ട്രെയിനിൽനിന്ന് ടിടിആറിന്‍റെ ഔദ്യോഗിക രേഖകൾ അടങ്ങിയ ലാപ്ടോപ്പ് ബാഗ് അടിച്ചുമാറ്റിയയാൾ പിടിയിൽ

ആലപ്പുഴയിൽ ട്രെയിനിൽ നിന്ന് ടി ടി ആറിന്റെ ഔദ്യോഗിക രേഖകൾ അടങ്ങിയ ലാപ്ടോപ്പ് ബാഗുമായി കടന്ന പ്രതി പിടിയിൽ. ഹരിപ്പാട് നിന്നാണ് റെയിൽവേ പോലീസ് നൽകിയ വിവരങ്ങളുടെ അടിസ്ഥാനത്തിൽ ചേർത്തല സ്വദേശി പ്രവീൺ അറസ്റ്റിൽ ആയത്.

കഴിഞ്ഞ ദിവസമാണ് ഔദ്യോഗിക കൃത്യനിർവഹണത്തിനിടെ ടി ടി ആറിന്റെ ലാപ്ടോപ്പ് ബാഗ് ആലപ്പുഴയിൽ വച്ച് മോഷ്ടിക്കപ്പെട്ടത്. മൊബൈൽ ഫോൺ ഉൾപ്പെടെ ബാഗിൽ സൂക്ഷിച്ചിരുന്നതിനാൽ മോഷണ വിവരം അറിഞ്ഞ ഉടൻ പോലീസിന് പരാതി കൈമാറി.

തുടർന്ന് മൊബൈൽ ടവർ ലൊക്കേഷൻ കേന്ദ്രീകരിച്ച് നടത്തിയ പരിശോധനയിൽ ഹരിപ്പാട് ദിശയിൽ സഞ്ചരിക്കുന്ന ബസിൽ മൊബൈൽ ഫോൺ സൂക്ഷിച്ചിരിക്കുന്ന ബാഗ് ഉള്ളതായി വിവരം ലഭിച്ചു. പിന്നീട് പോലീസ് നടത്തിയ അന്വേഷണത്തിലാണ് ബസിൽ നിന്ന് ചേർത്തല സ്വദേശിയായ പ്രവീൺ പിടിയിലായത്.

Also Read- സംസ്ഥാനത്ത് ഫെബ്രുവരി 25 മുതൽ മൂന്നുദിവസം ട്രെയിൻ ഗതാഗതത്തിൽ നിയന്ത്രണം; ജനശതാബ്ദി ഉൾപ്പടെ നാല് ട്രെയിനുകൾ റദ്ദാക്കി

ട്രെയിനിലെ യാത്രക്കാരുടെ പണം അപഹരിച്ചതടക്കമുള്ള കേസിൽ ഇയാൾ ഉൾപ്പെട്ടിട്ടുള്ളതായി റെയിൽവേ പോലീസിന് വിവരം ലഭിച്ചിട്ടുണ്ട്.