Covid 19 | സൗദി അറേബ്യയിൽ കര്‍ഫ്യു പിൻവലിച്ചു; സുരക്ഷാനിയന്ത്രണങ്ങൾ തുടരും

അന്താരാഷ്ട്ര യാത്രാവിലക്കും ഹജ്ജ്-ഉംറ തുടങ്ങി തീർഥാടന കർമ്മങ്ങൾക്ക് ഏർപ്പെടുത്തിയിരുന്ന വിലക്ക് തുടരും.

News18 Malayalam | news18-malayalam
Updated: June 22, 2020, 6:47 AM IST
Covid 19 | സൗദി അറേബ്യയിൽ കര്‍ഫ്യു പിൻവലിച്ചു; സുരക്ഷാനിയന്ത്രണങ്ങൾ തുടരും
സൗദി അറേബ്യ
  • Share this:
റിയാദ്: സൗദിയിൽ കോവിഡ് പശ്ചാത്തലത്തിൽ പ്രഖ്യാപിച്ചിരുന്ന കർഫ്യു പൂർണ്ണമായും പിൻവലിച്ചു. രാജ്യത്തെ സാമ്പത്തിക-വാണിജ്യ ഇടപാടുകൾ പഴപടി പുനരാരംഭിക്കാമെന്നാണ് അധികൃതർ അറിയിച്ചിരിക്കുന്നത്. അതേസമയം അന്താരാഷ്ട്ര യാത്രാവിലക്കും ഹജ്ജ്-ഉംറ തുടങ്ങി തീർഥാടന കർമ്മങ്ങൾക്ക് ഏർപ്പെടുത്തിയിരുന്ന വിലക്ക് തുടരും. ജൂലൈ അവസാന വാരത്തോടെ ആരംഭിക്കേണ്ട ഹജ്ജ് തീർഥാടനം സംബന്ധിച്ച് സൗദിയിൽ ഇതുവരെ അന്തിമപ്രഖ്യാപനം ഒന്നും നടത്തിയിട്ടുമില്ല.

അതേസമയം രാജ്യത്ത് കോവിഡ് ബാധിതരുടെ എണ്ണം ഉയരുകയാണ്. കഴിഞ്ഞ 24 മണിക്കൂറിനിടെ മാത്രം രോഗം സ്ഥിരീകരിച്ചത് 3379 പേർക്കാണ്. ഇതോടെ രാജ്യത്തെ രോഗബാധിതരുടെ എണ്ണം 157612 ആയി ഉയർന്നു. 37 മരണങ്ങൾ കൂടി റിപ്പോർട്ട് ചെയ്യപ്പെട്ടതോടെ മരണ സംഖ്യ 1267 ആയി. കോവിഡ് രോഗമുക്തി നേടുന്നവരുടെ എണ്ണത്തിലും വർധനവുണ്ടാകുന്നുണ്ട്. ആരോഗ്യമന്ത്രാലയത്തിന്‍റെ കണക്കുകൾ പ്രകാരം 101130 പേരാണ് ഇതുവരെ കോവിഡ് മുക്തി നേടിയത്. 55215 പേർ ചികിത്സയിൽ തുടരുന്നുണ്ട്.

TRENDING:മലപ്പുറത്ത് ഡി.വൈ.എഫ്.ഐയുടെ കൊലവിളി: നടപടിയെടുക്കുമെന്ന് ജില്ലാ നേതൃത്വം; പൊലീസ് കേസെടുത്തു [NEWS] 'ചൈന പിന്നില്‍നിന്ന് കുത്തി'; ചോദ്യങ്ങൾക്ക് പ്രധാനമന്ത്രി മറുപടി നൽകണമെന്ന് കമൽഹാസൻ [NEWS]ആരോഗ്യമന്ത്രി കെ.കെ ശൈലജയെ അശ്ലീലമായി ചിത്രീകരിച്ച് ഫേസ്ബുക്ക് പോസ്റ്റ്; മുക്കം സ്വദേശിക്കെതിരെ കേസ് [NEWS]

കർഫ്യു പിൻവലിച്ചെങ്കിലും രോഗവ്യാപനം തുടരുന്ന സാഹചര്യത്തിൽ സുരക്ഷാ നിയന്ത്രണങ്ങൾ പഴയത് പോലെ തന്നെ തുടരുമെന്ന് അധിക‍ൃതർ വ്യക്തമാക്കിയിട്ടുണ്ട്. മാസ്‌ക് ധരിക്കാതിരിക്കുക, ശാരീരിക അകലം പാലിക്കാതിരിക്കുക തുടങ്ങി പ്രതിരോധ മുൻകരുതലുകളിൽ വീഴ്ച വരുത്തുന്നുവര്‍ക്ക് ആയിരം റിയാൽ വരെ പിഴ ചുമത്തുമെന്നാണ് മുന്നറിയിപ്പ്.
First published: June 22, 2020, 6:37 AM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading