'സാമൂഹിക അകലം കൂട്ടുക, വൈകാരിക അകലം കുറയ്ക്കുക': 21 ദിവസത്തെ ലോക്ക്ഡൗൺ ഏർപ്പെടുത്തിയതിന് ക്ഷമ ചോദിച്ച് പ്രധാനമന്ത്രി നരേന്ദ്ര മോദി

Covid 19 | "നിങ്ങളെയും നിങ്ങളുടെ കുടുംബത്തെയും സംരക്ഷിക്കുന്നതിനാണ് ലോക്ക്ഡൌൺ ഏർപ്പെടുത്തിയിരിക്കുന്നത്"- പ്രധാനമന്ത്രി പറഞ്ഞു.

News18 Malayalam | news18-malayalam
Updated: March 29, 2020, 12:48 PM IST
'സാമൂഹിക അകലം കൂട്ടുക, വൈകാരിക അകലം കുറയ്ക്കുക': 21 ദിവസത്തെ ലോക്ക്ഡൗൺ ഏർപ്പെടുത്തിയതിന് ക്ഷമ ചോദിച്ച് പ്രധാനമന്ത്രി നരേന്ദ്ര മോദി
പ്രധാനമന്ത്രി നരേന്ദ്ര മോദി
  • Share this:
ന്യൂഡൽഹി: 21 ദിവസത്തെ ലോക്ക്ഡൗൺ ഏർപ്പെടുത്തിയതിന് രാജ്യത്തെ ജനങ്ങളോട് മാപ്പ് ചോദിച്ച് പ്രധാനമന്ത്രി നരേന്ദ്ര മോദി. റേഡിയോ പരിപാടിയായ മൻ കീ ബാത്തിലൂടെ രാജ്യത്തെ അഭിസംബോധന ചെയ്യുകയായിരുന്നു പ്രധാനമന്ത്രി. ഇപ്പോൾ കൊറോണ വൈറസിനെതിരെ പോരാടുകയാണ് രാജ്യം. ഈ അവസരത്തിൽ സാമൂഹിക അകലം കൂട്ടുകയും വൈകാരിക അകലം കുറയക്കുകയുമാണ് വേണ്ടതെന്ന് പ്രധാനമന്ത്രി പറഞ്ഞു.

"ഞാൻ എടുത്ത തീരുമാനങ്ങളിൽ ക്ഷമ ചോദിക്കുന്നു. ഞാൻ രാജ്യത്തെ ദരിദ്രരെയാണ് ഉറ്റുനോക്കുന്നത്, എന്തിനാണ് ഈ തീരുമാനങ്ങൾ എടുത്തതെന്ന് അവർ ചിന്തിച്ചിരിക്കണം, അവർ എന്നോട് ദേഷ്യപ്പെടും. പക്ഷേ എനിക്ക് മറ്റ് മാർഗമില്ല. കൊറോണ വൈറസിനെതിരെ പോരാടുന്നതിന് ഈ തീരുമാനങ്ങൾ ആവശ്യമാണ്. ആരും ഈ തീരുമാനങ്ങൾ എടുക്കാൻ ആഗ്രഹിക്കുന്നില്ല, പക്ഷേ ലോകത്തെ സംഭവവികാസങ്ങൾ നോക്കുമ്പോൾ ഈ തീരുമാനങ്ങൾ എടുക്കേണ്ടതുണ്ട്"- പ്രധാനമന്ത്രി പറഞ്ഞു.

"അസുഖം നമ്മെ ബാധിക്കുന്നതിനുമുമ്പ് നാം അതിനെതിരെ പോരാടണം. കൊറോണ വൈറസ് ലോകത്തെയാകെ തടവിലാക്കി. വൃദ്ധരും ചെറുപ്പക്കാരും ദുർബലരും ശക്തരുമായ എല്ലാവരേയും ബാധിക്കുന്നു. മുഴുവൻ മനുഷ്യരും ഒത്തുചേർന്ന് ഈ പ്രതിസന്ധിയ്ക്കെതിരെ പോരാടേണ്ടതുണ്ട് "- പ്രധാനമന്ത്രി പറഞ്ഞു.
You may also like:'വീടിനുള്ളിൽ കുട്ടി മരിച്ചുകിടക്കുന്നു'; മദ്യം ലഭിക്കാത്തതിൽ വിഭ്രാന്തിയിലായ യുവാവ് പറമ്പിൽ കുഴിയെടുത്തു [NEWS]കൊറോണ മഹാമാരിക്ക് കാരണം സ്വവർഗ്ഗ വിവാഹം നിയമവിധേയമാക്കിയത്: വിവാദ പരാമര്‍ശവുമായി ഇറാഖിലെ ഷിയ നേതാവ് [NEWS]കൊറോണ; ശബരിമല;ഗെയിൽ; പ്രശ്‍നം എന്തുമാകട്ടെ; യതീഷ് ചന്ദ്രയുടെ വിവാദം; അത് നിർബന്ധം [NEWS]
ലോക്ക്ഡൌണിന്റെ നിയമങ്ങൾ കർശനമായി പാലിക്കാൻ ജനങ്ങളോട് പ്രധാനമന്ത്രി ആവശ്യപ്പെട്ടു. "നിങ്ങളെയും നിങ്ങളുടെ കുടുംബത്തെയും സംരക്ഷിക്കുന്നതിനാണ് ലോക്ക്ഡൌൺ ഏർപ്പെടുത്തിയിരിക്കുന്നത്. നിങ്ങൾ ധൈര്യത്തോടെ 'ലക്ഷ്മണ രേഖ' വരയ്ക്കണം. ലോക്ക്ഡൗൺ നിയമങ്ങൾ ലംഘിക്കരുതെന്ന് ഞാൻ അഭ്യർത്ഥിക്കുന്നു, അല്ലാത്തപക്ഷം ഞങ്ങൾക്ക് ഈ യുദ്ധം ജയിക്കാൻ കഴിയില്ല. ആരോഗ്യമാണ് സമ്പത്ത്, ആളുകൾ നിയമങ്ങൾ ലംഘിക്കുമ്പോൾ അവർ അവരുടെ ആരോഗ്യത്തെ അപകടത്തിലാക്കുന്നു. വൈറസിനെതിരെ പോരാടുന്ന നിരവധി മെഡിക്കൽ പ്രൊഫഷണലുകൾ ഉണ്ട്. "- പ്രധാനമന്ത്രി പറഞ്ഞു.

കൊറോണ വൈറസിനെതിരെ മുൻ‌നിരയിൽ നിന്ന് പോരാടിയവർക്ക് പ്രധാനമന്ത്രി നരേന്ദ്ര മോദി മാൻ കി ബാത്തിൽ നന്ദി പറഞ്ഞു. "കൊറോണ വൈറസുമായി പോരാടുന്ന നിരവധി സൈനികരുണ്ട്. പ്രത്യേകിച്ച് നഴ്‌സുമാർ, ഡോക്ടർമാർ, പാരാമെഡിക്കൽ സ്റ്റാഫ് എന്നീ നിലകളിൽ ഡ്യൂട്ടിയിലുള്ള ഞങ്ങളുടെ സഹോദരങ്ങൾ. അവരാണ് ഞങ്ങളുടെ മുൻനിര സൈനികർ,"- പ്രധാനമന്ത്രി പറഞ്ഞു.


മൻ കീ ബാത്തിൽ കോവിഡ് 19 ഭേദമായ ആളുമായി പ്രധാനമന്ത്രി സംസാരിച്ചു. ആഗ്രയിൽനിന്നുള്ള അശോക് കപൂറുമായാണ് പ്രധാനമന്ത്രി സംസാരിച്ചത്. "അസുഖം ഭേദമായതിൽ പ്രധാനമന്ത്രിയോടും ഡോക്ടർമാരോടും നന്ദി പറയുന്നു.ആഗ്രയിലെ അധികാരികൾക്കും ഉദ്യോഗസ്ഥർക്കും ഡൽഹിയിലെ ആശുപത്രി അധികൃതർക്കും നന്ദിയുണ്ട്"- അശോക് കപൂർ പറഞ്ഞു.
First published: March 29, 2020, 12:48 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading