Covid 19 | മാനസികാരോഗ്യ കേന്ദ്രത്തിൽ നിന്ന് ചാടിപ്പോയ ശേഷം പിടിയിലായ ആൾക്ക് കോവിഡ് സ്ഥിരീകരിച്ചു

കോഴിക്കോട്: കുതിരവട്ടം മാനസികാരോഗ്യ കേന്ദ്രത്തിൽ നിന്ന് ചാടി പോയ ശേഷം പിടിയിലായ ആൾക്ക് കോവിഡ് സ്ഥിരീകരിച്ചു. താനൂർ സ്വദേശി ഷാനുവിനാണ് കോവിഡ് സ്ഥിരീകരിച്ചത്. ഇദ്ദേഹത്തിന്റെ പ്രൈമറി കോണ്ടാക്ട് ലിസ്റ്റിൽ മെഡിക്കൽ കോളജ് പൊലീസ് സ്റ്റേഷനിലെ 10 പൊലീസുകാരും ആശുപത്രി ജീവനക്കാരും ഉണ്ട്. ഇവരോട് നിരീക്ഷണത്തിൽ പോകാൻ നിർദേശിച്ചിട്ടുണ്ട്.

കഴിഞ്ഞ മാസം 22നാണ് നാല് അന്തേവാസികൾ മാനസികാരോഗ്യ കേന്ദ്രത്തിൽ നിന്ന് ചാടിപ്പോയത്. പൊലീസ് അന്വേഷണത്തെ തുടർന്ന് പിന്നീട് നാല് പേരെയും പിടികൂടിയിരുന്നു. ഇതിൽ മൂന്ന് പേർ വിവിധ കേസുകളിൽ പ്രതികളാണ്.

TRENDING:IPL 2020 | ചൈനീസ് കമ്പനിയെ സപോൺസറാക്കിയതിൽ പ്രതിഷേധം; ഐപിഎൽ ബഹിഷ്ക്കരിക്കുമെന്ന് ഭീഷണി

[NEWS]മകനൊപ്പം ഇരുചക്ര വാഹനത്തിൽ യാത്ര ചെയ്ത വയോധികയ്ക്ക് പിന്നിൽ നിന്നുള്ള വാഹനമിടിച്ച് വീണ് ദാരുണാന്ത്യം[NEWS]'ഒന്നുകിൽ മുരളീധരൻ മന്ത്രിസ്ഥാനം രാജിവെയ്ക്കണം; അല്ലെങ്കിൽ പ്രധാനമന്ത്രി പുറത്താക്കണം'; കോടിയേരി ബാലകൃഷ്ണൻ [NEWS]

ഷാനു തിരുവനന്തപുരത്തേക്കായിരുന്നു കടന്നത്. 24ന് താനൂരിലേക്ക് വിളിച്ചുവരുത്തി പിടികൂടുകയായിരുന്നു. പിടിയിലായ ഉടൻ പ്രതിയെ കോവിഡ് പരിശോധനയ്ക്ക് വിധേയനാക്കി. എന്നാൽ പരിശോധനാ ഫലം പൊലീസുകാരെ അറിയിച്ചില്ലെന്ന് പരാതി ഉയരുന്നുണ്ട്.

ഫലം ലഭിക്കാത്തതിനെ തുടർന്ന് കഴിഞ്ഞദിവസം സ്റ്റേഷനിൽ നിന്ന്  വിളിച്ചുചോദിച്ചപ്പോൾ മാത്രമാണ് പ്രതി കോവിഡ് പോസിറ്റീവായ വിവരം ആരോഗ്യവകുപ്പ് അറിയിച്ചത്.