• HOME
  • »
  • NEWS
  • »
  • crime
  • »
  • പതിനേഴുകാരനെ അശ്ലീല വീഡിയോ കാണിച്ച് പ്രകൃതി വിരുദ്ധ പീഡനത്തിനിരയാക്കി ; മലപ്പുറത്ത്  അധ്യാപകൻ അറസ്റ്റിൽ 

പതിനേഴുകാരനെ അശ്ലീല വീഡിയോ കാണിച്ച് പ്രകൃതി വിരുദ്ധ പീഡനത്തിനിരയാക്കി ; മലപ്പുറത്ത്  അധ്യാപകൻ അറസ്റ്റിൽ 

കുട്ടിയു‍ടെ പഠനത്തിലും പെരുമാറ്റത്തിലും മാറ്റം കണ്ട അധ്യാപകർ കുട്ടിയെ വിളിച്ചു സംസാരിച്ചതോടെയാണ് പീഡന വിവരം പുറത്തറിയുന്നത്.

  • Share this:

    മലപ്പുറം: പ്രായപൂർത്തിയാകാത്ത കുട്ടിയെ പ്രകൃതി വിരുദ്ധ പീഡനത്തിനിരയാക്കിയ കേസിൽ അധ്യാപകൻ അറസ്റ്റിൽ . മലപ്പുറം ചെമ്മൻകടവ്  സ്വദേശി മുഹമ്മദ് ബഷീറിനെയാണ് പോലീസ് അറസ്റ്റ് ചെയ്തത് .

    അശ്ലീല വീഡിയോകൾ കാണിച്ച് 2019 മുതൽ ബഷീർ  17  വയസ്സുകാരനെ പീഡനത്തിരയാക്കിയെന്നാണ് പരാതി . നിരന്തരം ബഷീറിന്റെ ഉപദ്രവമേറ്റ കുട്ടി കടുത്ത മാനസിക സമ്മർദ്ദത്തിലായിരുന്നു.  ഇത് കുട്ടിയു‍ടെ പഠനത്തിലും പെരുമാറ്റത്തിലും മാറ്റം വരുത്തി. ഇത്  ശ്രദ്ധയിൽ പെട്ട അധ്യാപകർ കുട്ടിയെ വിളിച്ച്  സംസാരിച്ചതോടെയാണ് പീഡന വിവരം പുറത്തറിയുന്നത്.

    Also read-ഒരു കുടുബത്തിലെ ഏഴുപേർ പുഴയിൽ മരിച്ച നിലയിൽ; ബന്ധുക്കളായ അഞ്ചു പേർ അറസ്റ്റിൽ

    തുടർന്ന് അധ്യാപകർ ചൈൽഡ് ലൈനിൽ വിവരമറിയിച്ചു . ചൈൽഡ് ലൈൻ പ്രവർത്തകർ കുട്ടിക്ക് കൗൺസിലിംഗ് നൽകുകയും പോലീസിന് വിവരം കൈമാറുകയുമായിരുന്നു.  തുടർന്നാണ് കുട്ടിയുടെ മൊഴി രേഖപ്പെടുത്തി പോക്സോ വകുപ്പ് പ്രകാരം കേസ് രജിസ്റ്റർ ചെയ്ത പോലീസ് പ്രതിയെ അറസ്റ്റ് ചെയ്തത് . കോടതിയിൽ ഹാജരാക്കിയ ബഷീറിനെ റിമാൻഡ് ചെയ്തു . മലപ്പുറം സി ഐ ജോബി തോമസിൻ്റെ നേതൃത്വത്തിലുളള സംഘം ആണ് പ്രതിയെ പിടികൂടിയത്.

    Published by:Sarika KP
    First published: