നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • crime
    • »
    • കഞ്ചാവ് വിൽപന പൊലീസിൽ അറിയിച്ചതിന് യുവാവിന് ക്രൂരമർദ്ദനം; 18കാരൻ പിടിയിൽ

    കഞ്ചാവ് വിൽപന പൊലീസിൽ അറിയിച്ചതിന് യുവാവിന് ക്രൂരമർദ്ദനം; 18കാരൻ പിടിയിൽ

    പ്രതി കൈയിൽ കരുതിയിരുന്ന കമ്പി വടി കൊണ്ട് തലയ്ക്കും മറ്റും അടിച്ചു ഗുരുതരമായി പരിക്കേൽപ്പിക്കുകയായിരുന്നു

    shiyas

    shiyas

    • Share this:
      കൊല്ലം: കഞ്ചാവ് വിൽപന പൊലീസിൽ അറിയിച്ചതിന് യുവാവിന് ക്രൂരമർദ്ദനമേറ്റു. സംഭവത്തിൽ ഒരാൾ അറസ്റ്റിലായി. അഞ്ചൽ ആയിരനല്ലൂർ കല്യാണിമുക്ക് ജോജു ഭവനിൽ വിത്സൺ ജോർജ്ജ് മകൻ 32 വയസ്സുള്ള ജോജു വിൽസനെ ക്രൂരമായി മർദ്ദിച്ച സംഭവത്തിൽ അഞ്ചൽ തടിക്കാട് പൊങ്ങുമുകൾ എന്ന ഷാജി മൻസിലിൽ ഷാജിയുടെ ഷിനാസ്(18) ആണ് അറസ്റ്റിലായത്. കല്യാണി മുക്കിനു സമീപം കത്തോലിക്കാ പള്ളി റോഡിലൂടെ വീട്ടിലേക്കു പോകുകയായിരുന്ന വിത്സൻ ജോർജിനെ പ്രതിയും സംഘവും ക്രൂരമായി മർദ്ദിക്കുകയായിരുന്നു.

      പ്രതി കൈയിൽ കരുതിയിരുന്ന കമ്പി വടി കൊണ്ട് തലയ്ക്കും മറ്റും അടിച്ചു ഗുരുതരമായി പരിക്കേൽപ്പിക്കുകയായിരുന്നു. കേസിൽ ഷിനാസിനൊപ്പമുണ്ടായിരുന്നയാൾ വിത്സൻ ജോർജിന്‍റെ വീട്ടിൽ സ്ഥാപിച്ചിരുന്ന ക്യാമറ അടിച്ചു പൊട്ടിച്ചു തെളിവ് നശിപ്പിച്ചതായും പൊലീസ് പറയുന്നു. കൂടെയുണ്ടായിരുന്ന കണ്ടാലറിയാവുന്ന മറ്റു രണ്ടുപേർ സംഭവസ്ഥലത്തുനിന്നും ഓടിരക്ഷപെട്ടു. ഷിനാസും കൂട്ടാളികളും കഞ്ചാവ് വിൽപ്പന നടത്തുന്നത് ആവലാതിക്കാരൻ പോലീസിൽ പറഞ്ഞതാണ് മർദ്ദിക്കാൻ കാരണം.

      കാറിന്റെ ഡോറിനുള്ളില്‍ കഞ്ചാവ് ഒളിപ്പിച്ച് കടത്താന്‍ ശ്രമം; 65 കിലോ കഞ്ചാവുമായി രണ്ടു പേര്‍ പിടിയില്‍

      വാഹനപരിശോധനയ്ക്കിടെ 65 കിലോ കഞ്ചാവുമായി(Cannabis) രണ്ടു പേര്‍ പിടിയില്‍(Arrest). കാറിന്റെ ഡോറിനുള്ളില്‍ കഞ്ചാവ് ഒളിപ്പിച്ച് കടത്താനായിരുന്നു ശ്രമം. ആന്ധ്ര സ്വദേശികളായ ഹരിബാബു(40), ചെമ്പട്ടി ബ്രമ്മയ്യ (35) എന്നിവരാണ് പൊലീസ് പിടിയിലായത്.

      തെന്മല കോട്ടവാസല്‍ ഭാഗത്ത് തെന്മല എസ്.ഐ ഡി.ജെ. ശാലുവിന്റെ നേതൃത്വത്തിലുള്ള പോലീസ് സംഘം വാഹന പരിശോധന നടത്തിയിരുന്നു. ഇതിനിടെയാണ് ആന്ധ്ര സ്വദേശികള്‍ സഞ്ചരിച്ച വാഹനമെത്തുന്നത്. വാഹനത്തിന്റെ ഡോറുകളുടെ വശങ്ങളില്‍ സ്‌ക്രൂ പിടിപ്പിക്കാത്തത് പൊലീസിന് സംശയമുണ്ടാക്കി.

      കാറിന്റെ പിന്‍ഭാഗത്ത് സ്‌ക്രൂഡ്രൈവറും ഡോറില്‍ നിന്ന് അഴിച്ചെടുത്ത സ്‌ക്രൂവും ഉള്‍പ്പെടെ പ്ലാസ്റ്റിക് കവറിലാക്കി കെട്ടിയനിലയില്‍ കണ്ടെത്തുകയും ചെയ്തു. ഡോര്‍ അഴിച്ചു പരിശോധിച്ചതോടെ ഡോറിന്റെ വശങ്ങളില്‍ കവറില്‍ പൊതിഞ്ഞ നിലയില്‍ കഞ്ചാവ് പൊതികള്‍ കണ്ടെത്തി.

      Also Read-വിവാഹച്ചടങ്ങിനിടെ മകളെ ശല്യം ചെയ്യുന്നത് ചോദ്യം ചെയ്ത പിതാവിനെ കുത്തിപരിക്കേല്‍പ്പിച്ച് യുവാവ്; പ്രതി ഒളിവില്‍

      കൈയില്‍ വടിവാള്‍, കോടാലി; ആറു വീടുകളില്‍ മോഷണശ്രമം; കുറുവാ സംഘമെന്ന് സംശയം

      കോട്ടയത്ത് ആറു വീടുകളില്‍ മോഷണശ്രമം(Theft). കൈയില്‍ മാരകായുധങ്ങളുമായി മൂന്നംഗ മോഷണ സംഘമാണ് ഇതിന് പിന്നിലെന്ന് കണ്ടെത്തി. കുറുവാ സംഘമെന്ന്(Kuruva Gang) സംശയിക്കുന്നതായും പരിശോധന നടത്തുമെന്നും ജില്ലാ പൊലീസ് മേധാവി ഡി ശില്‍പ പറഞ്ഞു. അതിരമ്പുഴ പഞ്ചായത്തിലെ ആറു വീടുകളിലാണ് മോഷണശ്രമമുണ്ടായത്.

      ശനിയാഴ്ച പുലര്‍ച്ചെ ഒന്നിനും 3:30നും ഇടയിലാണ് മോഷണശ്രമം. ആറാം വാര്‍ഡ് തൃക്കേല്‍ ക്ഷേത്രത്തിന്റെ സമീപം നലീഫ മന്‍സില്‍ യാസിറിന്റെ ഭാര്യയുടെ മെറ്റല്‍ പാദസരം സ്വര്‍ണത്തിന്റേതെന്ന് കരുതി അപഹരിച്ചു.

      ഏഴാം വാര്‍ഡിലെ യാസ്മിന്റെ വീടിന്റെ വാതില്‍ മോഷ്ടാക്കള്‍ കുത്തിത്തുറക്കാന്‍ ശ്രമിക്കുന്നതിനിടെ ശബ്ദം കേട്ട് വീട്ടുകാര്‍ ഉണര്‍ന്നു. ശബ്ദം വെച്ചതോടെ സംഘം കടന്നു. ഏറ്റുമാനൂര്‍ സ്ഥലത്ത് പരിശോധന നടത്തിയെങ്കിലും മോഷ്ടാക്കളെ കണ്ടെത്താന്‍ കഴിഞ്ഞില്ല.

      Also Read-മദ്യകുപ്പി നോക്കിയെടുത്ത് കൊടുത്തില്ല; യുവതിയെ ക്രൂരമായി മര്‍ദ്ദിച്ച് ഭര്‍ത്താവ്

      വടിവാള്‍, കോടാലി ഉള്‍പ്പെടെ മാരകായുധങ്ങളുമായി, അടിവസ്ത്രം മാത്രം ധരിച്ച സംഘത്തെയാണു സമീപത്തെ സിസിടിവി ദൃശ്യങ്ങളില്‍ കണ്ടത്. മോഷണ ശ്രമത്തിനു ശേഷം ഏറ്റുമാനൂര്‍ റെയില്‍വേ സ്റ്റേഷന്‍ ഭാഗത്തേക്കാണ് ഇവര്‍ പോയത്.
      Published by:Anuraj GR
      First published:
      )}