കൊറോണാസുരനെ കൊല്ലാൻ ദൈവങ്ങൾക്കേ കഴിയൂ; അമ്പലം തുറക്കണമെന്ന് പുരോഹിതരുടെ സംഘടന

ന്യൂഡൽഹി: കൊറോണ വൈറസ് അസുരനാണെന്നും, അതിനെ കൊല്ലാൻ ദൈവികശക്തികൾക്കു മാത്രമെ കഴിയുകയുള്ളുവെന്നും പുരോഹിതരുടെ സംഘടന. അമ്പലങ്ങൾ ഉടൻ തുറക്കണമെന്ന് ആവശ്യപ്പെട്ട് പ്രധാനമന്ത്രിക്ക് നൽകിയ കത്തിലാണ് ഇക്കാര്യം പറയുന്നത്. കോവിഡ് 19 മഹാമാരിക്കെതിരായ പോരാട്ടത്തെ സഹായിക്കാൻ അമ്പലങ്ങളും തീർഥാടന കേന്ദ്രങ്ങളും ഉടൻ തുറക്കണമെന്ന് അഖില ഭാരതീയ തീർഥ പുരോഹിത് മഹാസഭ എന്ന സംഘടന പ്രധാനമന്ത്രിയോട് ആവശ്യപ്പെട്ടു.

അമ്പലങ്ങളും തീർഥാടനകേന്ദ്രങ്ങളും തുറക്കുന്നതോടെ കൊറോണ വൈറസിന്‍റെ ശക്തി കുറയും, അതിന് ഒരു അപകടവും ഉണ്ടാക്കാൻ സാധിക്കില്ലെന്നും കത്തിൽ പറയുന്നു. ക്ഷേത്രങ്ങളെ ഫാക്ടറികളെപ്പോലെയാണ് ലോക്ക്ഡൌൺ കാലത്ത് കൈകാര്യം ചെയ്തതെന്നും, ദേവൻമാരുടെ കോപമായിരിക്കാം ഇന്ത്യ ഇപ്പോൾ അനുഭവിക്കുന്നതെന്നും സംഘടന ദേശീയ പ്രസിഡന്‍റ് മഹേഷ് പതക് മാധ്യമങ്ങളോട് പറഞ്ഞു.

ക്ഷേത്രങ്ങൾ അടച്ചതോടെ ദേവൻമാരും വിശ്വാസികളും തമ്മിലുള്ള അകലം വർധിച്ചു. വീടുകളിൽവെച്ച് നടത്തുന്ന പ്രാർഥനകളിലൂടെ അകലം ഇല്ലാതാക്കാനാകില്ലെന്നും മഹേഷ് പതക് പറയുന്നു. ഒരുമിച്ചുള്ള പ്രാർഥനകളുടെ ഫലമായി ദൈവത്തിന് ഭക്തരെ രക്ഷപെടുത്താൻ കഴിയുമെന്ന കാര്യം ഉറപ്പാണെന്ന് അദ്ദേഹം പറഞ്ഞു.
TRENDING:Liquor Sale | ബാറുകളിലൂടെ 'കുപ്പി' വിൽക്കുമ്പോൾ: വരുമാന നഷ്ടം ഉണ്ടാകുമോ? [NEWS]അന്ന് സോഷ്യൽ മീഡിയയും ഇന്റർനെറ്റും ഉണ്ടായിരുന്നെങ്കിൽ; 25 വർഷം മുൻപേയുള്ള വിവാദ ചിത്രവുമായി മിലിന്ദ് സോമൻ [PHOTO]കഴിഞ്ഞ രണ്ടു മാസത്തിനുള്ളിൽ എയിംസിൽ കോവിഡ് ബാധിച്ചത് 92 ആരോഗ്യ പ്രവർത്തകർക്ക് [NEWS]
ലോക്ക്ഡൌണിനെ തുടർന്ന് അമ്പലങ്ങൾ അടച്ചത് പുരോഹിതർക്ക് കാര്യമായ സാമ്പത്തികപ്രയാസങ്ങൾ ഉണ്ടാക്കിയിട്ടുണ്ട്. പുരോഹിതർക്കായി പ്രത്യേക സാമ്പത്തിക പാക്കേജ് അനുവദിക്കണമെന്നും കത്തിൽ ആവശ്യപ്പെടുന്നു. ചില നിയന്ത്രണങ്ങളോടെ ക്ഷേത്രങ്ങൾ തുറക്കാമെന്നും കത്തിൽ പറയുന്നു. പ്രധാനമന്ത്രിക്ക് പുറമെ ആഭ്യന്തരമന്ത്രി അമിത് ഷായ്ക്കും പുരോഹിതരുടെ സംഘടന കത്ത് നൽകിയിട്ടുണ്ട്.