• HOME
  • »
  • NEWS
  • »
  • crime
  • »
  • Rape |പതിനൊന്നുകാരിയെ കൂട്ടബലാത്സംഗത്തിനിരയാക്കി; പ്രായപൂര്‍ത്തിയാകാത്ത ആറ് പേര്‍ പിടിയില്‍

Rape |പതിനൊന്നുകാരിയെ കൂട്ടബലാത്സംഗത്തിനിരയാക്കി; പ്രായപൂര്‍ത്തിയാകാത്ത ആറ് പേര്‍ പിടിയില്‍

സുഹൃത്തുക്കള്‍ക്കൊപ്പം വീട്ടിലേക്ക് മടങ്ങുന്നതിനിടെ പിന്തുടര്‍ന്നെത്തിയ സംഘം പെണ്‍കുട്ടിയെ ബലമായി വിജനമായ സ്ഥലത്തേക്ക് പിടിച്ചുകൊണ്ടുപോയി കൂട്ട മാനഭംഗത്തിനിരയാക്കുകയായിരുന്നു.

പ്രതീകാത്മക ചിത്രം

പ്രതീകാത്മക ചിത്രം

  • Share this:
    റാഞ്ചി: പതിനൊന്നുകാരിയെ കൂട്ടബലാത്സംഗത്തിനിരയാക്കിയ കേസില്‍ പ്രായപൂര്‍ത്തിയാകാത്ത ആറുപേരെ പൊലീസ് അറസ്റ്റ് ചെയ്തു. പത്തിനും 15നും ഇടയില്‍ പ്രായമുള്ളവരാണ് പിടിയിലായത്. ജാര്‍ഖണ്ഡിലെ കുന്തി ജില്ലയില്‍ കഴിഞ്ഞദിവസം രാത്രിയാണ് സംഭവം.

    പെണ്‍കുട്ടി അടുത്തുള്ള ഗ്രാമത്തിലെ വിവാഹ ചടങ്ങില്‍ പങ്കെടുക്കാന്‍ പോയതായിരുന്നു. വിവാഹ വീട്ടില്‍ നൃത്ത പരിപാടിക്കിടെ ആണ്‍കുട്ടികളുമായി വഴക്കുണ്ടായി. പെണ്‍കുട്ടിക്ക് ഇവരെ മുന്‍പരിചയമുണ്ടായിരുന്നു. സുഹൃത്തുക്കള്‍ക്കൊപ്പം വീട്ടിലേക്ക് മടങ്ങുന്നതിനിടെ പിന്തുടര്‍ന്നെത്തിയ സംഘം പെണ്‍കുട്ടിയെ ബലമായി വിജനമായ സ്ഥലത്തേക്ക് പിടിച്ചുകൊണ്ടുപോയി കൂട്ട മാനഭംഗത്തിനിരയാക്കുകയായിരുന്നു.

    ഓടി രക്ഷപ്പെട്ട പെണ്‍കുട്ടിയുടെ സുഹൃത്തുക്കളാണ് രക്ഷിതാക്കളെ വിവരം അറിയിച്ചത്. നാണക്കേട് ഭയന്ന് ആദ്യം പരാതി നല്‍കാന്‍ വിസമ്മതിച്ച കുടുംബം, പിന്നീട് സ്റ്റേഷനിലെത്തി പരാതി നല്‍കുകയായിരുന്നു.

    POCSO | ആറുവയസുകാരിയെ പീഡിപ്പിച്ചു; ബൈക്ക് സൈലന്‍സര്‍ കൊണ്ട് പൊളളിച്ചു; 23 കാരന് 25 വര്‍ഷം കഠിനതടവ്

    തിരുവനന്തപുരം: ആറു വയസുകാരിയെ പീഡിപ്പിച്ച 23 കാരന് 28 വര്‍ഷവും ആറു മാസവും കഠിനതടവും. കുട്ടികള്‍ക്കെതിരായ അതിക്രമങ്ങള്‍ വിചാരണ ചെയ്യുന്ന പ്രത്യേക കോടതിയാണ് പ്രതിയെ ശിക്ഷിച്ചത്. പൂന്തുറ സ്വദേശി സെല്‍ജി(23)യെ കോടതി കഠിന തടവിനും 60,000 രൂപ പിഴയ്ക്കും ശിക്ഷിച്ചത്. പിഴ ഒടുക്കിയില്ലെങ്കില്‍ ആറു മാസം അധിക തടവ് അനുഭവിക്കണം.

    പെണ്‍കുട്ടിയുടെ അമ്മയ്ക്ക് അസുഖമുള്ളതിനാല്‍ കുടുംബം മറ്റൊരിടത്തായിരുന്നു താമസം. തുടര്‍ന്ന് പെണ്‍കുട്ടിയെ പൂന്തുറയില്‍ താമസിക്കുന്ന സഹോദരിയുടെ അടുത്തേക്ക് അയക്കുകയായിരുന്നു. ഈ സമയത്താണ് പെണ്‍കുട്ടി ലൈംഗികവും ശാരീരികവുമായ പീഡനങ്ങള്‍ നേരിടേണ്ടി വന്നത്.

    2017 ഓഗസ്റ്റ് മുതല്‍ 2018 ഏപ്രില്‍ വരെ കുട്ടിയെ പലവട്ടം പ്രതി പീഡിപ്പിച്ചു. പുറത്തുപറഞ്ഞാല്‍ കൊലപ്പെടുത്തുമെന്ന് കുട്ടിയെ ഭീഷണിപ്പെടുത്തുകയും ചെയ്തു. ഇതിനിടെ കുട്ടിയുടെ കാല്‍ ബൈക്കിന്റെ  സൈലന്‍സര്‍ ഉപയോഗിച്ച് പൊള്ളിക്കുകയും ചെയ്തു.

    വേനലവധിക്കാലത്ത് വീട്ടില്‍ തിരിച്ചെത്തിയ അമ്മയ്ക്ക് ശരീരത്തിലെ മുറിവുകള്‍ കണ്ട് സംശയം തോന്നിയതിനെ തുടര്‍ന്ന് അന്വേഷിച്ചപ്പോഴാണ് പെണ്‍കുട്ടി ഇക്കാര്യം വെളിപ്പെടുത്തിയത്. പോക്സോ നിയമപ്രകാരവും ക്രൂരമായ ലൈംഗികാതിക്രമത്തിനും ഉപദ്രവിച്ചതിനും ഭീഷണിപ്പെടുത്തിയതിനും പ്രതിയ്‌ക്കെതിരെ പോലീസ് കേസെടുത്തു.
    പ്രതി പിഴത്തുക ഒടുക്കിയാല്‍ അത് കുട്ടിയ്ക്ക് നഷ്ടപരിഹാരമായി നല്‍കാന്‍ കോടതി വിധിച്ചു. പ്രത്യേക കോടതി ജഡ്ജി ആര്‍ ജയകൃഷ്ണന്റെതാണ് ഉത്തരവ്. കുട്ടിയ്ക്ക് സര്‍ക്കാര്‍ സഹായനിധിയില്‍ നിന്ന് നഷ്ടപരിഹാരം നല്‍കണമെന്ന്‌നും ഉത്തരവില്‍ പറയുന്നു. പ്രോസിക്യൂഷന് വേണ്ടി സ്‌പെഷ്യല്‍ പബ്ലിക് പ്രോസിക്യൂട്ടര്‍ ആര്‍എസ് വിജയ് മോഹന്‍ ഹാജരായി.

    Published by:Sarath Mohanan
    First published: