COVID 19 | 'ആടുജീവിത'ത്തിലെ ഒമാൻ നടൻ നിരീക്ഷണത്തിൽ; പൃഥ്വിരാജ് അടക്കമുള്ള താരങ്ങൾ സുരക്ഷിതരെന്ന് അണിയറക്കാർ

പൃഥ്വിരാജിനെ നായകനാക്കി ബ്ലസി സംവിധാനം ചെയ്യുന്ന ‘ആടുജീവിത’ത്തിൽ അഭിനയിക്കുന്ന പ്രമുഖ ഒമാൻ നടൻ ഡോ. താലിബ്​ അൽ ബലൂഷി കോവിഡ് മുൻകരുതൽ നടപടിയുടെ ഭാഗമായി നിരീക്ഷണത്തിൽ. ജോർദാനിലെ ഹോട്ടലിലാണ് അദ്ദേഹം നിരീക്ഷണത്തിൽ കഴിയുന്നത്. എന്നാൽ, ആശങ്കപ്പെടാൻ ഒന്നുമില്ലെന്നും പൃഥ്വിരാജ് അടക്കമുള്ള താരങ്ങളും സാങ്കേതിക പ്രവർത്തകരും സുരക്ഷിതരാണെന്ന് അണിയറപ്രവർത്തകർ വ്യക്തമാക്കി.

‘ഞാൻ ജോർദാനിൽ മുൻകരുതൽ നടപടിയുടെ ഭാഗമായുള്ള നിരീക്ഷണത്തിലാണ്​. ആടുജീവിതം എന്ന സിനിമയുടെ ചിത്രീകരണത്തിനായാണ്​ എത്തിയത്​. സിനിമയുടെ ചിത്രീകരണം വാദി റും എന്ന മരുഭൂമി മേഖലയിൽ പുരോഗമിക്കുന്നുണ്ട്​. എല്ലാവരും സുരക്ഷിതരാണ്​’ -ഡോ. താലിബിനെ ഉദ്ധരിച്ച്​ ഒമാൻ ഒബ്​സർവർ റിപ്പോർട്ട്​ ചെയ്​തു.

You may also like:

രാജ്യത്ത് രോഗബാധിതരുടെ എണ്ണം 137 ആയി; കോവിഡ് രണ്ടാംഘട്ടത്തിലേക്ക് കടന്നുവെന്ന് ഐസിഎംആർ
[NEWS]
സീറ്റിൽ ഒറ്റയ്ക്കിരിക്കാൻ കൊറോണയെന്ന് കള്ളം: KSRTC ബസിൽ പരിഭ്രാന്തി പരത്തി യാത്രക്കാരന്‍
[NEWS]
ബിവറേജസ് ഷോപ്പിൽ പോകുന്നോ? ശ്രദ്ധിക്കാൻ 10 കാര്യങ്ങൾ [NEWS]

കോവിഡ്​ 19 റിപ്പോർട്ട്​ ചെയ്യപ്പെട്ട ഒമാനിൽ നിന്ന്​ വരുന്നതിനാൽ മുൻകരുതൽ നടപടികളുടെ ഭാഗമായിട്ടാണ്​ ഡോ. താലിബിനെ ജോർദാൻ അധികൃതർ ചാവുകടലിന്​ അടുത്തുള്ള റമദ പഞ്ചനക്ഷത്ര ഹോട്ടലിൽ നിരീക്ഷണത്തിൽ പാർപ്പിച്ചിരിക്കുന്നത്. ജോർദാനിൽ ഇതുവരെ കൊറോണ കേസ്​ സ്ഥിരീകരിച്ചിട്ടില്ല. 30ഓളം പേർ ആശുപത്രിയിൽ നിരീക്ഷണത്തിലുണ്ട്​. വിനോദ സഞ്ചാരികളും നിരീക്ഷണത്തിലാണ്​. മുൻകരുതൽ നടപടിയെന്ന നിലക്ക്​ മാർച്ച്​ 31 വരെ ജോർദാനിൽ ആരോഗ്യ സേവനം ഒഴികെയുള്ള എല്ലാ മേഖലകളുടെയും പ്രവർത്തനം നിർത്തിവെച്ചിരിക്കുകയാണ്​.

!function(e,i,n,s){var t="InfogramEmbeds",d=e.getElementsByTagName("script")[0];if(window[t]&&window[t].initialized)window[t].process&&window[t].process();else if(!e.getElementById(n)){var o=e.createElement("script");o.async=1,o.id=n,o.src="https://e.infogram.com/js/dist/embed-loader-min.js",d.parentNode.insertBefore(o,d)}}(document,0,"infogram-async");