Covid 19 | 24 മണിക്കൂറിനിടെ 78,761 പോസിറ്റീവ് കേസുകൾ; ലോകത്തിലെ തന്നെ ഏറ്റവും ഉയർന്ന ഒറ്റദിന കണക്കുമായി ഇന്ത്യ

കോവിഡ് ഏറ്റവും മോശമായി തന്നെ ബാധിച്ച രാജ്യങ്ങളുടെ പട്ടികയിൽ മൂന്നാംസ്ഥാനത്താണ് ഇന്ത്യ. യുഎസും ബ്രസീലുമാണ് ആദ്യ രണ്ട് സ്ഥാനങ്ങളിൽ.

News18

News18

  • Share this:
    ആഗോളതലത്തിൽ തന്നെ ഇതുവരെയുള്ളതിൽ വച്ചേറ്റവും ഉയർന്ന പ്രതിദിന കോവിഡ് കണക്കുമായി ഇന്ത്യ. കഴിഞ്ഞ 24 മണിക്കൂറിനിടെ മാത്രം 78,761 പേർക്കാണ് രാജ്യത്ത് പുതിയതായി രോഗം സ്ഥിരീകരിച്ചത്. ആരോഗ്യമന്ത്രാലയത്തിന്‍റെ റിപ്പോർട്ട് അനുസരിച്ച് ഒറ്റദിവസത്തെ രോഗികളുടെ ഏറ്റവും ഉയർന്ന കണക്കിൽ യുഎസിനെ മറികടന്നിരിക്കുകയാണ് ഇന്ത്യ. കോവിഡ് ഏറ്റവും മോശമായി തന്നെ ബാധിച്ച രാജ്യങ്ങളുടെ പട്ടികയിൽ മൂന്നാംസ്ഥാനത്താണ് ഇന്ത്യ. യുഎസും ബ്രസീലുമാണ് ആദ്യ രണ്ട് സ്ഥാനങ്ങളിൽ.

    ആരോഗ്യ-കുടുംബക്ഷേമ മന്ത്രാലയം പുറത്തുവിട്ട ഏറ്റവും പുതിയ കണക്കുകൾ പ്രകാരം രാജ്യത്ത് രോഗബാധിതരുടെ എണ്ണം 36 ലക്ഷത്തോടടുക്കുകയാണ്. 35,42,734 പേർക്കാണ് ഇതുവരെ രോഗം സ്ഥിരീകരിച്ചത്. ഇതിൽ 27,13,934 പേർ രോഗമുക്തരായിട്ടുണ്ട്. നിലവിൽ 7,65,302 പേരാണ് ചികിത്സയിൽ തുടരുന്നത്. രോഗമുക്തരാകുന്നവരുടെ നിരക്ക് രാജ്യത്ത് വർധിച്ചു വരികയാണെന്ന് ആരോഗ്യവകുപ്പ് അധികൃതർ വ്യക്തമാക്കുന്നുണ്ട്.
    You may also like:Unlock 4.0 Guidelines | സ്കൂളുകളും കോളജുകളും അടഞ്ഞു തന്നെ; തീയറ്ററുകളും തുറക്കില്ല: അൺലോക്ക് നാലാം ഘട്ടം ഇങ്ങനെ [NEWS]കൊച്ചിയിലെ ഹോട്ടൽ മുറിയിൽ 19കാരി മരിച്ച സംഭവം; ‌മരണത്തിനിടയാക്കിയത് അമിത രക്തസ്രാവമെന്ന് റിപ്പോർട്ട് [NEWS] യെമൻ സ്വദേശിയായ ഭർത്താവിനെ കൊലപ്പെടുത്തിയ കേസ്; മലയാളി നഴ്സ് നിമിഷ പ്രിയയുടെ വ‌ധശിക്ഷയ്ക്ക് സ്റ്റേ [NEWS]
    മരണനിരക്കും മറ്റ് രാജ്യങ്ങളെ അപേക്ഷിച്ച് ഇന്ത്യയിൽ താരത‌മ്യേന കുറവാണ്. രാജ്യത്ത് 63,498 പേരാണ് ഇതുവരെ കോവിഡ് ബാധിച്ച് മരിച്ചത്. രോഗവ്യാപനം ഏറ്റവും രൂക്ഷമായ സംസ്ഥാനങ്ങളിലൊന്നായ മഹാരാഷ്ട്രയിൽ നിന്നു തന്നൊ‌യാണ് കൂടുതൽ മരണങ്ങളും റിപ്പോർട്ട് ചെയ്യപ്പെടുന്നത്. എന്നാൽ മരണനിരക്ക് മുൻ നാളുകളെ അപേക്ഷിച്ച് കുറവാണെന്നും റിപ്പോർട്ട് സൂചിപ്പിക്കുന്നു.
    Published by:Asha Sulfiker
    First published:
    )}