നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • coronavirus-latest-news
    • »
    • Explained: ആന്റിബോഡി ടെസ്റ്റും ആർ‌ടി-പി‌സി‌ആർ ടെസ്റ്റും തമ്മിലുള്ള വ്യത്യാസമെന്ത്? നിങ്ങൾ അറിഞ്ഞിരിക്കേണ്ട കാര്യങ്ങൾ

    Explained: ആന്റിബോഡി ടെസ്റ്റും ആർ‌ടി-പി‌സി‌ആർ ടെസ്റ്റും തമ്മിലുള്ള വ്യത്യാസമെന്ത്? നിങ്ങൾ അറിഞ്ഞിരിക്കേണ്ട കാര്യങ്ങൾ

    കൊറോണ വൈറസിന്റെ അംശം കണ്ടെത്തുന്നതിന് നടത്തുന്ന കോവിഡ് പരിശോധനയിൽ സാധാരണയായി മൂക്കിൽ നിന്നോ വായിൽ നിന്നോ സ്വാബ് ശേഖരിക്കുകയാണ് ചെയ്യുന്നത്.

    (പ്രതീകാത്മക ചിത്രം)

    (പ്രതീകാത്മക ചിത്രം)

    • Share this:
      കോവിഡ് -19 ന്റെ മിക്ക ലക്ഷണങ്ങളും ജലദോഷമോ പനിയോ പോലെയാണെങ്കിലും, ഇത് കൊറോണ വൈറസ് അല്ലെങ്കിൽ മറ്റേതെങ്കിലും വൈറൽ അണുബാധയാണോ എന്ന് നിർണ്ണയിക്കാൻ ആന്റിബോഡി, ആർ‌ടി-പി‌സി‌ആർ പരിശോധനകൾ സഹായിക്കുന്നു. അതേ സമയം മഹാമാരിയുടെ രണ്ടാം തരംഗത്തിൽ നിരവധി തെറ്റായ റിപ്പോർട്ടുകളും പുറത്തു വരുന്നുണ്ട്. അതായത് ആർ‌ടി-പി‌സി‌ആർ റിപ്പോർട്ട് നെഗറ്റീവ് ആയിരിക്കാം, പക്ഷേ നിങ്ങൾക്ക് ലക്ഷണങ്ങളായ ശരീരവേദന, തലവേദന, ശ്വാസം മുട്ടൽ എന്നിവയുണ്ടെങ്കിൽ ഇത് കോവിഡ് -19 ന്റെ സൂചനയാണ്. പരിശോധന റിപ്പോർട്ട് പരിഗണിക്കാതെ ഈ ലക്ഷണങ്ങളുടെ അടിസ്ഥാനത്തിൽ മാത്രം ഐസൊലേഷനും മരുന്നുകളും നൽകാനും വിദഗ്ദ്ധർ ഇപ്പോൾ നിർദ്ദേശിക്കുന്നുണ്ട്.

      എന്നിരുന്നാലും, കൊറോണ വൈറസുകളുടെ ശൃംഖല തകർക്കാൻ സഹായിക്കുന്നതിന് ചികിത്സയും വാക്സിനേഷനും പോലെ തന്നെ ടെസ്റ്റുകളും വളരെ പ്രധാനമാണെന്ന് സർക്കാരും ആരോഗ്യ വിദഗ്ധരും നിരവധി തവണ വ്യക്തമാക്കിയിട്ടുണ്ട്. രോഗലക്ഷണങ്ങൾ കണ്ടു തുടങ്ങിയാൽ ഐസൊലേഷനൊപ്പം പരിശോധനയും ഉറപ്പാക്കണമെന്ന് ആരോഗ്യ വിദഗ്ധർ പറയുന്നു.

      കൊറോണ വൈറസിന്റെ അംശം കണ്ടെത്തുന്നതിന് നടത്തുന്ന കോവിഡ് പരിശോധനയിൽ സാധാരണയായി മൂക്കിൽ നിന്നോ വായിൽ നിന്നോ സ്വാബ് ശേഖരിക്കുകയാണ് ചെയ്യുന്നത്. സാമ്പിൾ ശേഖരിക്കുന്നതിനായി ടെസ്റ്റ് ഓൺ‌ലൈനായി (അല്ലെങ്കിൽ ഫോണിൽ) ബുക്ക് ചെയ്യാം. അല്ലെങ്കിൽ രോഗിക്ക് പരിശോധനയ്ക്കായി ഏതെങ്കിലും ടെസ്റ്റിംഗ് ലാബ് അല്ലെങ്കിൽ ഹെൽത്ത് കെയർ സെന്ററുകൾ സന്ദർശിക്കാം. പോസിറ്റീവ് റിപ്പോർട്ട് ആണ് ലഭിക്കുന്നതെങ്കിൽ നിങ്ങളുടെ മൂക്കിലെ സ്രവങ്ങളിൽ കൊറോണ വൈറസ് കണ്ടെത്തി എന്ന സൂചനയാണ് നൽകുന്നത്. അതായത് നിങ്ങൾ രോഗബാധിതരാണെന്ന് സൂചിപ്പിക്കുന്നു.

      Also Read- Covid Vaccine | 18 വയസിനു മുകളിലുള്ളവര്‍ക്ക് വാക്‌സിന്‍ സൗജന്യം; ആരോഗ്യ വകുപ്പ് ഉത്തരവ് പുറത്തിറക്കി

      ആർ‌ടി-പി‌സി‌ആർ‌ ടെസ്റ്റുകൾ‌ക്ക് പുറമേ ആന്റിബോഡി പരിശോധനകളും നടത്താറുണ്ട്. നിങ്ങളുടെ രക്തത്തിലെ കോവിഡ് -19 ആന്റിബോഡികൾ കണ്ടെത്തുന്നതിലൂടെ നിങ്ങൾക്ക് മുമ്പ് കൊറോണ വൈറസ് ബാധിച്ചിട്ടുണ്ടോ എന്ന് നിർണ്ണയിക്കാൻ ഈ ടെസ്റ്റ് സഹായിക്കും. നിങ്ങൾ രോഗബാധിതരോ വാക്സിനേഷൻ എടുത്തയുടനെയോ നിങ്ങളുടെ ശരീരത്തിൽ രോഗപ്രതിരോധ ശേഷി സൃഷ്ടിക്കുന്ന പ്രോട്ടീനുകളാണ് ആന്റിബോഡികളെന്ന് സെന്റർ ഫോർ ഡിസീസ് കൺട്രോൾ (സിഡിസി) വിശദീകരിക്കുന്നു.

      കോവിഡ്-19 ന് കാരണമാകുന്ന വൈറസ് ബാധയുണ്ടെന്ന് നിർണ്ണയിക്കാൻ ആന്റിബോഡി പരിശോധനകൾ ഉപയോഗിക്കുന്നത് അത്ര ഫലപ്രദമല്ല. ആർടി പിസിആർ പരിശോധന വൈകുന്ന സന്ദർഭങ്ങളിലൊഴികെ ആന്റിബോഡി പരിശോധന നടത്തരുത്. നിങ്ങൾക്ക് നിലവിൽ അണുബാധയുണ്ടോ എന്ന് ആന്റിബോഡി പരിശോധന വ്യക്തമാക്കിയേക്കില്ല. കാരണം നിങ്ങളുടെ ശരീരത്തിൽ ആന്റിബോഡികൾ നിർമ്മിക്കാൻ അണുബാധയ്ക്ക് 1–3 ആഴ്ച വരെ സമയം എടുക്കും.

      പോസിറ്റീവ് ആന്റിബോഡി ടെസ്റ്റിന്റെ അർത്ഥം നിങ്ങൾ മുമ്പ് രോഗബാധിതരായിരിക്കാമെന്നും കൊറോണ വൈറസ് അണുബാധയെ പ്രതിരോധിക്കാൻ ആന്റിബോഡികൾ വികസിപ്പിച്ചെടുത്തിട്ടുണ്ടെന്നുമാണ്. എന്നിരുന്നാലും, ഇന്ത്യയിൽ, പ്രത്യേകിച്ച് രണ്ടാം തരംഗത്തിൽ, ഒരു തവണ കോവിഡ് പോസിറ്റീവായ വ്യക്തികൾ വീണ്ടും കോവിഡ് പോസിറ്റീവായിട്ടുണ്ട്. അതിനാൽ, പോസിറ്റീവ് ആന്റിബോഡി റിപ്പോർട്ട് നിങ്ങൾക്ക് വീണ്ടും അണുബാധയുണ്ടാകില്ലെന്നതിന്റെ സർട്ടിഫിക്കറ്റല്ല.

      Keywords: Covid 19, Coronavirus, RTPCR Test, Covid Test, കോവിഡ് 19, കൊറോണ വൈറസ്, ആർടിപിസിആർ, കോവിഡ് ടെസ്റ്റ്
      Published by:Anuraj GR
      First published:
      )}