സർക്കാരിന് പിന്തുണ; ബാറുകളും ബിവറേജുകളും പൂട്ടണമെന്നതിൽ വിട്ടുവീഴ്ചയില്ലെന്ന് യുഡിഎഫ്

തിരുവനന്തപുരം: കോവിഡ് 19 ൻ്റെ പശ്ചാത്തലത്തിൽ ബാറുകളും ബിവറേജുകളും അടച്ചിടണമെന്ന നിലപാടിൽ ഉറച്ച് യു.ഡി.എഫ്.  ബാറുകളും ബിവറേജുകൾക്കും നിയന്ത്രണമേർപ്പെടുത്താൻ സർക്കാർ ഗൗരവം കാണിക്കുന്നില്ലെന്ന് മുന്നണി കൺവീനർ ബെന്നി ബെഹ്നാൻ കുറ്റപ്പെടുത്തി.

ആരാധനാലങ്ങളിൽ  നിയന്ത്രണമേർപ്പെടുത്തുന്ന സർക്കാർ എന്തുകൊണ്ട് മദ്യശാലകൾക്ക് നിയന്ത്രണമേർപ്പെടുത്തുന്നില്ല. മറ്റു പല സംസ്ഥനങ്ങളും ബാറുകൾ താത്കാലികമായി പൂട്ടി. കേരളം ഇത് മാതൃകയാക്കണമെന്നാണ് യുഡിഎഫ് ആവശ്യപ്പെടുന്നത്.

നിലവിലെ സാഹചര്യത്തിൽ രണ്ടുമ മാസത്തെ സാമൂഹ്യക്ഷേമ പെൻഷൻ രണ്ടു മാസത്തേത് ഒന്നിച്ചു നൽകുമെന്ന് സർക്കാർ വ്യക്തമാക്കിയിരുന്നു. ആറുമാസത്തെ കുടിശിക നിലനിൽക്കെ രണ്ടു മാസത്തേത്  നൽകുമെന്ന് മാത്രമാണ്  സർക്കാരിൻ്റെ പ്രഖ്യാപനമെന്നും ബെന്നി ബഹ്നാൻ ആരോപിച്ചു.
You may also like:COVID 19 Live Updates | സംസ്ഥാനത്ത് കോവിഡ് 19 രോഗബാധിതരുടെ എണ്ണം 40; കാസർകോട് മാത്രം രോഗം സ്ഥിരീകരിച്ചത് 6 പേരിൽ [NEWS]'ജനതാ കർഫ്യൂവിനോട് പൂർണ സഹകരണം; KSRTC- മെട്രോ സർവീസുകൾ നിർത്തിവയ്ക്കും': മുഖ്യമന്ത്രി [NEWS]അമലാ പോൾ വിവാഹിതയായി; രാജസ്ഥാനി വേഷത്തിൽ വധൂവരൻമാർ [PHOTOS]

കോവിഡിനെ ചെറുക്കാൻ സർക്കാർ സ്വീകരിക്കുന്ന മുൻകരുതൽ നടപടികൾക്ക് യു.ഡി.എഫ് പിന്തുണ അറിയിച്ചു.  ജാഗ്രത നിർദ്ദേശങ്ങൾ ചർച്ച ചെയ്യുന്നതിനാണ് ഇന്ന്പ്രത്യേക യു.ഡി.എഫ് യോഗം ചേർന്നത്. കുട്ടനാട് ഉപതെരഞ്ഞെടുപ്പ് ഉടൻ ഉണ്ടാകില്ല. അതിനാൽ വിഷയം ഇപ്പോൾ ചർച്ചചെയ്തു വഷളാക്കേണ്ടതില്ലെന്ന നിലപാടിലാണ് മുന്നണി നേതൃത്വം. കുട്ടനാട് സീറ്റ്  അടക്കമുള്ള രാഷ്ട്രീയ കാര്യങ്ങൾ ചർച്ച ചെയ്യാൻ ഏപ്രിൽ ആറിന് യുഡിഎഫ് വീണ്ടും യോഗം ചേരും.