HOME » NEWS » Corona »

Covid 19 | പ്രതിദിന കേസുകൾ തുടർച്ചയായ എട്ടാംദിനവും 50000ത്തിൽ താഴെ; രോഗമുക്തി 93.09%: ആശ്വാസകണക്കുമായി ഇന്ത്യ

രോഗമുക്തി നേടുന്നവരുടെ എണ്ണത്തിലുണ്ടാകുന്ന വർധനവും ആശ്വാസം നൽകുന്ന കാര്യമാണ്. രോഗം സ്ഥിരീകരിച്ചവരിൽ 82,05,728 പേർ ഇതുവരെ രോഗമുക്തി നേടിയിട്ടുണ്ട്.

News18 Malayalam | news18-malayalam
Updated: November 15, 2020, 1:34 PM IST
Covid 19 | പ്രതിദിന കേസുകൾ തുടർച്ചയായ എട്ടാംദിനവും 50000ത്തിൽ താഴെ; രോഗമുക്തി 93.09%: ആശ്വാസകണക്കുമായി ഇന്ത്യ
പ്രതീകാത്മക ചിത്രം
  • Share this:
ന്യൂഡൽഹി: കോവിഡ് പ്രതിദിന കേസുകളിൽ ആശ്വാസകണക്കുകളുമായി ഇന്ത്യ. കഴിഞ്ഞ കുറച്ചു ദിവസങ്ങളായി രാജ്യത്ത് കോവിഡ് കേസുകളിൽ കുറവ് വന്നിട്ടുണ്ട്. ആരോഗ്യ-കുടുംബക്ഷേമ മന്ത്രാലയത്തിന്‍റെ ഏറ്റവും പുതിയ കണക്കുകൾ അനുസരിച്ച് കഴിഞ്ഞ ഇരുപത്തിനാല് മണിക്കൂറിനിടെ 41,100 പേർക്കാണ് പുതിയതായി രോഗം സ്ഥിരീകരിച്ചത്. കോവിഡ് കണക്കുകള്‍ അൻപതിനായിരത്തിൽ താഴെ മാത്രം റിപ്പോർട്ട് ചെയ്യപ്പെടുന്നത് ഇത് തുടർച്ചയായ എട്ടാം ദിനമാണ്. ഇതുവരെ 88,14,579 പേർക്കാണ് രോഗം കോവിഡ് സ്ഥിരീകരിച്ചിട്ടുള്ളത്.

Also Read-കോവിഡ് വാക്സിൻ വിതരണം; സംസ്ഥാനത്ത് സർവ്വെ ആരംഭിച്ചു

രോഗമുക്തി നേടുന്നവരുടെ എണ്ണത്തിലുണ്ടാകുന്ന വർധനവും ആശ്വാസം നൽകുന്ന കാര്യമാണ്. രോഗം സ്ഥിരീകരിച്ചവരിൽ 82,05,728 പേർ ഇതുവരെ രോഗമുക്തി നേടിയിട്ടുണ്ട്. 4,79,216 പേരാണ് ചികിത്സയിൽ തുടരുന്നത്. ഏറ്റവും പുതിയ കണക്കുകൾ പ്രകാരം 93.09% ആണ് ഇന്ത്യയിലെ രോഗമുക്തി നിരക്ക്. മരണനിരക്കും വളരെ കുറവ് രേഖപ്പെടുത്തുന്ന രാജ്യങ്ങളിലൊന്നാണ് ഇന്ത്യ. കഴിഞ്ഞ ദിവസം റിപ്പോർട്ട് ചെയ്യപ്പെട്ട 447 മരണങ്ങൾ ഉൾപ്പെടെ ഇതുവരെ 1,29,635 കോവിഡ് മരണങ്ങളാണ് ഇവിടെ റിപ്പോർട്ട് ചെയ്യപ്പെട്ടിട്ടുള്ളത്. 1.47% ആണ് രാജ്യത്തെ കോവിഡ് മരണനിരക്ക്.

Also Read-Actor Soumitra Chatterjee passes away | സത്യജിത് റായിയുടെ പ്രിയ നടൻ സൗമിത്ര ചാറ്റ‍ര്‍ജി അന്തരിച്ചു

നിലവിൽ രാജ്യത്തെ ഇരുപതിനായിരത്തിന് മുകളിൽ സജീവ കേസുകളുള്ള ആറ് സംസ്ഥാന/കേന്ദ്രഭരണ പ്രദേശങ്ങളാണുള്ളത്. കോവിഡ് രൂക്ഷമായി ബാധിച്ച പല സംസ്ഥാനങ്ങളും കോവിഡ് വ്യാപനത്തെ ഒരു പരിധി വരെ തടഞ്ഞു നിർത്തിയിട്ടുണ്ട്. കോവിഡ് പരിശോധനകളുടെ കാര്യത്തിലും ഒരു വിട്ടുവീഴ്ചയും ഉണ്ടാകുന്നില്ല എന്നതും ശ്രദ്ധേയമാണ്.
Published by: Asha Sulfiker
First published: November 15, 2020, 1:34 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories