Covid 19 | Lockdown | കേരളത്തിൽ സമൂഹവ്യാപന സാധ്യതയെന്ന് ഐ.എം.എ; വീണ്ടും ലോക്ക്ഡൗൺ നടപ്പാക്കണം

തിരുവനന്തപുരം: നിരവധി പേർക്ക് ഉറവിടം കണ്ടെത്താനാവാതെ കോവിഡ് ബാധ സ്ഥിരീകരിക്കുന്ന സാഹചര്യത്തിൽ കേരളത്തിൽ സമൂഹവ്യാപനം നടന്നതിന്റെ സൂചനകൾ മുന്നിലുണ്ട്. കോവിഡ് രോഗികളെ ചികിത്സിക്കാത്ത ആരോഗ്യപ്രവർത്തകർക്ക് പോലും രോഗം പകരുന്നു. കേരളത്തിൽ നിന്ന് മറ്റ് സംസ്ഥാനങ്ങളിൽ എത്തിയ നിരവധി പേർക്ക് രോഗം സ്ഥിരീകരിച്ചു. ഈ സാഹചര്യങ്ങൾ സമൂഹ വ്യാപനത്തിന്റെ തെളിവാണെന്ന് ഇന്ത്യൻ മെഡിക്കൽ അസോസിയേഷൻ (ഐ.എം.എ.)

You may also like:75,000 പേർക്ക് ഇരിക്കാം; ലോകത്തിലെ ഏറ്റവും വലിയ മൂന്നാമത്തെ ക്രിക്കറ്റ് സ്റ്റേഡിയം ജയ്പൂരിൽ‍ [NEWS]ആത്മ നി൪ഭർ ഭാരത് വെബിനാർ ഞായറാഴ്ച [NEWS] കൊല്ലത്ത് എട്ടാം ക്ലാസ് വിദ്യാർത്ഥിനിയുടെ മരണം; അടുത്ത ബന്ധുക്കളായ മൂന്ന് പേർ അറസ്റ്റിൽ [NEWS]

വീണ്ടും ലോക്ഡൗൺ നടപ്പാക്കണമെന്നാണ് ഐ.എം.എ. നിലപാട്. അല്ലെങ്കിൽ ഇളവുകൾ ഒഴിവാക്കി നിയന്ത്രണങ്ങൾ കൂടുതൽ ശക്തമാക്കണമെന്നും ഐ.എം.എ. സംസ്ഥാന പ്രസിഡന്റ് ഡോ: എബ്രഹാം വർഗ്ഗീസ് ആവശ്യപ്പെട്ടു. ജനങ്ങൾ ഉത്തരവാദിത്തം ഇല്ലാതെ പെരുമാറുകയാണെന്നും, ഇക്കാര്യം ഡോക്ടേഴ്സ് ദിനത്തിൽ മുഖ്യമന്ത്രിയുമായുള്ള കൂടിക്കാഴ്ചയിൽ അറിയിച്ചിട്ടുണ്ടെന്നും എബ്രഹാം വർഗ്ഗീസ് ന്യൂസ് 18നോട് പറഞ്ഞു. കൂടാതെ ഐ.എം.എ. സർക്കാരിന് സമർപ്പിച്ച റിപ്പോർട്ടിലും ഇക്കാര്യങ്ങൾ സൂചിപ്പിക്കുന്നു.

കോവിഡ് പരിശോധന വർദ്ധിപ്പിക്കണം. ആഴ്ചയിൽ ഒരു ലക്ഷത്തിൽ 100 പേർ എന്ന നിലയിൽ പരിശോധന വർദ്ധിപ്പിക്കണം. എല്ലാ ആരോഗ്യപ്രവർത്തകരെയും പരിശോധിക്കണം. കണ്ടൈൻമെൻറ് സോണിലെ എല്ലാവരെയും പരിശോധിക്കണം. പരിശോധന വർദ്ധിപ്പിക്കാതെ മറ്റ് മാർഗ്ഗങ്ങൾ ഇല്ലെന്നും ഐ.എം.എ. പ്രതിനിധികൾ അറിയിച്ചു.