• HOME
  • »
  • NEWS
  • »
  • crime
  • »
  • ആശുപത്രി ജീവനക്കാരിയെ 17കാരൻ ലൈംഗികമായി പീഡിപ്പിച്ചു; മൂന്നുപേർ അറസ്റ്റിൽ

ആശുപത്രി ജീവനക്കാരിയെ 17കാരൻ ലൈംഗികമായി പീഡിപ്പിച്ചു; മൂന്നുപേർ അറസ്റ്റിൽ

അക്രമികൾ യുവതിയെ കത്തി കാണിച്ച് ഭീഷണിപ്പെടുത്തുകയും അവളുടെ കൈകളും കാലുകളും ബന്ധിക്കുകയും തുടർന്ന് ആൺകുട്ടി യുവതിയെ ബലാത്സംഗം ചെയ്യുകയുമായിരുന്നു

പ്രതീകാത്മക ചിത്രം

പ്രതീകാത്മക ചിത്രം

  • Share this:
    ആശുപത്രി ജീവനക്കാരിയായ യുവതിയെ കത്തികാട്ടി ലൈംഗിക പീഡനത്തിന് ഇരയാക്കിയ സംഭവത്തിൽ 17കാരൻ ഉൾപ്പടെ മൂന്നുപേർ പിടിയിലായി. ഛത്തീസ്ഗഡിലെ മനേന്ദ്രഗഡ്-ചിർമിരി-ഭരത്പൂർ (എംസിബി) ജില്ലയിലാണ് 32 കാരിയായ ആരോഗ്യ പ്രവർത്തകയെ പ്രായപൂർത്തിയാകാത്ത ആൺകുട്ടി ആശുപത്രിക്കുള്ളിൽവെച്ച് കത്തിചൂണ്ടി ബലാത്സംഗം ചെയ്തത്. 17 കാരനായ പ്രതിയെയും ഇയാളുടെ രണ്ട് കൂട്ടാളികളെയും പോലീസ് അറസ്റ്റ് ചെയ്തു, കേസിൽ ഒരു പ്രതി കൂടി ഒളിവിലാണെന്ന് ഒരു ഉദ്യോഗസ്ഥൻ പറഞ്ഞു.

    ജാഗ്രഖണ്ഡ് പോലീസ് സ്റ്റേഷൻ പരിധിയിലുള്ള ചിപ്ചിപ്പ് ഗ്രാമ പഞ്ചായത്തിലെ ഒരു ഉപ ആരോഗ്യ കേന്ദ്രത്തിൽ വെള്ളിയാഴ്ച ഉച്ചയോടെയാണ് സംഭവം നടന്നതെന്ന് സ്റ്റേഷൻ ഹൗസ് ഓഫീസർ (എസ്എച്ച്ഒ) ജാഗ്രഖണ്ഡ് ദീപക് സൈനി പറഞ്ഞു. ശനിയാഴ്ച രാവിലെ യുവതി പരാതി നൽകിയതിനെ തുടർന്നാണ് പോലീസ് നടപടിയിലേക്ക് നീങ്ങിയത്.

    ഗ്രാമത്തിന്റെ പ്രാന്തപ്രദേശത്തുള്ള സ്ഥാപനത്തിൽ സ്ത്രീ തനിച്ചായിരുന്നു, പ്രായപൂർത്തിയാകാത്തവരും ഇയാളുടെ മൂന്ന് കൂട്ടാളികളും അവിടേക്ക് കടന്നുകയറി, യുവതിയെ പീഡിപ്പിക്കുകയായിരുന്നുവെന്ന് അദ്ദേഹം പറഞ്ഞു. അക്രമികൾ യുവതിയെ കത്തി കാണിച്ച് ഭീഷണിപ്പെടുത്തുകയും അവളുടെ കൈകളും കാലുകളും ബന്ധിക്കുകയും ചെയ്തു, തുടർന്ന് ആൺകുട്ടി അവളെ ബലാത്സംഗം ചെയ്തുവെന്ന് ഉദ്യോഗസ്ഥർ പറഞ്ഞു.

    Also Read- ദുർമന്ത്രവാദത്തിനായി യുവതിയെ നഗ്നപൂജയ്ക്ക് പ്രേരിപ്പിച്ച ഭർതൃമാതാവ് അറസ്റ്റിൽ; ഭർത്താവും മന്ത്രവാദിയും ഒളിവിൽ

    സംഭവസ്ഥലത്ത് നിന്ന് രക്ഷപ്പെടുന്നതിന് മുമ്പ് അവർ ഈ പ്രവൃത്തി മൊബൈൽ ഫോണിൽ ചിത്രീകരിച്ചതായും അദ്ദേഹം പറഞ്ഞു. ഇന്ത്യൻ ശിക്ഷാ നിയമം, പട്ടികജാതി-പട്ടികവർഗ (അതിക്രമങ്ങൾ തടയൽ) നിയമം, ആയുധ നിയമം, ഇൻഫർമേഷൻ ടെക്നോളജി ആക്റ്റ് എന്നിവയുടെ പ്രസക്തമായ വകുപ്പുകൾ പ്രകാരവും പ്രതികൾക്കെതിരെ കേസെടുത്തിട്ടുണ്ടെന്നും അദ്ദേഹം പറഞ്ഞു.
    Published by:Anuraj GR
    First published: