HOME » NEWS » Corona » CASE AGAINST TWO FOR NOT KEEPING SOCIAL DISTANCE IN ERUMELY

വാർപ്പ് പിടിച്ചപ്പോൾ അകലം പാലിക്കാത്തതിന് രണ്ടുപേർക്കെതിരെ കേസ്

വാർപ്പ് പിടിച്ചതിന് കേസെടുത്ത സംഭവം വിവാദമായിട്ടുണ്ട്. ഒരു വാർപ്പിന്‍റെ രണ്ടു വശത്തായി രണ്ടുപേർ ചേർന്ന് പിടിക്കുമ്പോൾ എങ്ങനെയാണ് അകലം പാലിക്കുന്നതെന്ന് ഇവർ ചോദിക്കുന്നു.

News18 Malayalam | news18-malayalam
Updated: June 5, 2021, 7:37 PM IST
വാർപ്പ് പിടിച്ചപ്പോൾ അകലം പാലിക്കാത്തതിന് രണ്ടുപേർക്കെതിരെ കേസ്
News18 Malayalam
  • Share this:
കോട്ടയം: എരുമേലി സിഎഫ്എൽടിസിയിലേക്കുള്ള ഭക്ഷണം വാർപ്പിലാക്കി വാഹനത്തിൽ കയറ്റിയപ്പോൾ അകലം പാലിക്കാതിരുന്നതിന് രണ്ടു പേർക്കെതിരെ കേസ്. എരുമേലി കെ എസ് ആർ ടി സിക്കു സമീപം പ്രവർത്തിക്കുന്ന രാജാ ഹോട്ടലിന് മുന്നിലായിരുന്നു സംഭവം. രാവിലത്തെ ഭക്ഷണമായ ചപ്പാത്തിയും മുട്ടക്കറിയും അടങ്ങുന്ന വാർപ്പ് രണ്ടു പേർ ചേർന്ന് വാഹനത്തിലേക്ക് കയറ്റികയായിരുന്നു. ഇതു കണ്ടു അതുവഴി വന്ന എരുമേലി എസ്എച്ചഒ ഇവർക്കെതിരെ കേസെടുക്കുകയായിരുന്നു.

അതേസമയം വാർപ്പ് പിടിച്ചതിന് കേസെടുത്ത സംഭവം വിവാദമായിട്ടുണ്ട്. ഒരു വാർപ്പിന്‍റെ രണ്ടു വശത്തായി രണ്ടുപേർ ചേർന്ന് പിടിക്കുമ്പോൾ എങ്ങനെയാണ് അകലം പാലിക്കുന്നതെന്ന് ഇവർ ചോദിക്കുന്നു. ഇക്കാര്യം പൊലീസിനോട് ആരാഞ്ഞെങ്കിലും കേസെടുക്കാനുള്ള തീരുമാനത്തിൽനിന്ന് അവർ പിൻവാങ്ങിയില്ല.

ഇതോടെ മുഖ്യമന്ത്രി, മനുഷ്യാവകാശ കമ്മീഷൻ, ജില്ലാ കളക്ടർ, ജില്ലാ പൊലീസ് മേധാവി എന്നിവർക്ക് പരാതി നൽകി. എന്നാൽ സംഭവം വിവാദമായതോടെ, വാർപ്പ് പിടിച്ചതിനല്ല, ഹോട്ടലിന് മുന്നിൽ കൂട്ടം കൂടി നിന്നതിനാണ് കേസെടുത്തതെന്നാണ് പൊലീസ് നൽകുന്ന വിശദീകരണം.

എരുമേലി സിഎഫ്എൽടിസിയിൽ 85 പേരാണ് നിലവിൽ കോവിഡ് ബാധിച്ചു ചികിത്സയിലുള്ളത്. ഇവർക്കുള്ള ഭക്ഷണമാണ് വാർപ്പിലാക്കി, വാഹനത്തിലേക്ക് കയറ്റാൻ ശ്രമിച്ചത്. അതിനിടെയാണ് അതുവഴി വന്ന പൊലീസ്, വാർപ്പ് പിടിച്ചവർക്കെതിരെ കേസെടുത്തത്.

മറ്റൊരു സംഭവത്തിൽ കോവിഡ് മാനദണ്ഡം ലംഘിച്ചത് ചോദ്യം ചെയ്തതിന് കൊച്ചി പള്ളുരുത്തിയിൽ പൊലീസ് സബ് ഇൻസ്പെക്ടറെ ആക്രമിച്ചു. പള്ളുരുത്തി എസ്.ഐ വൈ. ദീപുവാണ് അക്രമിക്കപ്പെട്ടത്. സംഭവവുമായി ബന്ധപ്പെട്ട് പള്ളുരുത്തി സ്വദേശി റിന്‍ഷാദിനെ(21) പൊലീസ് പിടികൂടി. ഇയാളെ പിന്നീട് അറസ്റ്റു രേഖപ്പെടുത്തി റിമാൻഡ് ചെയ്തു.

ഇക്കഴിഞ്ഞ വ്യാഴാഴ്ച രാത്രി ഏഴ് മണിയോടെ പള്ളുരുത്തി തങ്ങള്‍ നഗറിലാണ് കേസിന് ആസ്പദമായ സംഭവം ഉണ്ടായത്. റിന്‍ഷാദ് ഉള്‍പ്പെടെ മൂന്ന് പേര്‍ മാസ്ക് ധരിക്കാതെ നടന്നു വരുന്നതിനിടെയാണ് പെട്രോളിങിലായിരുന്ന പൊലീസ് സംഘം അവിടേക്ക് എത്തിയത്. എന്നാൽ പൊലീസിനെ കണ്ടതോടെ റിൻഷാദിനൊപ്പം ഉണ്ടായിരുന്ന രണ്ട് പേര്‍ ഓടി രക്ഷപ്പെട്ടു.

Also Read-Covid 19 | വണ്ടല്ലൂര്‍ സുവോളജിക്കല്‍ പാര്‍ക്കില്‍ 9 സിംഹങ്ങള്‍ക്ക് കോവിഡ് സ്ഥിരീകരിച്ചു; ഒരു സിംഹം ചത്തു
 ഇതോടെ റിൻഷാദിന് അടുത്ത് ജീപ്പ് നിർത്തിയ പൊലീസ് സംഘം മാസ്ക്ക് ധരിക്കാത്തതിന് പിഴ ഒടുക്കണമെന്ന് ആവശ്യപ്പെട്ടു. എസ്.ഐ ദീപുവാണ് ഇക്കാര്യം റിൻഷാദിനോട് പറഞ്ഞത്. എന്നാൽ പിഴ ഒടുക്കില്ലെന്നു പറഞ്ഞ റിൻഷാദ്, എസ്.ഐയ്ക്കു നേരെ അസഭ്യവർഷം നടത്തുകയും തട്ടിക്കയറുകയും ചെയ്തു. ഇതോടെ റിൻഷാദിനെ കസ്റ്റഡിയിലെടുക്കാനായി പുറത്തിറങ്ങിയ എസ്.ഐയെ ഇയാൾ ആക്രമിക്കുകയായിരുന്നു. തുടർന്ന് മറ്റു പൊലീസുകാരും ഓടിയെത്തി, ഇയാളെ ബലം പ്രയോഗിച്ചു കസ്റ്റഡിയിലെടുക്കുകയായിരുന്നു. റിൻഷാദിന്‍റെ ഇടിയേറ്റ എസ്.ഐ പിന്നീട് ആശുപത്രിയിൽ പ്രവേശിച്ചു ചികിത്സ തേടി.

ഔദ്യോഗിക കൃത്യനിർവ്വഹണം തടസപ്പെടുത്തിയതിനും കോവിഡ് മാനദണ്ഡം ലംഘിച്ചതിനും റിൻഷാദിനെതിരെ വിവിധ വകുപ്പുകൾ ചുമത്തിയാണ് പൊലീസ് കേസെടുത്തത്. ഇയാളെ പിന്നീട് കോടതിയിൽ ഹാജരാക്കുകയും 14 ദിവസത്തേക്ക് ജുഡീഷ്യൽ കസ്റ്റഡിയിൽ വിടുകയുമായിരുന്നു.
Published by: Anuraj GR
First published: June 5, 2021, 7:37 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories