പതിനാറുകാരിയെ പീഡിപ്പിച്ച് ഗർഭിണിയാക്കി: സഹോദരൻ അറസ്റ്റിൽ

മുംബൈ: സഹോദരിയെ പീഡിപ്പിച്ച് ഗർഭിണിയാക്കിയ 21 കാരൻ അറസ്റ്റിൽ. പതിനാറുകാരിയായ സഹോദരിയെ പീഡിപ്പിച്ച മുംബൈ സ്വദേശിയാണ് അറസ്റ്റിലായത്. വിദ്യാർഥിയായ പെൺകുട്ടിയെ ഇക്കഴിഞ്ഞ ശനിയാഴ്ച ശാരീരിക അസ്വാസ്ഥ്യത്തെ തുടർന്ന് ആശുപത്രിയിൽ പ്രവേശിപ്പിച്ചതോടെയാണ് സംഭവം പുറത്തറിയുന്നത്.

വിദഗ്ധ പരിശോധനയ്ക്ക് ശേഷം പെൺകുട്ടി രണ്ട് മാസം ഗർഭിണിയാണെന്ന വിവരം ഡോക്ടർ അറിയിച്ചതോടെയാണ് പീഡന വിവരം മാതാപിതാക്കളോട് തുറന്നു പറയുന്നത്. കഴിഞ്ഞ ആഗസ്റ്റ് മുതൽ സഹോദരൻ തന്നെ ലൈംഗികമായി പീഡിപ്പിച്ചു വരികയാണെന്ന് പെൺകുട്ടി പൊലീസിനും മൊഴി നൽകി.

Also Read-ഭർത്താവിനെ ഉപേക്ഷിച്ച് കാമുകനൊപ്പം പോയി; സ്വർണ്ണാഭരണങ്ങൾ തട്ടിയെടുത്ത് കാമുകൻ കടന്നു

പോക്സോ വകുപ്പ് പ്രകാരം ബലാത്സംഗക്കുറ്റത്തിനാണ് പ്രതിക്കെതിരെ കേസെടുത്തിരിക്കുന്നത്.