• HOME
  • »
  • NEWS
  • »
  • coronavirus-latest-news
  • »
  • Covid 19 to Film Crew member | പൃഥ്വിരാജിനൊപ്പം ജോർദാനിൽ നിന്നും മടങ്ങിയെത്തിയ ഭാഷാ സഹായിക്ക് കോവിഡ്

Covid 19 to Film Crew member | പൃഥ്വിരാജിനൊപ്പം ജോർദാനിൽ നിന്നും മടങ്ങിയെത്തിയ ഭാഷാ സഹായിക്ക് കോവിഡ്

നടൻ പൃഥ്വിരാജ് ഉൾപ്പെടെയുള്ളവർക്കൊപ്പം ജോർദാനിൽ നിന്നും മെയ് 22 നാണ് ഇയാൾ നാട്ടിലെത്തിയത്.

News18

News18

  • Last Updated :
  • Share this:
    മലപ്പുറം: ആടു ജീവിതം സിനിമാ സംഘത്തോടൊപ്പം ജോർദാനിൽ നിന്നും മടങ്ങിയെത്തിയ മലപ്പുറം സ്വദേശിക്ക് കോവിഡ് സ്ഥിരീകരിച്ചു. രോഗം സ്ഥിരീകരിച്ചതിനെ തുടർന്ന് ഇയാളെ മഞ്ചേരി മെഡിക്കൽ കോളജിലേക്ക് മാറ്റി.

    നടൻ പൃഥ്വിരാജ് ഉൾപ്പെടെയുള്ളവർക്കൊപ്പം ജോർദാനിൽ നിന്നും മെയ് 22 നാണ് ഇയാൾ നാട്ടിലെത്തിയത്. ആടു ജീവിതം സിനിമാ സംഘത്തോടൊപ്പം ഭാഷാ സഹായിയാണ് ഇയാൾ ജോർദാനിലേക്ക് പോയത്.

    നട‌ൻ പൃഥിരാജിന്റെ കോവിഡ് ടെസ്റ്റ് ഫലം നെഗറ്റീവാണ്. ഇക്കാര്യം താരം തന്നെ സമൂഹമാധ്യമങ്ങളിലൂടെ ആരാധകരുമായി പങ്കുവച്ചിരുന്നു. ഫലം നെഗറ്റീവാണെങ്കിലും വീട്ടിലെ ക്വാറന്റീന്‍ പൂർത്തീകരിക്കുമെന്നും പൃഥ്വി വ്യക്തമാക്കിയിരുന്നു.
    TRENDING:Covid 19: സംസ്ഥാനത്ത് ഇന്ന് 82 പേര്‍ക്ക് കോവിഡ് സ്ഥിരീകരിച്ചു; രോഗമുക്തരായത് 24 പേര്‍ [NEWS]Good News Prithviraj| കോവിഡ് പരിശോധന ഫലം പരസ്യപ്പെടുത്തി പൃഥ്വിരാജ് [NEWS]എല്ലാം സെർച്ചിനും ഉത്തരമില്ല; പ്രശ്നമുണ്ടെന്ന് സ്ഥിരീകരിച്ച് ഗൂഗിൾ [NEWS]
    ഇക്കഴിഞ്ഞ മെയ് 22 ന് നാട്ടിലെത്തിയ പൃഥ്വി ഏഴ് ദിവസത്തെ സർക്കാർ നിരീക്ഷണത്തിലുള്ള ക്വാറന്റീന്‍ അവസാനിപ്പിച്ച് മെയ് 29-ന് വീട്ടിലേക്ക് മടങ്ങിയിരുന്നു.

    എയർ ഇന്ത്യയുടെ പ്രത്യേക വിമാനത്തിലാണ് ആട് ജീവിതം ഷൂട്ടിംഗ് സംഘത്തെ നാട്ടിലെത്തിച്ചത്. നാട്ടിലെത്തിച്ച ശേഷം ഇവർ ഫോർട്ട് കൊച്ചിയിലെ ഹോട്ടലിൽ നിരീക്ഷണത്തിൽ കഴിയുകയായിരുന്നു. ബ്ലെസി സംവിധാനം ചെയ്യുന്ന ആടുജീവിതത്തിന്റെ ചിത്രീകരണവുമായി ബന്ധപ്പെട്ടാണ് 58 പേരടങ്ങുന്ന സംഘമാണ് ലോക് ഡൗണിനെ തുടർന്ന് ജോർദ്ദാനിൽ കുടുങ്ങിപ്പോയത്.

    ഇതിനിടെ  ഷൂട്ടിങ് അനുമതിയും ജോർദാൻ സർക്കാർ റദ്ദാക്കി. പിന്നീട്  പ്രത്യേക അനുമതിയോടെ ചിത്രീകരണം പൂർത്തിയാക്കിയാണ് സംഘം നാട്ടിലെത്തിയത്.


    Published by:Aneesh Anirudhan
    First published: