• News
  • Mission Paani
  • Sports
  • Films
  • Gulf
  • Life
  • Career
  • Crime
  • Photos
  • Video
  • Buzz
  • Live TV

11 പേർ ദുരൂഹമായി മരിച്ച വീട്ടിൽ പൊലീസിനെ കുഴക്കി 11 പൈപ്പുകൾ!

News18 Malayalam
Updated: July 2, 2018, 5:39 PM IST
11 പേർ ദുരൂഹമായി മരിച്ച വീട്ടിൽ പൊലീസിനെ കുഴക്കി 11 പൈപ്പുകൾ!
News18 Malayalam
Updated: July 2, 2018, 5:39 PM IST
ന്യൂഡൽഹി: ഒരു കുടുംബത്തിലെ 11 പേർ ദുരൂഹ സാഹചര്യത്തിൽ മരിച്ച വാർത്തയാണ് കഴിഞ്ഞ ദിവസം രാജ്യ തലസ്ഥാനത്തെ ഞെട്ടിച്ചത്. ബുറാഡി സംഭവവുമായി ബന്ധപ്പെട്ട് പൊലീസ് നടത്തുന്ന അന്വേഷണം എത്തുന്നത് ദുർമന്ത്രവാദത്തിലേക്കും ആത്മാവിനെ ആവാഹിക്കാനുള്ള ശ്രമത്തിലേക്കുമാണ്. ഇതിനിടെ സംഭവം നടന്ന വീട്ടിൽ ഇന്ന് നടത്തിയ തെളിവെടുപ്പിനിടെ 11 സ്വീവേജ് പൈപ്പുകൾ ക്രമരഹിതമായി ഒരു ഭിത്തിയിൽ സ്ഥാപിച്ചിരിക്കുന്നത് പൊലീസിനെ വെട്ടിലാക്കി. ഇത്തരത്തിൽ പൈപ്പ് സ്ഥാപിച്ചതുമായി ദുരൂഹമരണങ്ങൾക്ക് ബന്ധമുണ്ടോയെന്ന് കണ്ടെത്താനുള്ള ശ്രമത്തിലാണ് പൊലീസ്. ആത്മാവിനെ ആവാഹിക്കുന്നതിനായാണ് 11 പൈപ്പുകൾ ഭിത്തിയിൽ സ്ഥാപിച്ചതെന്നും സൂചനയുണ്ട്.

ഞായറാഴ്ച രാവിലെയാണ് ഒരു കുടുംബത്തിലെ 11 പേരെ ദുരൂഹസാഹചര്യത്തിൽ മരിച്ച നിലയിൽ കണ്ടെത്തിയത്. ഇതിൽ ഏഴ് സ്ത്രീകളും രണ്ടു കുട്ടികളുമുണ്ടായിരുന്നു. സംഭവം നടന്ന വീട്ടിൽനിന്ന് കണ്ടെടുത്ത കുറിപ്പുകൾ ദുർമന്ത്രവാദത്തിലേക്കുള്ള സാധ്യതയാണ് വിരൽചൂണ്ടുന്നത്. ഈ കുടുംബം ഏതെങ്കിലും ആൾദൈവത്തിന്‍റെ അനുയായികളാണോയെന്ന് പൊലീസ് പരിശോധിക്കുന്നുണ്ട്. കൂടാതെ നേരത്തെ ഇവർ ഏതെങ്കിലും തരത്തിലുള്ള ആഭിചാരക്രിയകളും ദുർമന്ത്രവാദവും നടത്തിയിട്ടുണ്ടോയെന്നും പൊലീസ് അന്വേഷിക്കുന്നുണ്ട്.
First published: July 2, 2018
കൂടുതൽ കാണുക
Loading...
അടുത്തത് വാര്‍ത്തകള്‍
Loading...