സ്റ്റേഷൻ വിട്ട ട്രെയിനിൽ കയറാൻ ബോംബ് ഭീഷണി; ഷൊർണൂരിൽ പഞ്ചാബ് സ്വദേശി അറസ്റ്റിൽ

എറണാകുളം: സ്റ്റേഷൻ വിട്ട ട്രെയിനിൽ കയറാൻ ബോംബ് ഭീഷണി. എറണാകുളത്ത് നിന്നും പുറപ്പെട്ട രാജധാനി എക്സ്പ്രസ്സിൽ കയറാനാണ് യാത്രക്കാരൻ ബോംബ് ഭീഷണി മുഴക്കിയത്. സംഭവത്തിൽ പഞ്ചാബ് സ്വദേശി ജയ്സിംഗ് റാത്തോഡ് അറസ്റ്റിൽ. വ്യാഴാഴ്ച രാത്രി 10:45- ഓടെയാണ് സംഭവം.

Also read-ഒറ്റപ്പാലത്തുനിന്ന് നാല് ആൺകുട്ടികളെ കാണാതായി: ട്രെയിൻ കയറുന്നത് കണ്ടതായി ദൃക്സാക്ഷി

എറണാകുളത്ത് നിന്നും പുറപ്പെട്ട ട്രെയിനിൽ ബോംബ് ഭീഷണിയുണ്ടായതിനെ തുടർന്ന് ഷൊർണൂരിൽ മൂന്ന് മണിക്കൂറോളം ട്രെയിൻ നിർത്തിയിട്ടു. ഇതോടെ എറണാകുളത്ത് നിന്ന് ഷൊർണൂരിലേക്ക് എത്തി ജയ്സിംഗ് റാത്തോഡ് ട്രെയിനിൽ കയറുകയായിരുന്നു. തുടർന്ന് ഷൊർണൂരിൽ ബോംബ് സ്ക്വാഡ് പരിശോധന നടത്തുന്നതിനിടെ യാത്രക്കാരൻ പിടിയിലാവുകയായിരുന്നു.