തന്‍റെ കടയിലെ മൈസൂർപാക്ക് കഴിച്ചാൽ കോവിഡ് ഭേദമാകുമെന്ന് കടയുടമ; കേസെടുത്ത് അധികൃതർ

ചെന്നൈ: കോവിഡ് ഭേദമാക്കാന്‍ മൈസൂർപാക്കുമായെത്തിയ കടയുടമയ്ക്കെതിരെ കേസ് രജിസ്റ്റർ ചെയ്ത് പൊലീസ്. കോയമ്പത്തൂർ 'ശ്രീ റാം വിലാസ് നെല്ലയ് ലാല സ്വീറ്റ്സ്'ഷോപ്പ് ഉടമ ശ്രീറാമിനെതിരെയണ് ഭക്ഷ്യസുരക്ഷാ നിയമപ്രകാരം കേസെടുത്തിരിക്കുന്നത്.

തന്‍റെ ഷോപ്പിൽ പ്രത്യേകമായി തയ്യാറാക്കുന്ന മൈസൂർപാക്ക് എങ്ങനെയാണ് കോവിഡ് ഭേദമാക്കുന്നതെന്ന് വിവരിച്ചു കൊണ്ടുള്ള പരസ്യങ്ങളും ഇയാള്‍ പലയിടങ്ങളിലായി പതിപ്പിച്ചിരുന്നു.' കൊറോണ വൈറസ് ബാധിതർ ഈ മൈസൂർ പാക്ക് കഴിക്കുമ്പോൾ ആദ്യം കയ്പ്പനുഭവപ്പെടുമെങ്കിലും ഇതിലെ ഇമ്മ്യൂണിറ്റി ബൂസ്റ്റർ പ്രവർത്തനം ആരംഭിക്കുന്നതോടെ മധുരം തോന്നിത്തുടങ്ങും' എന്നായിരുന്നു പരസ്യത്തിൽ പറഞ്ഞിരുന്നത്. മൈസൂര്‍ പാക്ക് തയ്യാറാക്കാനുള്ള ഫോർമുല സൗജന്യമായി തന്നെ പ്രധാനമന്ത്രി നരേന്ദ്ര മോദിക്ക് കൈമാറാൻ തയ്യാറാണെന്നും ഇയാൾ വ്യക്തമാക്കിയിരുന്നു.

'മൈസൂർപാക്ക് തയ്യാറാക്കാനുള്ള ഫോർമുല സർക്കാരിന് സൗജന്യമായി തന്നെ കൈമാറാൻ തയ്യാറാണ്.. ഞങ്ങളിത് പ്രധാനമന്ത്രി മോദിക്ക് നല്‍കും. കേന്ദ്ര സംഘത്തോടൊപ്പം ഞാൻ ജോലി ചെയ്യണമെന്നാണ് അദ്ദേഹം ആഗ്രഹിക്കുന്നതെങ്കില്‍ ശമ്പളം ഒന്നും വാങ്ങാതെ തന്നെ അതിനും ഞാൻ തയ്യാറാണ്.. ' ശ്രീറാം പറയുന്നു.
You may also like:Kerala Gold Smuggling| സ്വർണക്കടത്തിൽ യുഎഇ കോൺസുലേറ്റിലെ ഉന്നതനും പങ്ക്; ഉദ്യോഗസ്ഥനെതിരെ യുഎഇ നടപടി എടുത്തേക്കും
[NEWS]Kerala Gold Smuggling| സ്വർണക്കടത്തിന് പിന്നിൽ എന്ത്? ഒരു കിലോ സ്വർണം കടത്തുമ്പോൾ നേട്ടം അഞ്ചുലക്ഷം രൂപ [NEWS] തീവ്രവാദികളുടെ ആക്രമണം; കശ്മീരിൽ ബിജെപി നേതാവ് ഉൾപ്പെടെ മൂന്ന് പേർ കൊല്ലപ്പെട്ടു [NEWS]
പരസ്യം വൈറലായതോടെയാണ് ഭക്ഷ്യസുരക്ഷാ വകുപ്പിന്‍റെ ശ്രദ്ധയിലുമെത്തുന്നത്. പിന്നാലെ തന്നെ കോയമ്പത്തൂരിലെ ഫുഡ് സേഫ്റ്റി ആൻഡ് സെക്യൂരിറ്റി അതോറിറ്റി ഓഫ് ഇന്ത്യ (FSSAI) അധികൃതരും ആരോഗ്യവകുപ്പ് അധികൃതരും ജില്ലാ മെഡിക്കൽ ഓഫീസറും ശ്രീറാമിന്‍റെ കടയിൽ പരിശോധനയ്ക്കെത്തി. ജില്ലാ കളക്ടറുടെ നിർദേശപ്രകാരമായിരുന്നു പരിശോധന.

ഇവിടെ നിന്ന് ഒരു ലക്ഷം രൂപ വിലമതിക്കുന്ന 120 കിലോ മൈസൂർപാക്ക് അധികൃതർ പിടിച്ചെടുത്തു. പിന്നാലെ ഇയാളുടെ ഫുഡ് ലൈസൻസ് റദ്ദാക്കി ഭക്ഷ്യസുരക്ഷ നിയമപ്രകാരം കേസെടുക്കുകയായിരുന്നു.