്ച കാര്യം ആമിർ അറിയിച്ചത്. താനും കുടുംബവും കോവിഡ് പരിശോധന നടത്തിയെന്നും നെഗറ്റീവ് ആയിരുന്നു ഫലമെന്ന വിവരവും താരം ആരാധകരുമായി പങ്കുവച്ചിട്ടുണ്ട്.

ജീവനക്കാർക്ക് രോഗം സ്ഥിരീകരിച്ച ഉടൻ തന്നെ അവരെ ക്വറന്‍റീൻ ചെയ്തിരുന്നു. വളരെ പെട്ടെന്ന് തന്നെ ഇടപെട്ട മുംബൈ മുൻസിപ്പൽ കോർപ്പറേഷൻ അധികൃതർ അവരെ മെഡിക്കൽ സെന്‍ററുകളിലേക്ക് മാറ്റിയെന്നും താരം കുറിച്ചു.

TRENDING:TikTok Ban | ടിക് ടോക് സൃഷ്ടിച്ച താരം; ടിക് ടോക്കിനോട് ബൈ പറഞ്ഞ് ഫുക്രു [NEWS]ഹൃദയഭേദകം ഈ കാഴ്ച; മരിച്ച ഒരുവയസുകാരന്‍റെ ശരീരം നെഞ്ചോടു ചേർത്ത് പിതാവ്; ചികിത്സ വൈകിച്ചെന്ന് ആരോപണം [NEWS]Shocking | മാസ്ക് ധരിക്കാത്തത് ചോദ്യം ചെയ്തു; ഭിന്നശേഷിക്കാരിക്ക് ഓഫീസിനുള്ളിൽ ക്രൂരമർദ്ദനം [NEWS]
ആമിറിന്‍റെ പ്രസ്താവന: എന്‍റെ ജീവനക്കാരിൽ കുറച്ച് പേർക്ക് കോവിഡ് സ്ഥിരീകരിച്ചു. വളരെ പെട്ടെന്ന് തന്നെ ക്വറന്‍റീന്‍ ചെയ്യുകയും ബിഎംസി അധികൃതർ ദ്രുതനടപടികൾ സ്വീകരിച്ച് ആരോഗ്യകേന്ദ്രങ്ങളിലേക്ക് മാറ്റുകയും ചെയ്തു. അവരുടെ കാര്യങ്ങൾക്ക് മതിയായ ശ്രദ്ധ കൊടുത്തതിനും, ഈ സൊസൈറ്റി അണുവിമുക്തമാക്കാനുള്ള നടപടികൾ സ്വീകരിച്ചതിനും
ബിഎംസി ജീവനക്കാരോട് ഞാൻ നന്ദി അറിയിക്കുകയാണ്.

ഇവിടെ ബാക്കിയുള്ളവരുടെയെല്ലാം പരിശോധനഫലം നെഗറ്റീവാണ്. ഇപ്പോൾ എന്‍റെ അമ്മയെ പരിശോധനയ്ക്കായി കൊണ്ടു പോവുകയാണ്.. കൂട്ടത്തിൽ അമ്മയുടെ പരിശോധനമാത്രമാണ് ഇനി ബാക്കിയുള്ളത്.. അതും നെഗറ്റീവ് ആകാൻ എല്ലാവരും പ്രാർഥിക്കണം..

ഞങ്ങളെ സഹായിക്കാൻ സമയോചിതമായി ഇടപ്പെട്ട ബിഎംസി അധികൃതരോടുള്ള നന്ദി ഒരിക്കൽ കൂടി അറിയിക്കുകയാണ്.. പിന്നെ പരിശോധന നടപടികളിൽ അവർ കാണിച്ച കരുതലിനും ശ്രദ്ധയ്ക്കും കോകിലബെൻ ആശുപത്രിയിലെ ഡോക്ടർമാർക്കും നഴ്സുമാര്‍ക്കും മറ്റ് സ്റ്റാഫ് അംഗങ്ങൾക്കും നന്ദി.



രാജ്യത്ത് കോവിഡ് രൂക്ഷമായി ബാധിച്ച സംസ്ഥാനങ്ങളിലൊന്നാണ് മഹാരാഷ്ട്ര. അവിടെ മുംബൈയിലാണ് രോഗികൾ കൂടുതലായി റിപ്പോർട്ട് ചെയ്യപ്പെടുന്നത്. പല പ്രമുഖ താരങ്ങളും താമസിക്കുന്ന സ്ഥലങ്ങളിൽ നിന്നും കോവിഡ് കേസുകൾ നേരത്തെയും റിപ്പോർട്ട് ചെയ്യപ്പെട്ടിട്ടുണ്ട്.

 
First published: June 30, 2020, 2:57 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading