• HOME
  • »
  • NEWS
  • »
  • crime
  • »
  • കുളിമുറി ദൃശ്യം പകർത്താൻ ഫോൺ ഒളിപ്പിച്ചുവെച്ചു; തിരിച്ചെടുക്കാനെത്തിയപ്പോൾ യുവാവ് പിടിയിൽ

കുളിമുറി ദൃശ്യം പകർത്താൻ ഫോൺ ഒളിപ്പിച്ചുവെച്ചു; തിരിച്ചെടുക്കാനെത്തിയപ്പോൾ യുവാവ് പിടിയിൽ

കുളിക്കാനായി കയറിയ വീട്ടമ്മ ഒളിപ്പിച്ചുവച്ച നിലയിൽ മൊബൈൽ ഫോൺ കണ്ട് ബഹളം വയ്ക്കുകയായിരുന്നു

  • Last Updated :
  • Share this:
    കോഴിക്കോട്: കുളിമുറിയിൽ മൊബൈൽ ഫോൺ ഒളിപ്പിച്ചുവച്ച് ദൃശ്യങ്ങൾ പകർത്താൻ ശ്രമിച്ച യുവാവ് പിടിയിലായി. കോഴിക്കോട് ബാലുശ്ശേരി കരുമല മഠത്തിൽ റിജേഷ് (31) എന്നയാളെയാണ് പൊലീസ് അറസ്റ്റ് ചെയ്തത്. ഇയാളുടെ വീടിന് സമീപത്തെ വീട്ടിലെ കുളിമുറിയിലാണ് മൊബൈൽഫോൺ ക്യാമറ ഓണാക്കിയശേഷം റിജേഷ് ഒളിപ്പിച്ചുവെച്ചത്. കുളിക്കാനായി കയറിയ വീട്ടമ്മ ഒളിപ്പിച്ചുവച്ച നിലയിൽ മൊബൈൽ ഫോൺ കണ്ട് ബഹളം വയ്ക്കുകയായിരുന്നു. അതിനിടെ ഫോൺ എടുക്കാൻ വന്ന യുവാവിനെ നാട്ടുകാർ വളഞ്ഞുവെച്ച് പൊലീസിന് കൈമാറുകയായിരുന്നു.

    റിജേഷ് നേരത്തെയും മൊബൈൽ ഫോൺ ഉപയോഗിച്ച് ഇത്തരത്തിൽ നിരവധി തവണ ദൃശ്യങ്ങൾ പകർത്തിയതായി പൊലീസ് സംശയിക്കുന്നുണ്ട്. ചോദ്യം ചെയ്യലിൽ ഇയാൾ പരസ്പരവിരുദ്ധമായ മൊഴിയാണ് നൽകുന്നത്. ഡിലീറ്റ് ചെയ്ത ദൃശ്യങ്ങൾ ഉൾപ്പടെ കണ്ടെടുക്കാനായി റിജേഷിന്‍റെ ഫോൺ അന്വേഷണസംഘം സൈബർ സെല്ലിന് കൈമാറിയിട്ടുണ്ട്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

    'ഗ്യാസ്ട്രബിളിന് ചികിത്സ തേടിയെത്തിയ യുവതിയുടെ രഹസ്യഭാഗങ്ങളിൽ സ്പർശിച്ചു'; ആലപ്പുഴയിലെ പ്രമുഖ ഡോക്ടർക്കെതിരെ ആരോപണം

    ഗ്യാസ്ട്രബിളിന് ചികിത്സ തേടിയെത്തിയപ്പോൾ ഡോക്ടർ ലൈംഗികമായി ചൂഷണം ചെയ്തെന്ന പരാതിയുമായി യുവതി. ആലപ്പുഴ കരുവാറ്റയിലുള്ള ഡോക്ടർക്കെതിരെയാണ് ലൈംഗികാതിക്രമ പരാതിയുമായി യുവതി രംഗത്തെത്തിയത്. ഫിസിഷ്യൻ ആയ ഡോ. മുഹമ്മദ് കുഞ്ഞിനെതിരെയാണ് യുവതി ആരോപണം ഉന്നയിച്ചിരിക്കുന്നത്. 'വുമൻ എഗെയിൻസ്റ്റ് സെക്ഷ്വൽ ഹരാസ്മെൻറ്' എന്ന ഫേസ്ബുക്ക് പേജിലൂടെയാണെന്നാണ് ആരോപണം. ഗ്യാസ് ട്രബിൾ പ്രശ്നവുമായി ഡോക്ടറെ സമീപിച്ച തന്നെ പരിശോധിക്കാനെന്ന വ്യാജേന ജനനേന്ദ്രിയത്തിലും മാറിടത്തിലും സ്പർശിക്കുകയും മോശമായ രീതിയിൽ സംസാരിക്കുകയും ചെയ്‌തെന്ന് യുവതി വെളിപ്പെടുത്തുന്നു.

    'വുമൻ എഗെയിൻസ്റ്റ് സെക്ഷ്വൽ ഹരാസ്മെൻറ്' ഫേസ്ബുക്ക് പേജിലെ പോസ്റ്റ് പൂർണരൂപം

    ആലപ്പുഴ കരുവാറ്റയിലുള്ള ഫിസിഷ്യൻ ആയ ഡോ. മുഹമ്മദ് കുഞ്ഞിൽ (മമ്മുഞ്ഞു) നിന്നുമുണ്ടായ ദുരനുഭവം ആണ് ഈ കുറിപ്പ് എഴുതുവാൻ കാരണം. എന്റെ ബന്ധുമിത്രാദികളുടെയും കുടുംബത്തിന്റെയും എല്ലാം വിശ്വസ്തനായ ഡോക്ടർ ആയ ഇദ്ദേഹം കുറച്ചു നാളായി സ്വന്തം ക്ലിനിക് നടത്തിവരുന്നു. തുമ്മൽ അലർജിയുമായി ബന്ധപെട്ടാണ് മാതാപിതാക്കളോടൊപ്പം മൂന്നുപ്രാവശ്യം ഇദ്ദേഹത്തെ കൺസൽട്ട് ചെയ്തത്. രണ്ടുമാസം മുൻപ് കണ്ടപ്പോൾ ആദ്യമായി കാണുന്ന എന്നോട് വളരെ അടുത്ത് പെരുമാറുകയും ശരീരത്തോട് ചേർത്ത് പിടിക്കുകയും ഒക്കെ ചെയ്യുകയുണ്ടായി. അതിൽ ബുദ്ധിമുട്ട് തോന്നിയ എന്നോട് പലരും പറഞ്ഞത് എൺപതിനടുത്ത് പ്രായമുള്ള അദ്ദേഹം പേരമകളെ പോലെ ചേർത്ത് പിടിച്ചതാവാം എന്നാണ്.

    ഈ അടുത്ത ദിവസം കാണുവാൻ ചെന്നപ്പോൾ ഗ്യാസ് ട്രബിൾ ഉണ്ടെന്നു പറഞ്ഞപ്പോൾ എന്റെ വയറു പരിശോധിക്കുകയും പെട്ടെന്ന് എന്തോ പ്രശ്നം ഉള്ള പോലെ കിടക്കാൻ ആവശ്യപ്പെടുകയും ചെയ്‌തു. പിന്നീട് വയറു പരിശോധിക്കാതെ എന്റെ ജെനിറ്റൽ ഏരിയയിലും ബ്രസ്റ്റ്സിലും സ്പർശിക്കുകയും മോശമായ രീതിയിൽ സംസാരിക്കുകയും ചെയ്‌തു. എനിക്കെന്തോ എമർജൻസി സിറ്റുവേഷൻ ഉള്ള പോലെ വളരെ പെട്ടെന്ന് പരിശോധന എന്ന ഭാവത്തിൽ, എന്റെ പിതാവ് റൂമിൽ തന്നെ തിരിഞ്ഞു നിൽക്കെയാണ് ഇദ്ദേഹം ഇങ്ങനെ പെരുമാറിയത്. മോശമായ സ്പർശനവും അദ്ദേഹത്തിന്റെ പെരുമാറ്റവും അസ്വസ്ഥത തോന്നിയ ഞാൻ തട്ടിമാറ്റുകയും എഴുന്നേൽക്കാൻ ശ്രമിച്ചപ്പോൾ എനിക്ക് സെക്ഷുവൽ ആൻസൈറ്റി പ്രശ്നം ഉണ്ടെന്നും പിന്നീട് കൗൺസലിങ്ങിനു വരുവാൻ പറയുകയും ചെയ്തു.

    Also Read- Sexual Abuse | ബാർബർ ഷോപ്പിലെത്തിയ പതിനാലുകാരനെ പീഡിപ്പിക്കാൻ ശ്രമം; യുവാവ് അറസ്റ്റിൽ

    ഗ്യാസ് ട്രബിൾന് എന്റെ കൺസെന്റ് ഇല്ലാതെ പ്രൈവറ്റ് പാർട്സിൽ ഒരു ഗ്ലൗസ് പോലും ഉപയോഗിക്കാതെയാണ് സ്പർശിച്ചത്. എനിക്ക് ഉണ്ടായിട്ടുള്ള മാനസിക സമ്മർദ്ദം വിവരിക്കാൻ കഴിയുന്നതിലും അപ്പുറമാണ്. ലോക്കൽ സോഴ്സസിൽ നിന്നും അറിയാൻ കഴിഞ്ഞത് പല പ്രാവശ്യം ഇയാൾക്കെതിരെ കംപ്ലൈന്റ്സ് ഉണ്ടായിട്ടുണ്ടെന്നാണ്. വളരെ കുറച്ചു പ്രാവശ്യം മാത്രം ആ ക്ലിനിക്കിൽ പോയിട്ടും ഒരുപാട് അമ്മമാരെയും പെൺകുട്ടികളെയും ചെറിയ കുട്ടികളെയും എല്ലാം ആ ക്ലിനിക്കിൽ കണ്ടിട്ടുണ്ട്. ഇതുമായി ബന്ധപ്പെട്ട് ഇയാൾക്കെതിരെ മുന്നോട്ടു പോകുവാൻ എനിക്ക് പ്രിവിലേജ് ഇല്ലാത്തതുകൊണ്ടാണ് ഈ കുറിപ്പിലൂടെ ജനങ്ങളോട് എന്റെ അനുഭവം ഷെയർ ചെയ്യുന്നത്. ഇതു വായിക്കുന്ന എല്ലാവരും ഇയാൾക്ക് എതിരെയും മെഡിക്കൽ പ്രൊഫഷൻ ദുരുപയോഗം ചെയ്യുന്ന ഒരുവിധ ധാർമികതയും ഇല്ലാത്ത ഇയാളെ പോലെയുള്ളവരെയും ഒക്കെ കോൾ ഔട്ട് ചെയ്യണം എന്ന് അപേക്ഷിക്കുന്നു
    Published by:Anuraj GR
    First published: