ഐസ്‌ക്രീം കഴിച്ചതിന് പിന്നാലെ 12കാരൻ മരിച്ചത് കൊലപാതകമെന്ന് സംശയം; പിതാവിന്റെ സഹോദരി കസ്റ്റഡിയിൽ

കോഴിക്കോട്: കൊയിലാണ്ടിയിൽ ഐസ്ക്രീം കഴിച്ചതിന് പിന്നാലെ 12 വയസുകാരൻ മരിച്ചത് കൊലപാതകമെന്ന് സംശയം. അരിക്കുളം കോറോത്ത് മുഹമ്മദലിയുടെ മകന്‍ അഹമ്മദ് ഹസന്‍ റിഫായിയാണ് (12) മരിച്ചത്. സംഭവത്തിൽ പിതാവിന്റെ സഹോദരി പൊലീസ് കസ്റ്റഡിയിലെടുത്തു.

ഐസ്ക്രീമിൽ വിഷം കലർന്നതായി സൂചനയെ തുടർന്നാണ് ഇവരെ കസ്റ്റഡിയിലെടുത്തത്. ചങ്ങരോത്ത് എംയുപി സ്‌കൂള്‍ ആറാം ക്ലാസ് വിദ്യാർത്ഥിയാണ് ഹസന്‍ റിഫായി. തിങ്കളാഴ്ച രാവിലെ കോഴിക്കോട്ട് സ്വകാര്യ ആശുപത്രിയിലായിരുന്നു മരണം.

Also Read-കോഴിക്കോട് ഐസ്‌ക്രീം കഴിച്ചശേഷം ഛർദിയും ദേഹാസ്വാസ്ഥ്യവും അനുഭവപ്പെട്ട ആറാം ക്ലാസ് വിദ്യാർത്ഥി മരിച്ചു

കുട്ടി ഞായറാഴ്ച വൈകിട്ട് ഐസ്‌ക്രീം കഴിച്ചിരുന്നു. പിന്നീട് ഛർദി അനുഭവപ്പെട്ടതിനെത്തുടർന്ന് വീടിനു സമീപത്തെ ക്ലിനിക്കിലും പിന്നീട് മേപ്പയ്യൂരിലും ചികിത്സതേടി. തിങ്കളാഴ്ച പുലര്‍ച്ച അസ്വസ്ഥതകള്‍ വർധിച്ചു. ഇതേതുടർന്ന് കോഴിക്കോട്ട് സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല.