• HOME
  • »
  • NEWS
  • »
  • coronavirus-latest-news
  • »
  • June 21 Solar Eclipse | ജൂൺ 21-ലെ സൂര്യഗ്രഹണം കൊറോണവൈറസിനെ നശിപ്പിക്കുമോ? ശാസ്ത്രം പറയുന്നതിങ്ങനെ

June 21 Solar Eclipse | ജൂൺ 21-ലെ സൂര്യഗ്രഹണം കൊറോണവൈറസിനെ നശിപ്പിക്കുമോ? ശാസ്ത്രം പറയുന്നതിങ്ങനെ

ഈ സൗരോർജ്ജ കൊറോണയ്ക്ക് ഭൂമിയിലെ കൊറോണ വൈറസിനെ നശിപ്പിക്കാനുള്ള ഒരേയൊരു മാർഗ്ഗം, അവ തമ്മിൽ സമ്പർക്കം പുലർത്തുക എന്നതാണ്

solar eclipse corona

solar eclipse corona

  • Last Updated :
  • Share this:
    6സൂര്യഗ്രഹണം വരുന്നു. ഈ വർഷത്തെ ആദ്യ സൂര്യഗ്രഹണം കേരളത്തിൽ ഉൾപ്പടെ രാജ്യത്തിന്‍റെ വിവിധ ഭാഗങ്ങളിൽ ജൂൺ 21ന് ദൃശ്യമാകും. ഈ ഗ്രഹണത്തിന് ചില സവിശേഷതകളുണ്ട്. മുത്തുമാലയ്ക്കു സമാനമായി 30 സെക്കൻഡുകൾ ഇത് ദൃശ്യമാകും. 100 വർഷത്തിനിടെ ഏറ്റവും ആഴമേറിയ വാർഷിക സൂര്യഗ്രഹണവുമായിരിക്കുമിത്. എന്നാൽ സൂര്യഗ്രഹണത്തിനൊപ്പം ചില വിശ്വാസങ്ങളും രൂപപ്പെടന്നുണ്ട്. ഈ ഗ്രഹണം കൊറോണവൈറസിനെ നശിപ്പിക്കുമോയെന്ന ചർച്ച വ്യാപകമാണ്.

    അതുകൊണ്ടുതന്നെ ഗൂഗിൾ സെർച്ചിലെ ഒരു ജനപ്രിയ ചോദ്യമായി ഇതു മാറി. സൂര്യഗ്രഹണ തീയതി അടുത്തുവരുന്നതിനനുസരിച്ച് ഇന്‍റർനെറ്റിലും സോഷ്യൽമീഡിയയിലും ഈ ചർച്ച വ്യാപകമായി.

    സൂര്യഗ്രഹണം എന്താണെന്ന് നോക്കാം: സൂര്യനും ഭൂമിക്കും ഇടയിൽ ചന്ദ്രൻ വരുകയും സൂര്യന്റെ പ്രകാശത്തെ തടസ്സപ്പെടുത്തുകയും ചെയ്യുമ്പോൾ ചന്ദ്രന്‍റെ നിഴൽ ഭൂമിയിൽ ദൃശ്യമാകുകയും ചെയ്യുന്നതോടെയാണ് സൂര്യഗ്രഹണം സംഭവിക്കുന്നത്. ഒരു വാർഷിക സൂര്യഗ്രഹണത്തിൽ, ഭൂമിയിൽ നിന്ന് കാണുമ്പോൾ ചന്ദ്രൻ പൂർണ്ണമായും ഭാഗികമായോ സൂര്യനെ മൂടുന്നു.



    കൊറോണ വൈറസുമായി ഇതിന് എന്തു ബന്ധമാണുള്ളത്?

    കൊറോണ വൈറസ് രോഗവ്യാപനം റിപ്പോർട്ടുചെയ്തു തുടങ്ങിയ ഡിസംബർ 26 ന് നടന്ന സൂര്യഗ്രഹണവും ഇപ്പോഴത്തെ സൂര്യഗ്രഹണവും തമ്മിൽ ബന്ധമുണ്ടെന്ന് ചെന്നൈ ആസ്ഥാനമായുള്ള ഒരു ശാസ്ത്രജ്ഞൻ പറയുന്നു.

    കഴിഞ്ഞ സൂര്യഗ്രഹണത്തിനുശേഷം "സൗരയൂഥത്തിൽ പുതിയ വിന്യാസമുള്ള ഗ്രഹ ക്രമീകരണം" ഉണ്ടായി. സൂര്യഗ്രഹണസമയത്ത് സൗരയൂഥത്തിൽനിന്ന് പുറപ്പെട്ട ചില വസ്തുക്കളാണ് കോവിഡിന് കാരണമെന്ന് എൽ സുന്ദർ കൃഷ്ണ പറയുന്നു.

    വൈറസ് എങ്ങനെ ഉത്ഭവിച്ചു എന്നതിനെക്കുറിച്ചുള്ള ഒരു സിദ്ധാന്തം പോലും കൃഷ്ണ മുന്നോട്ടുവെക്കുന്നു. "അന്തർ-ഗ്രഹശക്തി വ്യതിയാനം" നടന്ന മുകളിലെ അന്തരീക്ഷത്തിൽ നിന്നാണ് വൈറസ് വന്നതെന്ന് അദ്ദേഹം ANI യോട് പറഞ്ഞു. ഈ ന്യൂട്രോണുകൾ ന്യൂക്ലിയേറ്റ് ചെയ്യാൻ തുടങ്ങി, ഇത് അന്തരീക്ഷത്തിലെ ബയോ ന്യൂക്ലിയർ പ്രതിപ്രവർത്തനങ്ങൾക്ക് കാരണമായി. ബയോ ന്യൂക്ലിയർ ഇടപെടൽ, വൈറസിന്റെ ഉറവിടമാകാമെന്നും സുന്ദർ കൃഷ്ണ പറയുന്നു.

    എന്നിരുന്നാലും, ഇത് യഥാർത്ഥത്തിൽ ശാസ്ത്രത്തിൽ അധിഷ്ഠിതമായിരിക്കില്ല. വാസ്തവത്തിൽ, കൊറോണ വൈറസും സൂര്യഗ്രഹണവും തമ്മിലുള്ള ഒരേയൊരു ബന്ധം സൂര്യൻ മാത്രമാണ്.

    1986 ൽ 'കൊറോണ വൈറസ്' എന്ന പദം കൊണ്ടുവന്ന ശാസ്ത്രജ്ഞർ ഒരു മൈക്രോസ്കോപ്പിന് കീഴിൽ അവർ നോക്കുന്ന വൈറസിന് ഒരു സൗര കൊറോണയോട് സാമ്യമുള്ളതായി കണ്ടെത്തി: അങ്ങനെയാണ് ആ പേര് നൽകിയത്.

    നാസയും സമാനമായി വിവരിക്കുന്നു: കൊറോണ സൂര്യന്റെ അന്തരീക്ഷത്തിന്റെ ഏറ്റവും പുറം ഭാഗമാണ്. കൊറോണ സാധാരണയായി സൂര്യന്റെ ഉപരിതലത്തിലെ പ്രകാശത്താൽ മറഞ്ഞിരിക്കുന്നു. പ്രത്യേക ഉപകരണങ്ങൾ ഉപയോഗിക്കാതെ ഇത് കാണാൻ ബുദ്ധിമുട്ടാണ്. എന്നിരുന്നാലും, കൊറോണ പൂർണ സൂര്യഗ്രഹണ സമയത്ത് കാണാനാകും. "

    കൊറോണ വൈറസിനെ ചൂടുള്ള കാലാവസ്ഥ എങ്ങനെ നശിപ്പിക്കുമെന്നതിനെക്കുറിച്ചും ഒരു മിഥ്യയുണ്ട്. സൗരോർജ്ജ കൊറോണ, കൊറോണ വൈറസിനെ കൊല്ലാൻ സാധ്യതയുണ്ടെന്നത് ഒരു മിഥ്യയാണെന്ന് ശാസ്ത്രലോകം വ്യക്തമാക്കി. കൊടുംചൂടിൽ വൈറസ് നശിക്കുമെന്ന വാദം ലോകാരോഗ്യസംഘടനയും തള്ളിയിരുന്നു. എന്നാൽ സൗരോർജ്ജ കൊറോണ ശരിക്കും ചൂടുള്ളതാണ്. വാസ്തവത്തിൽ അവ സൂര്യന്റെ ഉപരിതലത്തേക്കാൾ നൂറുമടങ്ങ് ചൂട് കൂടിയതാണ്.

    എന്നാൽ ഈ സൗരോർജ്ജ കൊറോണയ്ക്ക് ഭൂമിയിലെ കൊറോണ വൈറസിനെ നശിപ്പിക്കാനുള്ള ഒരേയൊരു മാർഗ്ഗം, അവ തമ്മിൽ സമ്പർക്കം പുലർത്തുക എന്നതാണ്. സൂര്യൻ ഭൂമിയിൽനിന്ന് 152.02 ദശലക്ഷം കിലോമീറ്റർ ആകലെയായതിനാൽ അത് സംഭവിക്കില്ല.
    TRENDING:Gold Price| സ്വര്‍ണവിലയിൽ റെക്കോഡ് വർധനവ്; ആറു മാസത്തിനിടയിൽ കൂടിയത് 6400 രൂപ [NEWS]Amazon Alcohol Delivery| കുടിയന്മാർക്ക് സന്തോഷ വാർത്ത; ആമസോണ്‍ ഓണ്‍ലൈൻ മദ്യവിതരണരംഗത്തേക്ക്; ആദ്യം ബംഗാളിൽ [NEWS]RIP Sachy | 'സച്ചിയേട്ടാ, കണ്ണമ്മയെ നിങ്ങൾ കരയിച്ചു': നടി ഗൗരി നന്ദയുടെ ഹൃദയകാരിയായ കുറിപ്പ് [NEWS]
    'കൊറോണ വൈറസിനെ കൊല്ലാനുള്ള' ഒരേയൊരു ശാസ്ത്രീയ മാർഗ്ഗം സോപ്പും വെള്ളവും ഉപയോഗിച്ച് 20 സെക്കൻഡ് നേരം കൈ കഴുകുക, സാനിറ്റൈസറുകൾ ഉപയോഗിക്കുക, രോഗത്തിൻറെ വാഹകരാകാൻ സാധ്യതയുള്ള ഒരാളുമായി സമ്പർക്കം പുലർത്തുന്ന ഉപരിതലങ്ങൾ അണുവിമുക്തമാക്കുക എന്നിവയാണ്.

    മാസ്ക്കുകൾ ധരിക്കുക, നല്ല ശുചിത്വം പാലിക്കുക, നിങ്ങളുടെ മുഖത്ത് ഇടയ്ക്കിടെ സ്പർശിക്കാതിരിക്കുക, അതുപോലെ തന്നെ മറ്റുള്ളവരുമായുള്ള സമ്പർക്കം പരിമിതപ്പെടുത്തുന്നത് രോഗം പകരുന്നത് തടയുന്നു.

    സൂര്യഗ്രഹണം കൊറോണ വൈറസിനെ കൊല്ലുകയില്ല - കൊറോണയെ തുരത്തുകയെന്നത് പൂർണ്ണമായും അവരവരുടെ കൈകളിലുള്ള വിഷയമാണ്...
    Published by:Anuraj GR
    First published: