വിജയ് യേശുദാസിന്റെ വീട്ടിൽ കവർച്ച; 60 പവൻ സ്വർണം നഷ്ടപ്പെട്ടതായി പരാതി

ചെന്നൈ: ഗായകനും നടനുമായ വിജയ് യേശുദാസിന്റെ വീട്ടിൽ കവര്‍ച്ച. ചെന്നൈയിലെ വീട്ടിലാണ് കവർച്ച നടന്നത്. ഭാര്യ ദർശന ബാലയുടെ 60 പവൻ സ്വർണവും വജ്രാഭരണങ്ങളും നഷ്ടപ്പെട്ടതായി പൊലീസിൽ പരാതി നല്‍കി. ചെന്നൈയിലെ അഭിരാമപുരം പൊലീസ് സ്‌റ്റേഷനിലാണ് പരാതി നൽകിയത്.

വിജയ് യേശുദാസ് ഭാര്യ ദർശന ബാലയ്‌ക്കൊപ്പം ബ്രഹ്മപുരത്താണ് താമസിക്കുന്നത്.മോഷണത്തിനു പിന്നിൽ വീട്ടിലെ ജോലിക്കാരെ സംശയിക്കുന്നതായി വിജയ് യേശുദാസിന്റെ കുടുംബം അറിയിച്ചു.

Also Read-മോഷ്ടിച്ച സ്വർണാഭരണങ്ങൾ വിറ്റ് ഒരു കോടി രൂപയുടെ ഫ്ലാറ്റ് വാങ്ങി; ഐശ്വര്യ രജനീകാന്തിന്റെ ജോലിക്കാരിയുടെ വെളിപ്പെടുത്തൽ

നേരത്തെ രജനികാന്തിന്റെ മകൾ ഐശ്വര്യ രജനിയുടെ വീട്ടിൽ നിന്ന് സ്വർണവും വജ്രവും മോഷണം പോയിരുന്നു.കേസിൽ വേലക്കാരിയായ ഈശ്വരിയും ഭർത്താവും പൊലീസ് പിടിയിലായിരുന്നു. വീട്ടിലെ ജോലിക്കാരെ സംശയിക്കുന്നതായും സംവിധായികയുടെ പരാതിയിൽ പറഞ്ഞിരുന്നു. ഇതിന്റെ അടിസ്ഥാനത്തിൽ നടത്തിയ അന്വേഷണത്തിനൊടുവിലാണ് ഈശ്വരിയും ഭർത്താവും പൊലീസ് പിടിയിലാകുന്നത്.