വിദേശയാത്ര; കോവിഡ് വാക്സിന്‍ രണ്ടാം ഡോസ് നേരത്തെ ലഭിക്കാൻ പ്രത്യേക അപേക്ഷ

വിശദവിവരങ്ങൾക്ക് ദിശ ഹെൽപ്‌ലൈൻ– 1056, 104 എന്നീ നമ്പറുകളിൽ ബന്ധപ്പെടാം

News18 Malayalam

News18 Malayalam

  • Share this:
    തിരുവനന്തപുരം: വിദേശത്തേക്ക് പോകുന്നവർക്ക് രണ്ടാം ഡോസ് കോവിഡ് വാക്സിൻ നേരത്തെ നൽകുമെന്ന് ആരോഗ്യവകുപ്പ് അറിയിച്ചിരുന്നു. വിദേശ രാജ്യങ്ങളില്‍ പോകുന്നവര്‍ക്ക് കോവിഷീല്‍ഡ് രണ്ടാം ഡോസ് വാക്‌സിന്‍ 4 മുതല്‍ 6 ആഴ്ചയ്ക്കുള്ളില്‍ നല്‍കാനും പ്രത്യേക വാക്‌സിനേഷന്‍ സര്‍ട്ടിഫിക്കറ്റ് നല്‍കുന്നതും സംബന്ധിച്ചാണ് ആരോഗ്യവകുപ്പ് മാർഗനിർദേശങ്ങൾ പുറത്തിറക്കിയത്. ഇതിനായി പ്രത്യേക അപേക്ഷ നൽകണം. രണ്ടാം ഡോസ് വാക്സിനേഷനിൽ മുൻഗണന ലഭിക്കാനായി https://covid19.kerala.gov.in/vaccine/ എന്ന വെബ്സൈറ്റിൽ അപേക്ഷിക്കാം. ഇതിനുള്ള സംവിധാനം ഉടൻ ലഭ്യമാകും. യാത്രാ വിവരത്തിന്‍റെ രേഖകളും ഇതിനൊപ്പം അപ്ലോഡ് ചെയ്യണം.

    രണ്ടാം ഡോസ് വാക്സിൻ നേരത്തെ ലഭിക്കാൻ അപേക്ഷിക്കേണ്ട രീതി:

    https://covid19.kerala.gov.in/vaccine/ എന്ന വെബ്സൈറ്റ് വഴിയാണ് അപേക്ഷിക്കേണ്ടത്.

    വിദേശത്ത് വച്ച് ആസ്ട്രസിനക്ക വാക്സിന്‍ ആദ്യ ഡോസ് സ്വീകരിച്ചവര്‍ക്ക് സംസ്ഥാനത്ത് നിന്നും രണ്ടാം ഡോസ് കോവിഷീല്‍ഡ് വാക്സിന്‍ സ്വീകരിക്കാം. അവര്‍ വാക്സിനേഷന്‍ കേന്ദ്രത്തിലെത്തി രണ്ടാം ഡോസിനായി രജിസ്റ്റര്‍ ചെയ്യണം.

    രണ്ടാം ഡോസ് വാക്സിന്‍ നേരത്തെ എടുത്തിട്ടുള്ളവര്‍ക്ക് സംസ്ഥാനം നല്‍കുന്ന സര്‍ട്ടിഫിക്കറ്റ് ലഭിക്കാനായി https://covid19.kerala.gov.in/vaccine/ല്‍ പ്രത്യേകം അപേക്ഷിക്കണം.

    രണ്ടാം ഡോസ് സ്വീകരിച്ച സമയത്ത് മെഡിക്കല്‍ ഓഫീസര്‍ നല്‍കിയിട്ടുള്ള പ്രൊവിഷണല്‍ സര്‍ട്ടിഫിക്കറ്റ് കൂടി അപ്ലോഡ് ചെയ്യണം.

    Also Read-പ്രവാസികള്‍ക്ക് വാക്സിനേഷന്‍ സര്‍ട്ടിഫിക്കറ്റ്: കൈയിലുള്ള മൊബൈലിൽ ഒടിപി ലഭ്യമാക്കുമെന്ന് മുഖ്യമന്ത്രി

    രണ്ടാം ഡോസ് സ്വീകരിച്ച ശേഷം വാക്‌സിനേഷൻ കേന്ദ്രത്തിൽ നിന്നു താൽക്കാലിക സർട്ടിഫിക്കറ്റ് ലഭിക്കും. വിദേശയാത്ര ചെയ്യുന്നവർ https://covid19.kerala.gov.in/vaccine/ എന്ന വെബ്സൈറ്റ് സന്ദർശിച്ച് VACCINATION CERTIFICATE (GOING ABROAD) എന്ന ടാബ് ക്ലിക്ക് ചെയ്യുക. വാക്‌സിനേഷൻ കേന്ദ്രത്തിൽ നിന്നു ലഭിച്ച സർട്ടിഫിക്കറ്റും മറ്റു വ്യക്തിഗത വിവരങ്ങളും നൽകുക. അപേക്ഷകൾ ജില്ലാ മെഡിക്കൽ ഓഫിസർ (ഡിഎംഒ) പരിശോധിച്ച് അർഹതയുള്ളവർക്കാണ് സർട്ടിഫിക്കറ്റ് നൽകുന്നത്. അപേക്ഷ അംഗീകരിച്ചാൽ റജിസ്റ്റർ ചെയ്തിട്ടുള്ള മൊബൈൽ നമ്പറിൽ എസ്എംഎസ് ലഭിക്കും. ഓൺലൈനായി ഡൗൺലോഡ് ചെയ്യാം. അപേക്ഷ നിരസിക്കപ്പെട്ടാൽ കാരണം വ്യക്തമാക്കുന്ന എസ്എംഎസ് ലഭിക്കും. ആവശ്യമായ തിരുത്തലുകൾ വരുത്തി വീണ്ടും അപേക്ഷിക്കാം.

    വിശദവിവരങ്ങൾക്ക് ദിശ ഹെൽപ്‌ലൈൻ– 1056, 104 എന്നീ നമ്പറുകളിൽ ബന്ധപ്പെടാം
    Published by:Asha Sulfiker
    First published:
    )}