Tamil Nadu Lockdown | ചെന്നൈ ഉൾപ്പെടെ അഞ്ചു കോർപറേഷനുകളിൽ സമ്പൂർണ അടച്ചിടൽ പ്രഖ്യാപിച്ച് തമിഴ്നാട്

ചെന്നൈ: തമിഴ്​നാട്ടിൽ കോവിഡ് രോഗ​ ബാധിതരുടെ എണ്ണം വർധിച്ച സാഹചര്യത്തിൽ ഏപ്രിൽ 26 മുതൽ സമ്പൂർണ അടച്ചിടൽ പ്രഖ്യാപിച്ച്​ മുഖ്യമന്ത്രി എടപ്പാടി പളനിസ്വാമി. ചെന്നൈ, മധുരെ, കോയമ്പത്തൂർ, തിരുപ്പൂർ, സേലം എന്നീ കോർപറേഷനുകളിലാണ് സമ്പൂർണ ലോക്ക്ഡൗൺ പ്രഖ്യാപിച്ചിട്ടുള്ളത്​. ഭക്ഷ്യസാധനങ്ങൾ ഹോം ഡെലിവറിയായി മാത്രമാണ്​ ലഭിക്കുക. ഗതാഗതവും പൂർണമായും വിലക്കി.

ചെന്നൈ, മധുരെ, കോയമ്പത്തൂർ നഗരങ്ങളിൽ ഏപ്രിൽ 26 വൈകിട്ട്​ ആറു മുതൽ 29 വരെയാണ്​ അടച്ചിടുക. തിരിപ്പൂരിലും സേലത്തും 26 മുതൽ 28 വരെയും അടച്ചിടും. ചെന്നൈയിൽ 400 ലേറെ പേർക്ക്​ കോവിഡ്​ സ്ഥിരീകരിച്ചിട്ടുണ്ട്​. കോയമ്പത്തൂരിൽ 134 ഉം തിരുപ്പൂരിൽ 110ഉം കോവിഡ്​ ​ബാധിതരാണുള്ളതാണ്​.

BEST PERFORMING STORIES:COVID 19| തബ് ലീഗ് സമ്മേളനത്തിൽ പങ്കെടുത്തവരുമായി സമ്പർക്കം: 13 മദ്രസ വിദ്യാർഥികൾക്ക് രോഗം സ്ഥിരീകരിച്ചു [NEWS]COVID 19| 'ത്രിപുര കൊറോണ മുക്ത സംസ്ഥാനം'; പ്രഖ്യാപനവുമായി മുഖ്യമന്ത്രി ബിപ്ലബ് ദേബ് [NEWS]ലഹരിയ്ക്കായി കോഫി-കോളാ മിശ്രിതം; ആരോഗ്യത്തിന് അതീവ ഹാനീകരമെന്ന് വിദഗ്ധർ [NEWS]

ആശുപത്രികൾ, മെഡിക്കൽ സ്റ്റോറുകൾ, അമ്മ കാൻറീനുകൾ എന്നിവ തുറന്നു പ്രവർത്തിക്കും. റേഷൻ കടകൾ സാമൂഹിക അടുക്കളകൾ, ഭിന്ന​ശേഷിക്കാർക്കും മുതിർന്നവർക്കും സേവനം നൽകുന്ന സംഘടനകൾ എന്നിവക്കും പ്രവർത്തിക്കാം. ഭക്ഷ്യവസ്​തുക്കൾ വിൽക്കുന്ന കടകൾ ഉച്ചവരെ തുറക്കാം. ഹോട്ടലുകൾക്ക്​ ഹോം ഡെലിവറി നടത്താൻ മാത്രമാണ്​ അനുമതി.

കോവിഡ്​ വ്യാപന മേഖലകളിലേക്ക്​ പ്രവേശനം അനുവദിക്കില്ല. ലോക്ക്​ഡൗൺ മാനദണ്ഡങ്ങൾ പാലിക്കാത്തവർക്കെതിരെ നിയമ നടപടിയെടുക്കുമെന്നും മുഖ്യമന്ത്രി പളനിസ്വാമി അറിയിച്ചു. സംസ്ഥാനത്ത്​ 1629 പേർക്കാണ്​ കോവിഡ്​ സ്ഥിരീകരിച്ചിട്ടുള്ളത്​. വൈറസ്​ ബാധയെ തുടർന്ന്​ 18 പേർ മരിക്കുകയും ചെയ്​തു.